اختي فنانة مررة ..

الف تحية على المرور ..

للرفع


<< تدور بنات يشتركو ونسوي رابطة تنعيم الشعر مع ام جاورس

جزاك الله خير يا م جاورس

والله قليل تلقين ناس يحبون يساعدون غيرهم

املي في خلطتج كبير ان شاء الله تنفعني

والله اذا نفعت مراح انساك من الدعاء

لان من جد شعري قلل ثقتي بنفسي :(

جزاك الله خير

اختي فراولة بالشوكولاته.. رفع الله قدرج حبيبتي..

و الله ما ابي الا مصلحتكم.. انا واايد واايد عانيت من شعري و اعرف انه فيه غيري ملايين تعبانين مع شعرهم نفسي و تلاقين هالكوافيرات قاصين عليهم بالسشوار و التمليس و غيرها من المواد الكيميائية اللي للاسف تحرق الشعر ... بس ما تعالج مشاكله بشكل ج>ري..

و الله اني ابي لكم الخير و الله يعلم باللي في نفسي من ورا هالموضوع..

اختي مس مي...

انا مريت بنفس حالتج.. وصل فيني لدرجة البكاء على شعري.. بدون مبالغة.. و لو تشوفيني و انا ابكي تقولين فاقدة عزيز لا قدر الله.. و في فترة قلت ثقتي في نفسي وااايد و كرهت الدنيا كلها.. بس الحمدلله اني ما استسلمت ابدا.. خخخخ (حشى حرب مو شعر).. و انا متأكدة كل التأكد انج راح تستفيدين من هالجدول.. بس انتي ابدي فيه و استمري عليه..

اختي رومانتيك ليدي مشكورة على المرور يا الغلا...

بغيت اعطيكم اخر تطورات شعري .. خخخ (اقول لكم حرب مو شعر)

بنات لاحظت من بداية هالاسبوع.. انه شعري صاير يجنن لما اقعد من النوم.. نعوم و فيه لمعة يكون طاايح.. عكس قبل يكون كشة و معقد و حالته لله..و البارحة قبل لا ننام.. كنا نسولف انا و زوجي على اضاءة خافتة... و زوجي قال لي ما شاء الله شعرج صاير يلمع حتى في الظلام و قعد يقرا على راسي عشان لا يطقه عين و يرجع كشة ناشفة نفس قبل خخخخ .. صج ايام الله لا يعودها علي...

و صرت ما احط مسحات من الزيت في اليوم اللي ما ازيت فيه شعري.. لان الحمدلله شعري ما عاد يحتاج.. ما شاء الله لا قوة الا بالله...
و اول ما بديت الجدول كان شعري ملمسه حلو.. و ناااعم.. و شكله حلو بس واقف ما يتحرك.. خاصة من ورا.. بس من هالاسبوع ملاحظة شعري بدى يتحرك و يتأثر بالعوامل الخارجية مثل الهوا و الحركة خخخخ... و هالشيء دليل انه بدى يتعالج من الجفاف...الحمدلله رب العالمين..

بنات و الله جربوا الجدول.. ما راح تندمون ابددا..