جدول أسبوعي..

حلو .....انا ابتدي معك ياميمي
بس انا عندي مشكلة

بزهق بسرعة .....
بس ححاول التزم:26:

برنامج أسبوعي للعنايه بالشعر..

الحناء مره بالشهر:
5 ملاعق حناء
نصف ليمونه
ملعقتين كبار زبادي (روب)
زعفران
كاس شاي ليبتون
نصف فنجان زيت زيتون

السبت:
بيضه وحده
فنجان زيت زيتون
فص ثوم
نخلطهم مع بعض وندلك فروة الراس بحركات دائريه
ونغطيه بقبعة بلاستيك لمدة ساعه كامله..

الأحد:
راحه

الأثنين:
زيت خروع
زيت لوز
نصف كوب حلبه مطحونه
نخلي الخلطه فتره 10 أيام وبعدين نستخدمها..

الثلاثاء:
زيت الجرجير
زيت النخاع
زيت الخروع
زيت أحلام

الأربعاء:
راحه

الخميس:
ملعقتين زيت الخروع
ملعقتين زيت اللوز



انا كل وصفاتي ماخذتها من عالم حواء بس للأسف
انا احفظ المواضيع عندي بدون اسم الكاتب

اعتذر للكل وارجو منهم المسامحه..

برنامج أسبوعي للعنايه بالوجه والرقبه

للعين:
يومياً
نغسلها بماي الورد
شرايح بطاطس او خيار..

للرموش:
فضي علبة ماسكرا وعبيها زيت خروع
نحط على اطراف الرموش في الليل يومياً..

للشفايف:
نفركها بليمون يومياً

للوجه والرقبه:
يومياً:
صباحاً:
كريم مرطب وواقي الشمس..
مساءاً:
ANTI-WRINKLE Q10
NIGHT CARE
من NIVEA VISAGE

ونبدى الأسبوووع..
السبت:
نبلل الوجه والرقبة بماء دافي ونسوي تقشير بالسكر الخشن
بعده ماسك زلال البيض فقط
بعد ازالته يوضع العسل
نستخدم ثلجة ماء الورد

الأحد:
تقشير بالسكر الخشن
بعده ماسك الزبادي والليمون
بعد ازالته يوضع العسل
نستخدم ثلجة ماء ورد..

الأثنين:
تقشير بالسكر الخشن
بعده ماسك مكون من ملعقتين حليب بودره وملعقتين ماء ورد
ثلجة مء الورد

الثلاثاء:
تقشير بالسكر الخشن
ماسك زلال البيض فقط
العسل
ثلجة ماء الورد

الأربعاء:
تقشير بالسكر الخشن
ماسك مكون من ملعقة شوفان وملعقة حليب بودره يخلط مع ماء ورد
ثلجة ماء الورد

الخميس:
تقشير بالسكر الخشن
ماسك مكون من ملعقتين طحين وملعقة ماء ورد
ثلجة ماء الورد


كل شي منقوووول من المنتدى
بس انا اخترت الاشياء السهله والمتوافره في كل بيت..
ووزعتها على ايام الاسبوع
:26: :26:
لاتطنشوووني..

ميمي انا احييج على هالبرنامج بسسسسسسسسسسسسسسس فيه وقلت لازم اخبرج كل شيء اوكي ماعليه غبار بس التقشير يوميا حبيبتي ماينفع لان بيضر البشرة وبيعدمها التقشير يكون كل اسبوع مرة ومو مشكلة بيكون بالطريقة الي ذكرتينها يعني السكر بس حاولي يكون معاه زيت الزيتون او ماء الورد او حليب.


ثانيا الزيوت ليش يوميا هالكثر وايد يمكن يتعب الشعر ومايتحمل مو كل وحدة يتحمل شعرها مو مشكلة اختاري ثلاثة ايام في الاسبوع او يومين واستخدمي فيه زيت على شعرج وحاولي يكون بالليل وبالصبح غسليه وبجذي ماراح تستخدمي شامبو يوميا عشان مايضرر شعرج وعندي نصيحة ليج خليك على خلطة وحدة بس لشعرج لا تروحين يمين ويسار جذي شعرج ماييستوعب واحتمال ياكافي يختبرب من كثر الخلطات. بس اختاري الشيء الي يناسبج حق شعرج واستمري عليه

حتى الخلطات حق البشرة مو مشكلة تنوعين بس في البعض منهم ماتتحمل بشرتهم التنويع لذلك دائما ينصحون انج تعتمدي على خلطة الي تناسبج وتستمرين عليها.

بالنسبة لي انا استخدم زيت نارجيل من جوز الهند الي علبته خضراء القديييييييييييييم حق جداتنا استخدمه يومين في الاسبوع وبجذي استخدم شامبو يومين بعد في الاسبوع والشامبو حقي شامبو الهميلايا بالبروتين لشعر العادي صرررراحة فضيع. وبس ومستمرة بس على الزيت بعد ماسويت شعري حق تجارب بس قررت استخدمه هذا الزيت لوحدة وشوفي شعري الحين لين ظهري وانا بس من شهرين مستخدمتنه.

بالنسبة لبشرتي تعرفي انا كنت استخدم خلطتين في نفس اليوم او ساعات اغير مرة احط زبادي بالخيار ومرة احط عسل مع ليمون وزبادي وماء ورد وبعدها اغسل وجهي وامسحه مقطعة مثلج من الماء الورد بس الحين ثبت على بس الخلطة الثانية لان شفت كل مرة تصيدني حبوب مفاجأة وعرفت السبب في التنويع الخلطات.

انا بالليل شسوي اقشر وجهي مرة في الاسبوع واحط على وجهي قناع الزبادي بالعسل والليمون وبعدها بعد ساعة او ساعتين اشيله بطريقة الفرك الخفيف كأنه تقشير يصير وبعدين اغسله وامسح بماء الورد المثلج.

بعدين اجيب ليمون افرك فيها شفايفي وبعدين اغسله بماء بارد واكرر العملية خمس مرات. وبعدها احط اما فازلين او يوم ثاني احط عسل وانام عليه

بالنسبة لرموش استخدم زيت خروع بس. ورموووووشي ماشاء الله.

بالنسبة لجسمي هي عاد كل يوم زيت يوم احط زيت الزيتون عليه مع الليمون واسوي مساج. ويوم الثاني احط زيت خروع مع زيت الزيتون والمر ويوم ثالث استخدم زيت السمسم. وبس ارقد بس هااااااااا سوي تقشير لجسمج مرتين او مرة في الاسبوع انا استخدم مقشر اما زبدة الكاكو من بودي شوب او اني استخدم السكر مع الليمون وزيت الزيتون والملح واستخدم خل التفاح اول شيء بعدين ابتدي في التقشير وبعدها اسوي مساج بالزيوت وبس

وهذا كل الي اسويه في بشرتي وعلى فكرة انا مااستخدم ولا كريم حق بشرتي وبشرتي حلووووووووة :27: :27:


على فكرة نسيت اقول لج اني قبل ماانام استخدم حق بشرتي عصير خيار وانام عليه لانه يفتح البشرة ويشدها ويعمل على تشقيرها مع الاستخدام وسروي على الإطالة وسامحيني :26: :26:

تسلمي ياميمي على هذه الفكره الحلوه وانا بشارك معاك في الجدول بس رأيي من رأي الاخت هدولة البحرين وهي انه التقشير اليومي للبشره مضر جدا لان التقشير معروف عنه انه يكون مره واحده في الاسبوع. ممكن يكون مثلا يوم الجمعه نعمل تنظيف بالبخار وتقشير للبشره وبقية ايام الاسبوع نعمل في كل يوم نوع من الخلطات.:27: وهناك خلطات كثيره وحلوه في المنتدى
اما بالنسبه للجسم فكل يوم في الليل ندهنه بخليط من الجلسرين والجلسوليد والفازلين وماء الورد ونغسله في الصباح وممكن برضه نحط له بعض الخلطات:17:
والشعر انا عن نفسي كل اسبوع اسوي فيه 6 ملاعق كبيره زبادي وبيضه كامله واكون نايمه والزيت بشعري من اليوم اللي قبله بصراحه مرره حلو:26:
واذا كان شعرك جاف انصحك تعملي له ولو مرتين في الشهر زبده دنماركيه وتخليها في شعرك مثلا من الصبح للظهر وبعدها تغسليه :27: