جدولي المكثف لتطويل الشعر مجرب من قبل😍

العناية بالشعر

السلام عليكم بنات
معاكم وحده طولت شعرها لأول مره ف حياتها في ثلاث سنين كان بوي مره وصار طويل لين نهاية ظهري ولكن غلطتي استخدمت بخاخ البابونج ومافتح لون شعري زي ماابغى واشتريت صبغه اشقر فاتح وصبغته وانعدم الله لايوريكم وصرت اهتم فيه وتحسن نوعاً ما وبعدين حملت وفجأه صار خشششن ومتشابك لو مااستشوره مستحيل يهجد وهو مبلول مطاااااط ويتساقط ويتكسر ووقف يطول انا شعري يطول ١سم ف الشهر المهم عرفت واقتنعت انه انعدم نهائي ومامنه فايده لا شكل ولا حيويه بس تعب نفسي حقيقي تعبت وكنت ابكي حسره لكن توبه اصبغ عاهدت الله ثم نفسي ماعاد اصبغ وقصيته بوي بداية شهر شوال شلت كل المحروووق صح خفت وتوترت وانا اقص لكن ارتحت نفسياً لان لمن احط يدي ف شعري احسه شعر صحي والحمدلله وقررت ارجع لجدولي القديم اللي طول شعري سابقاً دحين دخلت معاه اضافات ويارب يطول من غير شر وماابغى منكم غير دعوه صادقه في ظهر الغيب وادعولي اني اولد بالسلامه ويفرحني ربي بشوفة البيبي معافا ❤️
الجـــدول مو ضروري كل الخطوات لو مافيك حيل عادي خذي منه اللي تقدرين عليه بس استمري وبتدعين لي 🥺
الجــــــدووووول✨

خلطة الزيوت بالاعشاب
الزيوت( دابر املا ✨زيت الخردل✨زيت طبخ ) كلها مقدار كوب
الاعشاب( سدر مطحون✨حنا مطحونه✨زعتر مطحون✨اكليل الجبل مطحون✨ميراميه غير مطحونه✨لافندر غير مطحون✨حلبه حب✨قرنفل حب✨محلباسود مطحون✨حبه سودا حب) المقدار كلها ملعقه كبيره ماعدا حبة السودا نص ملعقه او ملعقه صغيره✨
سخنتها ع النار وخليتها تدفى وقت وعبيتها بعلبه قزاز وحطيتها ف دولاب مظلم مقفول


🧡قناع مطول للشعر
✨حنا✅
✨ زبادي✅
✨سدر✅
اعجنها بمغلي موية البصل والثوم واخليها بشعري ساعتين واغسلها بمويه فقط واليوم الثاني احط الزيت


🧡قناع عشبة الاس لتطويل الشعر بسرعه ومغمق للشعر ووقف تساقط الشعر
✅اول شي نحضر منقوع العشبه وزيت العشبه
✨المنقوع (احضار عشبة الاس الورق يفضل غير مجففه ولو كانت مجففه لابأس ويفضل نعملها ف الليل ونستخدمها اليوم الثاني نضع كميه من العشبه حسب طولالشعر وكثافته في برطمان زجاج فيه مويه مغليه ونقفل البرطمان ع طول عشان ماتتبخر فوائدها يفضل علبه قزاز ونحطها في الثلاجه عشان نستفيد من فوائدها ونبدء فياستخدامها اليوم الثاني مع القناع)
✨الزيت(نفس طريقة المنقوع ولكن بدل المويه زيت زيتون او زيت الطعام مقدار كوب وتحفظ في برطمان زجاج في مكان جاف لمدة اسبوع وكل يوم نرج البرطمان عشاننستفيد من العشبه ولو مستعجله نخلي البرطمان في حمام مائي لمدة ساعتين ونبدء نستعمله مع القناع)
✨مكونات القناع(مقدار ملعقه كبيره او حسب طول الشعر من مطحون عشبة الاس +بيضه كامله او لبن زبادي + ملعقه صغيره زيت فيتامينE )
✨الطريقة( نمزج الخليط حتى يتماسك ونحطها ف الشعر لمدة ٣ساعات ونغسلها بمويه بدون شامبو واخر شطفه تكون بمنقوع العشبه ومانجفف الشعر نخليه يجفلوحده وبعدها نزيت الشعر بزيت العشبه اللي سويناه وتغسلين الشعر بعد الزيت بالشامبو)

🧡تونك عشبة الاس مطول ومحفز للنمو ومغمق للشعر
احضار عشبة الاس الورق يفضل غير مجففه ولو كانت مجففه لابأس ويفضل نعملها ف الليل ونستخدمها اليوم الثاني نضع كميه من العشبه حسب طول الشعر وكثافتهفي صحن فيه مويه مغليه ونقفل الصحن ع طول عشان ماتتبخر فوائدها يفضل علبه قزاز ونحطها في الثلاجه عشان نستفيد من فوائدها واصفيها واحطها ببخاخ وابخ منوقت مااصحى لين وقت النوم بدون غسل الشعر واوقات الزيت استخدمها بعد غسل الشعر من الزيت لين وقت النوم


السبت✅ زيت+ تونك عشبة الاس
الاحد ✅ قناع عشبة الاس
الاثنين✅زيت+تونك عشبة الاس
الثلثاء✅قناع عشبة الاس
اربعاء✅زيت+تونك عشبة الاس
خميس✅قناع عشبة الاس
جمعه ✅ قناع الحنا
يعني ٣ ايام زيت و٣ايام قناع عشبة الاس و١يوم قناع الحنا والتونك يوميا كل ماكنتي جالسه وفاضيه بخي شعرك 👍🏼
🖍اضافات
استخدام الطاقيه الحراريه وعمل مساج للشعر✅ للاستفاده من الخلطات
خلط قهوه تركي مع الشامبو وتخفيفه بمويه✅ لان الكافين ينشط البصيلات ويطول الشعر
حبوب الحديد فيرو٢٨ او حمض الفوليك ٥ ملجم واكل سلطات وكثري من الجرجير والكراث لانه يطول الشعر ✅
ولي تجربة مع حبوب كبد الحوت اللي غطاها احمر طولت شعري واظافري لكن سمنت عليها وتركتها💔

انا حاليا استخدم فيتامينات الحمل🧡

وووبس دعواتكم❤️❤️❤️❤️
15
2K

يلزم عليك تسجيل الدخول أولًا لكتابة تعليق.

تسجيل دخول

انثى من الحرير
انثى من الحرير
الله يقومك بالسلامه ي رونق العسل وتفرحين وتقر عيونك بشوفتك ضناك ويجعلهم من الصالحين البارين
بس ممكن توضحين متى نستخدم زيت الاعشاب عشان فيه زيت اعشاب وزيت الأس
وزيت الخردل اي نوع اللي استخدمتيه؟
الله يسعدك ويجزيك خير ع نفعك وحب الخير للغير
رونق الحياةه
رونق الحياةه
الله يقومك بالسلامه ي رونق العسل وتفرحين وتقر عيونك بشوفتك ضناك ويجعلهم من الصالحين البارين بس ممكن توضحين متى نستخدم زيت الاعشاب عشان فيه زيت اعشاب وزيت الأس وزيت الخردل اي نوع اللي استخدمتيه؟ الله يسعدك ويجزيك خير ع نفعك وحب الخير للغير
الله يقومك بالسلامه ي رونق العسل وتفرحين وتقر عيونك بشوفتك ضناك ويجعلهم من الصالحين البارين بس...
امين ياروحي الله يسمع منك

زيت الاعشاب مكتوب ف الجدول (الزيت)
وزيت الاس نستخدمه مع قناع الاس وبعد غسل القناع بوضحلك الجدول اكثر


السبت✅ زيت الاعشاب+ تونك عشبة الاس
الاحد ✅ قناع عشبة الاس+زيت الاس
الاثنين✅زيتالاعشاب+تونك عشبة الاس
الثلثاء✅قناع عشبة الاس + زيت الاس
اربعاء✅زيت الاعشاب+تونك عشبة الاس
خميس✅قناع عشبة الاس+زيت الاس
جمعه ✅ قناع الحنا

يارب يكون وضح الجدول وزيت الخردل اخذته من السوبر ماركت راح انزل صورته تحت⬇️⬇️⬇️
ركايز
ركايز
لا اله الا الله
جميل الله يسعدك يارب
رونق الحياةه
رونق الحياةه
وهذا دابر املا الاصلي اخذته من النهدي مكان مضمون👍🏼👍🏼👍🏼
رونق الحياةه
رونق الحياةه
وهذا الخردل اهم شي يكون انتاج بنجلاديش ويصلح للسلطه🥬🥒🍅