ربي يسعدك ويوفقك
لكن وشي
بذور القطونا؟؟

اختي اولا الله يبارك لك في شعرك ويديم هالنعمه عليك
حبيت استفسر يصلح اطحن البذور(او مااطحنها) واحطها مع كريم الشعر اليومي لاني مااستغني عن الكريم بسبب الجفاف
هل لازم اغسل شعري بعد مدة والا عادي يبقى في الشعر

مشكوره يالغلا:27:

هلا بنات
اعذروني على التأخير في الرد بس و الله صار لي فترة ما دخلت المنتدى..

اللي تسأل عن اذا هالبذور تنفع للشعر الافريقي و الا لا..

بصراحة ما اعرف.. بس ما يمنع انج تجربين و ما اظن راح تخسرين شيء.. في النهاية تغذين شعرج و تضمنين صحته ..

اما اللي تسأل شنو هي بذور القطونا.. هي عبارة عن بذور مثل بذور السمسم لكن لونها وردي و هي اصلا تستخدم لعلاج المعدة و مشاكلها.. بس الاخت ريماس الله يحفظها عرفتنا عليها كمادة طبيعية لتنعيم الشعر.. و فيه بنات يستخدمونها على البشرة.. يقولون تشد و تبيض..و الله اعلم..

اختي بوبو كولا..

ما اظن بذور القطونا راح تعطي نتيجة في الكريم.. الا اذا حطيتيها بالنفس في الشعر و بجذيه شعرج بيبن وسخ و مو نظيف..

عندي لج اقتراح لو تحبين تسوينه..

انقعي البذور في زيت زيتون و بعدين حطي من هالزيت في الكريم و تخلطينه عدل .. بجذيه تضمنين انه شعرج يكون انظف و انعم و احلى..

انا على طول اسوي جذيه.. انقع البذور في علبة كبيرة و من هالعلبة احط من الزيت في الشامبو و حمام الزيت او اي خلطة زيوت ثانية..

للعلم بنات..

مريت في تجربة خلال الاسبوع الماضي و حبيت انبهكم عليها..

لاحظت الاسبوع الماضي كان شعري جااااف و كاااش و خشن.. استغربت مع اني ماشية على الجدول بالمسطرة و القلم.. و كلما غسلت شعري كلما صار اخشن و تعذبت معاه و كنت مستغربة وايد من النتيجة... المهم الشامبو كان على النهاية و خلص.. و سويت خلطة شامبو جديدة و حمام زيت و كل هالسوالف..

و لما استخدمتهم .. رجع شعري روعة و نعوم و حلووووووووووو... و حمدت ربي ان تعبي ما راح هدر.. فاللي اكتشفته هو التالي..

طبعا المواد المضافة للشامبو هي صفار بيضة و ملعقتين عسل و ملعقة زيت القطونا و شوية ماي دافي..

لما ركزت كنت واثقة انه الزيت و العسل ما يتلفون و لا تنتهي مدتهم.. بس البيض يخيس مع الايام و لما يخيس يعدم الشعر :(

فعرفت انه السبب هو البيض .. عشان جذيه ممكن تسوون كمية تكفي لاسبوعين و بس.. هالطريقة اضمن لدوام نعومة الشعر..

بنات طلب بسيط...

ارجو من كل وحدة منكم انها تقرا الموضوع كامل قبل لا ترسل لي اي استفسار على الخاص لان المعظم الاسئلة اللي توصلني مكررة و انا جاوبت عليها بالتفصيل الممل في الموضوع..

فرجاء رجعوا للموضوع قبل و لو ما لقيتوا الجواب اللي تبونه عقب رسلوا لي على الخاص...

موفقات حبيباتي