العامريه :

الورود الندية ياهلا بك ومرحبا لايضيق صدرك وانا اختك ولاتهتمين احسن نفاس لك بيصير هالنفاس بحول الله وقوته..لأن ربي بيعينك ويقويك.. وانا الحمد لله جربت نفاسين لحالي ولله الحمد احسن بكثير من اللي قبلهم.. ومن فضل الله ثم فضل التنفس لحالي طلع هالجدول الله ينفعني واياكم فيه ويجعله خالصا لوجهه.. بسم الله نبدأ *** ياحبك للخلطات ههههههههه كلش مخلوط :) على الريق يالغاليه يكفيك ملعقة عسل مع حبه سوداء اقترح عليك لافات اسبوع من التاسع تخلطين عسل بحبه سوداء ببرطمان وتجهزينه لك لكل الاربعين علشان تاخذينه على الريق.. مع التمر حلوه الخلطه حقتك بس خليها ماش مع حلبه بدون حبه سوداء.. وبرضه خليهم بعلبه لحالهم ..متى مابغيتيهم استخدميهم.. حلوه فكرتك تفرزنين المصابيب ومرقة لحم تنفعك خاصه اول اسبوعين مع الحرص على حفظ اللحم زين مازين عن الهوا بالفريزر حطيه بعلب محكمة الاغلاق.. واللي تسخنينه لاترجعين تثلجينه مره ثانيه انتبهي.. شاي الاربعين حقك جيد بس الزنجبيل ممتاز فلايصير شوي مره.. والكمون يكفي لمغص البطن بدون خلطه بشي ثاني :) *** الخلطه حقت الماش والحلبه تقدرين تضيفينها حتى على مرقة اللحم لاجيتي تاكلينه كغدا.. يكفي مع الفطور ومع الغدا.. بعد المغرب تقهوي وعيني من الله خير بتمر او حلا او اللي تبين لاتحطين هالخلطه معاه يكفي مرتين زي ماقلت لك.. الشاي هذي كانت طريقتي فيه اشوف اهم وقت له بعد الغدا بساعه ممتاز الصراحه .. كان ماتبينه بالليل عادي كنسليه..واذا تبينه يكفيك الزنجبيل بدون زعتر اذا ماحصلتيه. انتي وين عايشه فيه بالظبط ببلد عربي ولاغربي علشان احاول اجيبلك مسميات الزعتر عندهم. *** اقترح زي ماقلت لك الحبه السودا لاتخلطين معه شي.. الرشاد خليه لحاله مع تمر لو بغيتي تتقهوين عليه الصبح اكثر لفائدته.. ولو بغيتي تاكلينه على الريق مع تمر او ملعقة عسل وتخلين الحبه السودا والعسل (الخلطه الاولى) بالليل او ممكن خلاص هالعشر ايام تقطعينها لامشكله. الشاي افضل لك تستمرين عليه اذا رغبتي اما اذا كنتي طهرتي من الدم تمام فمافيه مشكله اقطعيه. لكن لو حصلتي الزعتر فلازم تشربينه بالليل مع الزنجبيل وبتدعين لي بإذن الله . *** صح عليك احسن كل شي يوم بيومه.. حتى المره لاتحرصين عليها بالحيل الا اذا حسيتي بحكه صبيها الله يكرمك على الفوطه وخلاص لاتستخدمينها دايم ماهيب زينه على الدوام. الكمون زين للشمم والمره والحلتيته كلهن للشمم الله يكفينا واياك شره.. والله وانا اختك مادام امورك ماشيه طبيعي العنزروت ماانصحك فيه اذا لقيتي شي يقوم مقامه. وعلى فكره المره والكمون ممتازات لكنهن يحبسن الدم..لاتحرصين على شرب الكمون كثير..والمره خليها خارجيه على الفوطه احسن لك.. الا اذا عاد حسيتي بشمم قوي فاشربيها بكميه قليله تجي ملعقة طعام بس. المحلب كثيرين مايمدحونه وانا شخصيا ماجربته لذلك مااقدر افيدك بهالشي. *** _ البواسير سببها الرئيسي الامساك عالجيه من البدايه ولانتي محتاجه لاشياء تدخلينها بهالمناطق الحساسه ممكن تصلح لك شي وتخرب مية شي.. وبإذن الله بروح للصيدليه اسأل لك عن علاجي اللي اخذته بالنفاس ممتاز جدا للامساك ويصلح للي ترضع واحسن مافيه انه شراب طعمه زي العسل .. انصحك يااختي لاتدخلين شي غريب بهالمناطق الا بوصفه طبيه.

الورود الندية ياهلا بك ومرحبا لايضيق صدرك وانا اختك ولاتهتمين احسن نفاس لك بيصير هالنفاس بحول...

العامريه :

وش الله حادك على الخلط والله اشوف اولى لك عدمه..وان كنتي ملزمه زي ماقلت لك بأول شي.. اذا كنتي ماتقدرين تعدين فلاتتعدى الكميه اللي تاخذينه بين اصابعك بس.. الابهام والسبابه..هذا يكفي وزياده. صح رأيك بالتجهيز مسبقا وهذا المفروض لاي وحده بلحالها لانها مهما تصورت انها بتقدر خاصه او الايام ماراح تقدر ولاهو من مصلحتها التعب الزايد .. وخذيها مني ان شاء الله مانتي نادمه انك لحالك ربي سبحانه معك وكفى بالله الله لايكلنا على انفسنا طرفة عين..بتشوفين بتقولين قالت العامريه احلى واونس نفاس لك بيصير :) بحول الله وقوته. وبالنسبه للتوسيع لايضيق صدرك امهاتنا اول كانوا كذا ومن احسن مايكون.. بس عليك بالجلسه المريحه طول الاربعين واول اسبوعين بقدر الامكان خلك مستلقيه على الفراش ممدده رجولك وملصقتهم جنب بعض..لازم تحرصين على هالحركه ولاتفاحجين وتسوين فيها عربجيه ترى بتجي على راسك خخخخخخخخخخخخخ واي شي تتذكرينه تعالي قوليه مهما كان ترى مرينا بظروفك وعارفين اللي تحسين فيه لي الشرف والله افيدكم وتكفيني دعواتكم بظهر الغيب.. بس مو عاد تاخذين الجدول وتنحاشين:30: الله الله بالدعاء لي وانا اختك. البرد امره سهل البسي بنطلون قطن ثقيل شوي..وشراب والحمد لله .. واحرصي على المشروبات الدافيه طول الاربعين. *** صحيح كلامها الوحده:) وهذا اللي كنت اقوله للبنات والله ان الحلتيته رحمه من رب العالمين.. وصح عليك تجهيز كل شي للبيبي هذا المفروض كل شي لو كان تافه جهزيه لان ماعندك احد بيروح يشتري وانتي تعبانه اول الوقت.. العطور زين ماسويتي بس لاتخافين حتى لو جاك ريحة طيب خفيفه المره بالفوطه تقوم بالواجب الشامبوهات والصابون مامنهم اشكال ابد. *** اشربي عصير وطماط لما يطلع مع اذانك وماجاك علي :) بس العصير لايصير بارد ..لانه بيحبس الدم ويعور بطنك.. وان كنتي تحبين الملوخيه سويها وفرزنيها لو تشربين مره بالاسبوع مامنها اي ضرر.. *** كثر الله الف خيرك بس لاتصرفيني بالورده ماابي الا دعائك ان الله يجمع شملي ويفرج كربي ويصلح حالي.ويوفقني لحفظ كتابه الكريم. وكثر الله الف خيرك. عندي وصيه اخيره ومهمه.. لااااتجوعين انتبهي لو ماتشتهين اغصبي نفسك وقت الوجبه. وبعد اسبوعين خلي لك نصف ساعه مشي خفيف يوميا تتنشطين وتقوى صحتك. الله يهون عليك ويوسع صدرك ويسهل امرك.

وش الله حادك على الخلط والله اشوف اولى لك عدمه..وان كنتي ملزمه زي ماقلت لك بأول شي.. اذا كنتي...

الورود الندية :

هاذاني قايمه يصلي وبدعيلك الله يجزاك خير ويسخر لك كل من حولك ويحقق لك اللي في بالك ويرزقك بر عيالك ويحفظكم من كل شر طيب اسوى حركه الفوطه ولابس اشم الحلتيته انواع التعب والله وشكل الطفل بالحوض راسه وانا بقالي من التاسع اسيوعين وتعبت من الالام مدري اسوي الطريقه ولاماله سنع يعنى رايك ماخلط؟؟؟:22: ترى خلطه الزيت اللي قلت تحط على البواسير والفوطه الصحيه شكلي بخليها تقعد

هاذاني قايمه يصلي وبدعيلك الله يجزاك خير ويسخر لك كل من حولك ويحقق لك اللي في بالك ويرزقك بر...

العامريه :

الورود الندية هلا بك الله يجزاك خير ولايحرمني دعواتك ايه الحلتيته تكفي اذا شميتيها عن المره ياحياتي انا الطفل كان نازل تحت من بداية الثامن الحمد لله على كل حال الله لايضيع الاجر.. كل ماحسيتي بألم منتظم شمي الحلتيته مو لازم على الفوطه.. بيصير نفس المفعول. والخلطات اتركيها احسن لك :) الله يهون عليك وييسر ولادتك ويقر عينك بما وهبك.

الورود الندية هلا بك الله يجزاك خير ولايحرمني دعواتك ايه الحلتيته تكفي اذا شميتيها عن...

==فجرنا== :

ذكرتي قشر الرمان مع ان فيه بعض الاخوات يحضرون منه بالدورة والنفاس ويقولون مايستخدم الا بعد ماتطهرين منهم:(

ذكرتي قشر الرمان مع ان فيه بعض الاخوات يحضرون منه بالدورة والنفاس ويقولون مايستخدم الا بعد...