السلامو عليكم...
الف الف مبروووك الغاليه..وعقبالنا خخخ ^_^
انا بعطج الاساسيات...
اولا: لازم تنامين زين وتكون النومه قبل الساعه 12 واصحي الصبح الساعه 10 ..وطبعا لا تنسين
صلاة الفجر وادعي فيها لي تبينه...
ثاني: نظافة الشره اغسليها بالصابون المناسب لج اول ما تنشين وقبل النوم وفي خلال اليوم رشي على ويهج ماي وردد..لأنه روعه يحمر الويه بس يباله صبر شهر تقريبا...
ثالثا: كل يوم الصبح بعد ما تصحين وتتغسلين اشربي لج غرشة ماي صغيره وايلسي مشطي شعرج كل صباح
طبعا واذا متقصف قصيه شوي احسن عشن حيوية الشعر وبعد ما تتسحين سوي رياظه خفيفه شوي مثل نط الحبل او الرقص كيفج الين ماتملين عقب انزلي وكلي لج وجبة فطووور محترمه حليب طازج ابيض او بالزنجبيل او بالجرفه لا تحطين نسكافيه او شاي مب زينين وكلي قشطه بالعسل أو دبس وجبن او أي شي مفييد
بس اترسي بطنج ولا يهمج... بعدين صلي لج ركعتين الظحى وادخلي على عالم حوا خذي لج طبخه وصفة طعام
أو ادخلي منتدى الحياه الاسريه او الاجتماعيه واتعلمي من تجارب البنات...
رابعا:الظهر تغدي غدا مفييد وخففي من اللحوم احسن عشن بشرتج وشعرج..
خامسا: العشا خلييه خفييف خبز وجبن او فلافل او شوربه...الخ...
ولاتنسين شرب المااي بكثره وفي اوقات متقطعه مب كله في وقت واحد.... ويفضل شرب الحلبه يوميا
لأنها وااااااااااايد مفيده للبشره والشعر والجلد والصحه..واسئلي مجرب ^_^
بس هذا لي عندي... اذا تبين خلطاتي انا جاهزه..بس تراني كسووله ماستخدم اشيا وايد استخدم السهل المفيد
اللي مايوسخ..لوووووووول ^_^
gogitta
•
انا عروس بس مانيب كسوله ...دخلت المنتدى و عملت بحث لكل المواضيع الي مهمه لي و عملت لنفسي جدول و دخلت قسم الطبخ و تعلمت طبخات كثيره و صرت اطبخها لأمي على انه عندنا الي يطبخ بس لازم اتعلم و صرت مشهوره الحين بالعائله بأن طبخاتي شهيه و هي كلها من بنات عالم حواء الله يعطيهم العافيه و يجزاهم الف خير و دخلت قسم النظافه و اتعلمت اشياء كثير من ذوات الخبره...يعني يا حبيبتي نصيحة اخت انتي علمي نفسك و سوي لنفسك كل شئ مافي شئ راح يجيك جاهز أجل وشلون راح تشيلين مسؤولية بيت و زوج :p
الصفحة الأخيرة
شوفي أختي أن شالله مايقصرون البنات
بس خوذيه مني نصيحه ما احد راح يخدمك مثل نفسك ابدددددددددددددد
حتى لو تحمسوا البنات وساعدوك ماراح يوفون بكل المجالات بشره وشعر ورجيم وطبخ
وو ...... و.....و الخ
الله يعينك وش تسوين وش تخلين
أنا زمان بغيت أساعد وحده بتتزوج وصرت أجمع الخلطات والمبيضات وكل ماهو للشعر
والبشره والجسم
بس والله تعبت وانهد حيلي بس هي تستاهل وأنا بعد أبي الأجر
وكل اللي جمعته لها من منتديات حواء حذفته من جهازي لاني جهازي ثقل
بس طبعتهن وارسلتهن لها
المهم ما اطول عليك
مثل ما قالوا البنات سوي بحث عن أي شي تبينه
والمنتدى ماشالله زاااااااااااااااااخر
والمثل يقول ما حك جلدك مثل ظفرك
وإذا عندك أحد من صديقاتك تدخل منتدىحواء أطلبي منها تساعدك وانتي وياها تبادلوا
لمواضيع في كل شي تحتاجونه
وأن شالله كل ما أشوف شي حلو برسله لك عالخاص
وإذا في جهازي بقايا من مواضيع قديمه ولا يهمك برسلها لك
بس بشرط
أبي منك تدعين لي بالتوفيييييييييييييييق وكل مافيه خير ووصلاح
طيــــــــــــ لحظات الأشراق ــــــــف