جدولك اليومي في الاجازه ....هل تغير ؟؟؟

السلام عليكم جميعا

عزيزاتي انا انسانه الحمد لله منظمه جدا وقايمه بكل شؤن بيتي وعيالي بيتي الحمد لله ينظف يوميا بحسب جدول انا حاطته وعيالي نومهم ووجباتهم واستحمامهم كل هالامور منظمتها دايم وماشيه على جدولي تمام بس وين المشكله؟؟
المشكله من بعد ما بدت الاجازه نظامي كللللللللللللله تلخبط بشكل كبير
انا اول كنت انام الساعه 12 بالكثير اصحى على الساعه 9ونص عشره بالكثير انظف واطبخ وارتب الين اذان العصر يكون البيت نظيف ومخلصين غدا ومشطبه على المطبخ واحيانا اكون مسويه حلا وقهوه اخذ لي دش العصر واجلس اشرب قهوتي والحلا واكمل يومي على حسب اذا وراي طلعه او جالسه بالبيت المهم ان ما يؤذن العصر الا انا قايمه بكل الواجبات الي علي
من بعد الاجازه طبعا بدت الاجتماعات العائليه والسهرات والحفلات وطلعات الاستراحات تقريبا بشكل شبه يومي وصرنا نسهر برا البيت لحد الساعه واحده او اكثر طبعا نرجع متاخرين على ما انوم العيال واغير يكون الوقت متاخر اجلس استنى صلاه الفجر وانام وطبعا ما اصحى الا على اذان الظهر اقوم وانا مصدعه ونفسيتي مش ولابد وزوجي مدرس جالس هاليومين في البيت فما لي نفس ارتب او انظف شي غير اني اصلا ما احب اشتغل وزوجي في البيت
بيتي الصراحه صاير مكركب وحوسه وفوضى ومو لاقيه وقت -او بالاصح مو لاقيه نفس اني انظف واشتغل زي اول حتى الغدا والوجبات صرت اهمل فيها والغسيل والمواعين كل شي اجتمع علي وحاسه نفسي ماني قادره اتاقلم على هالوضع او على الاقل ارتب برنامج جديد حتى عيالي ياعمري تلخبط نومهم مع اني ما احب كذا بس غصب عني


سؤالي لكل امراه ماعندها شغاله



ماهو نظامك في الاجازه من ترتيب وشغل بيت وخلافه؟؟
هل رتبتي لك جدول جديد والا ماتغير وضعكم ؟؟
السؤال الاهم ؟؟هل طبيعي الي يصير لي والا انا مهمله :06:؟؟<<<اكثر سؤال شايله همه