جدولك الرياضي🌧💗.

اهلا آنساتي مشتاقه لكم كثير ومشتاقه اكتب واشوف تعليقاتكم الحلوه على الموضوع🧚‍♀️🌧.

بتكلم عن الجدول الرياضي وكيف ترتبينه ووشلون
تنزلين وزنك وتضبطين شكلك وتعدلين حياتك صح🎯.

اول شيء جيبي دفتر وقلم يا عزيزتي ورتبي افكارك وسجلي النقاط هذي وشاركيني صوره التطبيق حقك 💗.

راح ترسمين جدول وفيه ايام الاسبوع 💗.

حاولي تغيرين لون القلم في الكتابه عشان تجي الصفحه فيها حياه وتحمس🩰💘.
مثلاً يوم الاحد انتي حابه تشتغلين على الجزء العلوي من الجسم ؟ ( الجزء العلوي هو من الرأس الى السُرّه)
او الجزء السفلي؟ (من السُرّه حتى اصابع الاقدام ) .

اشتغلي على شيء معين 🎯.

او حابه تلعبين تمارين ثانيه للجسم كامل القرار راجع لك اهم شيء قسمي افكارك كل يوم وش حابه تسوين💗🩰.

طيب الحين كم ساعه تحبين تتمرنين في اليوم و كم يوم راحه عندك في ناس يتمرنون ٣ ايام بالاسبوع 🎯.

الافضل بالذات اذا كنتي سمينه وحابه تنزلين وزن ٥ ويوم راحه ويوم تمارين قفز او ركض ✋🏻🌧.

طيب هذا بالنسبه لجدولك الرياضي شفتي شلون سهل مره؟

{ملاحظه: عزيزاتي الرياضه فيها قفز وبعض الانسات تعتمد ملابس عاريه نوعاً ما عشان تاخذ راحتها بس اقرأي اذكارك عشان مايضرك شيء بإذن الله يعني القفز بدون تسميه والملابس الي تصف الجسم تسلط عليك الشياطين ف احذري🌧💗}

طيب بعض البنات بمجرد تجوع ماتبي تفكر وش تسوي عشان تاكل ف تروح الثلاجه وتودع الصحه عند الباب😓.
ف الافضل تسوين جدول اخر عشان اكلك اكتبي وصفات صحيه ولاتعتمدين على سلطه بس خلي اكلك غني جداً سلطات وعصيرات طازجه من صنعك انتي
و كلي شوي دجاج مشوي وهكذا💗
والسمك واللحم مرره مفيدين بس تاكلينهم اذا مسلوقين او مشويين قلي لا✋🏻🔴.

اما بالنسبه لقاعدتك في حساب السعرات الحراريه هذي الفتره ف استخدمي الميزان الذهني يعني حاولي تركزين ذهنياً وش الاكثر حركتك ولا اكلك؟

اذا اكلك اكثر من حركتك ف راح تكتسبين وزن
اما اذا حركتك اكثر من اكلك ف راح تخسرين وزن
اما اذا الاكل والحركه في نفس المستوى ف مارح يتغير شيء✋🏻💗.

شاركوني اذا سويتوا جدول 💗