(جدول افطاري من اول رمضان لليوم فقط للي محتاره شنو تسوي)
حبيت احط جدول افطاري اللي سويتهم من اول يوم لليوم هذا
هدفي من وضع الموضوع للي محتاره شنو تسوي وتبي تستفيد
صحيح الاصناف باليومي كثيره بس تكون عندي عزيمه اعزم اهل زوجي او اهلي
وكذا فأحس مايكفي 3 او 4 اصناف وكثرت الاصناف خصوصا معهن اطفال وصغار واللي مايعجبهم شي ويقولولي (خاله هذا مو حلو .عميمه ذا ليه فيه فلفل ليه في طماطم !!! ماما هذا ماحبه فصرت اصلح للاطفال الاكلات اللي يحبوها.....خصوصا اللي معها عيال الله يعينها كل واحد فيهم بيقول ماما صلحي لي كذا وكذا مثلي انا عندي 3 وواحد يقول ماما ابي مكرونة بشميل الثاني ماما ابي جلي وكراميل الثالثه ماما ابي بيتزا وعش نحل وهكذا كل واحد يقول يبي شي .... فعرفت الاطفال شنو ياكلو واصلح لهن سوا اطفالي او اطفال اخواتي الاطفال يحبو الحلا مثل جلي وكراميل وبسبوسه وكيك ويحبو كمان الكباب بكل انواعه ويحبو الفلافل والبيتزا والمعجنات والعرايس والمطبق والدونات بعضهم تقريبا بس......انا نظامي اذا ماكانت عندي عزومه اعمل كذا صنف لي ولزوجي وصنفين للعيالي
مثال : الاصناف لي ولزوجي مايتعدو 3 اصناف هريس ولقيمات وسمبوسه او صواني ولقيمات وسمبوسه ,,, اما عيالي حلا مع بيتزا او حلا مع شي هم بيحبوه...اما اذا كانت عندي عزومه كثيره اكثر من الاصناف وقبل نبدأ الافطار نخرج للمسجد كذا صنف او نعطي الفقراء ) والله يعين ويعطينا الاجر
ا
المهم فيا بنات لاتحتارو في افطار غدآ خصوصا للي معها عزايم
في مثل ينقال اكلو رزق اليوم ورزق باكر على الله :)
المهم ماعلينا
هذا اسماء اطباق افطارنا من اول يوم لليوم هذا لعل وحده تستفيد صنف من هالاصناف تعمله اذا كانت محتاره شنو تعمل فطور بكره وانا اكسب فيها اجر واكسب منها دعوه
فأرجو للي تستفيد تدعي لي ربي يقضي حاجتي ويحقق حلمي
تفضلوووو
بسم الله ماشاء الله
اول: لقيمات / سمبوسه / شوربا عدس / معكرونه بشميل/شيش طاووق/سلطة الذره بالصلصه الفرنسيه/حلا لفائف التويكس/جلي برتقال/عصير برتقال سن كويك / عصير توت
ثاني: لقيمات/سمبوسه/كرات البطاطس بالبشميل/ايسكريم البسكوت /بيتزا/كاسترد/كرات البسكويت بالتوفي/كراميلا/عصير الشمام الطازج مع عصير برتقال طازج
ثالث:سمبوسة الجبن/هريسه /شوربة الحب الهريس/كيك شوكولاته/بليله /ساقو/ /جلي فراوله/سبرنغ رول باللدجاج/عجه دجاج بالفرن/عصير تفاح طازج
رابع:لقيمات/سمبوسة خضار/اصابع دجاج بجبن موزريلا/كفتة عدس/فوتشيني/دونات/عجة خضار بالدجاج/حلا الفيمتو/عصير موز طازج مع عصير برتقال طازج
خامس:كباب لحم+بطاطس/كبة لحم وبرغل محشي بالجبن/شوربه كويكر بالـ خضار/ سمبوسة دجاج بالخضار/اقماع اللبنه بالدجاج و بالنعناع والزعتر/عش النحل/بسبوسه/حلا كرات السميدبالجالكسي/عصير سن كويك بالليمون
سادس:إن شاء الله اليوم بعزم امي. واخواتي وعيالهم وبيكون الفطور اليوم كالتالي :
لقيمات /مكرونة البيتزا/مطبق/صينية شاورما بالفرن/ميني بيتزا/دونات بالفرن/جيب التاجر بالتوست/اصابع الزمن مغطى بالزعتر/الحلا بيكون حلا كشك الفقراء/جلي توت/عصير عنب اخضر
سابع: يوم الخميس راح اعزم ان شاء الله ان احيانا الله اخواني وحريمهم
وقررت اسوي التالي :
قيمات/شوربة ماش /كوشري/هريس حمراء بالدجاج /
رولات السنبوسه بالجبن والعسل/سبرنغ رول باللحم المفروم/كودو الدجاج بالتوست/كنافه نابلسيه/كيك الشوكولاته بيتي كويكر /عصير كيوي يحبوه اخواني وعصير رمان الحريم اخواني
والحمدالله
وباقي الايام ان شاء الله خير :cool:
السحوور اطبخ مرتين بالاسبوع لان زوجي مايحب الرز يثقل عليه ويحس بحروره بالنهار وهو بالدوام الله يشافيه يارب فيحب يتسحر على خبز رقاق ولبن او تمرات ولبن
وانا الرز يجوعني بالنهار ويعطشني هههه واتسحر على باقي الفطور بس اذا عزمت احد اعمل رز
عذرا طولت بالهذره وسويت مقدمه طويله :024: بس من زمان ماهذرت :a_smil17::biggrinlo
الله يديمها من نعمه
واتمنى انكم استفدتو من افطاري
ودعواتكم لي بقضاء حاجتي وتحقيق امنيتي
الاميره تويكس @alamyrh_toyks
عضوة جديدة
يلزم عليك تسجيل الدخول أولًا لكتابة تعليق.
ماشاءالله عليك الله يحفظك والله يوم شفت جدولك استحيت من نفسي مع اني مو متزوجة بس اذا سويت شي حدي شوربة وكريم كراميل وسمبوسة
ومبسوطة احس اني مسوية انجاز ههههههههههههه
الله يحقق لك امنياتك وبحفظ جدولك يمكن احتاجه السنة الجاية ان ربي رزقني
ههههه
ومبسوطة احس اني مسوية انجاز ههههههههههههه
الله يحقق لك امنياتك وبحفظ جدولك يمكن احتاجه السنة الجاية ان ربي رزقني
ههههه
الصفحة الأخيرة
وسفر دايمه ان شاء الله
ذكرتيني باكلات