مرحبا.. ياقمرات...
انا قبل قريت تجربه عن وحده تقول انوا مرة اخوها كان معها دايما دفتر وتنقط فيه ولما سألتها قالت انا اسوي كذا عشان يسهل علي الاستغفار 1000 مره باليوم
اسوي 10 خطوط بالطول و10 بالعرض وتصير مربعات وانقط بكل مربع 10 مرات واكرر مع كل نقطه استغفر الله ولما اكمل الجدول كله اكون استغفرت 1000 مره بدون ما احس..
جربت الفكره وكانت تجنن وحطيت الدفتر عندي بالصاله وصرت كلما شفته وقت فراغي قعدت انقط واستغفر وناسه يسلي والحمد لله..
استمريت عليه وصرت اشتاق له والله ...
قلت بسويها بالوورد واطبعها ارتب واحسن وطبعا ما انساكم بعد قلت انزل الموضوع على شان تستفيدون
ونصيحه مني شفت من الاستغفار العجب العجاب والله البركات بدت تنزل على بيتي من كل مكان الحمدلله وربي ييسر لنا امورنا من حيث لا نحتسب
كل اللي اتمناه تحقق لي ..
شرينا بيت طبعا بالاقساط صحيح شقه لكن الوضع المادي كان مايخليني افكر ولا واحد بالميه اني اشتري هالفتره ..
والحمد لله لزمت الاستغفار 6 شهور وبعد 4 اشهر تيسر البيت والحين انا فبيتي الجديد لي اسبوعين ماشاء الله.. الله يبارك لي فيه..
لا وكنت وقتها ادعي يارب يكون ارضي وفيه حوش صغير اطلع اشم هواء فيه اذا انكتمت والحمد لله ربي حقق لي كل اللي اتمناه بالاستغفار...
حتى اتفه الاشياء..
زوجي ماياكل دجاج ابد وكنت احتار اذا جيت اطبخ كل الاكلات الحلوه بالدجاج
وربي اقسم بالله كنت استغفر وادعي انه ياكل الدجاج..
والله العظيم انه صار ياكله له شهر الحمدلله مو مصدقه ان حتى الامور التافهه تتحقق بالاستغفار ..
وبقى الذريه الله لا يقطع رجاي في كرمه ورحمته ويحقق لي هالأمنيه عن قريب قولوا امين وياكم وكل متأخره..
هذا الجدول زدت عليه 5 خطوط عرضيه وصار 1500 مره
واذا كررتي المربعات كامله 7 مرات يصير عشر الاف وخمس ميه..
سويتها مره تجنن انبسط اني انجزت استغفرت 10500 مره وناسه..
بقولكم طريقتي
وانا انقط اقول كذا
أستغفر الله .. استغفر الله .. استغفر الله
استغفر الله .. استغفر الله
أستغفر الله .. استغفر الله .. استغفر الله
استغفر الله .. استغفر الله
يعني
3
2
3
2
صاروا 10
اكررها بسرعه
وتبرمج لساني صرت ادري اني قلت 10 بدون ما احسب النقط
كذا انقطها
... ..
... ..
بالنظر اعرف عددها سهل
اذا اعجبكم ادعولي وانقلو الموضوع للفايده بدون ذكر مصدر اهم شي النقل للفائده..
اللهم اني استغفرك لما تبت منه ثم عدت اليه
واستغفرك لما اردت به وجهك فخالطه ماليس لك
واستغفرك للنعم التي انعمت بها علي فتقويت بها على معصيتك
واستغفرك لك ذنب اتيته في ضياء النهار وسواد الليل في ملا اوخلا
او سر او علانيه
ياعليم اللهم فرج عني كل هم وغم واخرجني من كل سر وخفيه يا ارحم الراحمين..
من هنا حملي ملف الوودر اوضح بالطباعه
http://www.4shared.com/file/111310807/82c0207c/__online.html
او اطبعي الصوره مباشره
من جد فكره حلووه