كتبت لكم يا بنات حواء جدول الهدف منه تنظيم أعمال الشغالة وعدم مراكمته(عشان ما تنحاش بنت الحلال أو تتأزم وتتعب)، كما أن هذا الجدول يريحك من الاعتماد عليها في الملاحظة واللخبطة في الأعمال وفي النهاية ستحصلين على بيت نظيف وبدون ضغط، والشغالة عندها نسخه منه بلغتها بدون ما تكلفين نفسك وتقولين لها.فقط تابعي النتائج.
الجدول الأول فيه المهمات موزعه على اليوم والأسبوع والشهر والسنة، والجدول الثاني يتم فيه توزيع المهمات اليومية والأسبوعية والشهرية على أيام الأسبوع بالتاريخ لمدة شهر بالتفصيل. والجدول الثالث نفس الثاني بس باللغة الأندونسية أطبعيه لها وريحي نفسك. وحرصت فيه على عدم الضغط بين المهمات الأسبوعيه والشهريه والأخوات اللي عندهم شغالات من جنسيه ثانيه المعذرة منهم. ويمكن هم الشغالات يترجمونه بلغتهم إذا يعرفون عربي وتكتبه وحده من الأخوات عشان يستفيد الجميع خصوصاً اللي عندهم شغالة جديدة. وإذا فيه مشاكل بالترجمة أعذروني لأنها على ذمة شغالتي اللي تعرف عربي زين. ومعليش على الطباعه مره أضغط الكابس لوك ومره أنساها.
ملحوظات:
* يمكنك التبديل بين الأيام في الأشياء المراد تنظيفها أو توزيعها أكثر على الأيام حسب ظروفك وحسب حجم بيتك والمهم عدم ضغط المهمات في يوم واحد.
*أحياناً تمتد بعض الأعمال أكثر من أسبوع مثل مسح الدواليب وذلك تلافياً للضغط.
*با النسبة للتنظيف السنوي يمكنك غسيل الستائر والكنب والسجاد عن طريق شركة تنظيف بالبخار لتحصلي على نتيجة أفضل.هذا إذا ما حبيتي تعتمدي عليها.
* بالنسبة لأدوات التنظيف وطريقته اختاري الأدوات والطريق الفعالة بالنسبة لكي أو تصفحي المنتدى لأن البنات ما قصروا.
*ربات البيوت لا تخافون لشفتوا الجدول تراه يخلي بيتك يلق بدون ضغط وتقدرين تحولين بعض المهمات من يومي لأسبوعيه مثل مسح الشبابيك وكنس الحوش، ومسح الأرضيات.
وسلامتكم وإذا أعجبكم الجدول أدعوا لي أخلص دراستي.
الجدول على هذا الرابط : بعد تحميل الملف اضغطي حفظ حتى يفتح معاك .
http://www.ksa4up.net/?action=download&hash=3156480cf44684ed1
