السلام عليكم ورحمة الله وبركاته
شوفو يابنوتات انا سيدا بعطيكم جدولي في رمضان السنه اللي فاتت وررربي اللي تمشي عليه بحذافيرو راااااااااح تستفيد وتدعيلي دعوه حلوه من القلب الله يحقق اللي فبالي.........
اول شي انا شفت انو رمضان فرصه مناسبه عشان اخفف وزني لان وقت الاكل فيه محدد:S_45::S_45: والعباده اهم شي فحيرووح معظم الوقت فيها.....
بالاضافه للسوق واشغال المنزل فما حيكون عندك وقت تاكلي>>>>>المهم؟؟؟
تيب عشان ما اطول عليكم حاسدحلكم دحين الخطوات اللي كونت اساويها وانتو ما عليكم الا التطبيق عمللللللي...
1\البشرى الساااااااره اني كونت اكال كل شي:f226:??? وربي كل اللي على السفره آآكل منو بس ما اوصل لحد الشبع........يعني زي الذواقه بس اخذ من كل طبق ملعقتين ملعقتين والسمبوسك لانها دسمه اخذ منها حبه بس واذا مرره تهورت اخذ حبتين لاني اموووووووت عليها...المهم لاتعبي بطنك كلي بس لسد الجوع وهذه النقطه هي اللي مررررررررررره اثرت في جسمي >>>ماشاالله
ملاحظه مهمه:الوقت بين الجبات بعد الساعه عشره اذا جوعتي اشربي موووويه كلي فواااااااكه اعمليلك سلطه خضروات المهم لاتاكلي حلا ولا معجنات ولا شوربه ولا اي شي دسم....اوكيشن؟؟؟
2\المويه-الميه-المااااء\كثرررررري منو يعني اقل حاجه8 اكواب باليوم وهذا مررره ضروووري للي تبغا نحف صحي....
3\المشي والرياضه وماادرئك ما المشي والرياضه..
بس انتبهي مو بعد الفطور على طول ولا النهار فترة الصيام لاااا ع الساعه 10 ونص -11 كونت اسوي الرياضه وللعلم كنت بس اخصص لنفسي ساعه للرياضه واللي بتنحف بسرعه تزيدها ساعتين او ساعه ونص مو اكثر انا كنت امشي نص ساعه:7_5_127:ترى مو ضروري سير انا كنت امشي في الصاله المهم مكان حار وطريقتي في المشي// شدي بطنك الى الداخل وضهرط يكون مستقيم وامشي على مهل وبخطوات واسعه نوعا ما عشان تشد عضلات الساق والفخذ >>>>ونصيحه خلي لسانك يلهج بذكر الله دامك تمشي وماعندك شي ...ونص الساعه الباقي اقسمو 80 مره حبله >>>اللعبه القديمه قمره ياسمره ياشمس نجوم......ان شاالله تعرفوها>>>ايوه تنطي ع الحبل مع خواتك مع نفسك المهم تساويها لانها تشد الجسم كلووو وما تخلي يترهل....وتمارين للبطن :7_5_122:وللمؤخره والافخاذ>>>>تمرين البطن انا كنت اساوي واحد خساره ما لقيتلكم صوره بس حاولو تركزو معي في شرحو>>>>الاخت متاثره بالمدرسه.
تنسدحي على ضهرك وتحطي يدينك تحت راسك يعني وحده على التانيه وتثني رجولك يعني زي الشباب لما يقعدو للمباراه>>>>خخخخخخ
المهم ترفعي راسك مع ايدينك ورجلك اليسار وتكون رجلك مثنيه طبعا وتخلي كوعك اليمين يلمس ركبتكي اليسار وكوعك اليسار يلمس ركبتكي اليمين متعب في البدايه لاكن النتائج من اول اسبوع>>>>>مو توقفي استمري يوميا على هذا التمرين كل الشهر واهم شي عدي وانتي تساوي ساوي بس80 مرره طبعا بالاضافه تمارين لباقي الجسم انتي اختاري اللي تحبي من قوقل... وفي تمرين مررره خفيف طول مانتي واقفه او تستني الطبخه تستوي ساوي مره يشد المنطقه من تحت الابط لحد الخصر.هذا ياطويلة العمر توقفي مستقيمه وتلصقي رجولك ببعض من فوق الى الاقدام حتى اقدامك تخليهم متوازين بجنب بعضهم متلاصقين وتخلي ايدينك مسدوله للاسفل على جوانب جسمك واهم شي تتوازني بوقفتك عشان ماتطيحي وتتكسري وتجيبي العيد>>>>خخخخخخ
وانتي بهالوضعيه ميلي يمين يسار يمين يسار وحبه حبه حتحسي المنطقه كلها تنشد بس انتي ميلي على مهلك عشان مايصير عندك تمزق عضلي لاقدر الله..
صح صح<<<<تذكرت الشاي الاخضر هذه اشربي منو 3 اكواب باليوم بعد الفطور:بعد التمارين:وبعد السحور: يعني اللي بتنحف مررررره تراه عجييييييييييييب....
ووووبس هذا اللي كنت اسويه>>>>صح؟؟نسيت السحور لاتتقلي الباقي من وجبات الفطور خذي منو لقمتين لقمتين وزي ماقلتلك لالالالالالالالا توصلي لحد الشبع..وتجنبي الحلا لانه يسبب العطش...
بس ودمتم سالمين,,,,,بنات وربي كتبت الموضوع لعيونكم وهذه اول مشاركه ليه ابغى اشوف تفاعل واي استفسار اكتبوه بردودكم وانا ان شاالله ماحقصر معاكم ولا تنسوني بدعوه حلوه قبل الفطور..
وتقبل الله صيامنا وقيامنا>>>آآآآمين
بنوته ناايس @bnoth_naays
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
كل عام وانتى بخير
لك جزيل الشكر