السلام عليكم حواائيات
وشلونكم؟؟؟؟؟؟؟؟؟؟؟
السالفه من اسبوع بدا الحماس والاهتمام بشعري لاني الاسبوع اللي راح رحت لامي ولها شهر ماشافتني بحكم اني في مدينه وهي في مدينه ثانيه
اول ماسلمت عليها وفسخت عباتي ناظرت فب شعري وقالت يالهوي يالهوي وين شعرك يابنتي؟؟؟
مااشوف الا خصله انا شوي واصيح:icon33::icon33:
قلت ياميمتي عشان الرضاعه:04:
قالت كلنا رضعنا بس ماوصلنا لهالدرجه
ياربي انا لي شهر لو مسكت شعري نزلت تقريبا 20 شعره وشعري بكل مكان من غير التمشيط علما عمر ولدي سنه و5 شهور يعني مو حجه
افكر وافكر وش الغلط اللي سويته تذكرت اني لالازم يوميا اشرب غازيات ومااكل فواكه ولا اشرب مويه كثيير واشياء كثيره غللط فقررت اسوي جدول امشي علي اعلقه في الدولاب عشان اشوفه
الجدول اليومي...............
شرب 8 كاسات مويه طبعا اخذت جك واذا قمت الصباح حطيت 8 كاسات حطيتهم بالمطبخ كل مادخلت شربت كاسه
طبعا المويه لها فااااااااااايده كبيره للبشره والشعر
تناول حبة فيروز وهي طبعا لنقص الحديد لان كان عندي نقص واحسه رجع لي فرجعت للحبوب
الاستحمام يوميا بشامبو اطفال واذا خرجت من الحمام لازم احط تونك اللي من شركة فازلين احط حاجه بسيطه في يدي وادهن فيها فروة الراس(اخذت الطريقه من وحده هنا في المنتدى الله يجزاها الجنه)
اجتناب المشروبات الغزيه واستبدالها بمشروبات طبيعيه زي منجا برتقال اللي تحبيه
تناول كاس حليب يوميا
الابتعاد عن الوجبات السريعه قدر الامكان
تناول صحن سلطه
تناول مااستطيع من الفاكهه
الجدول الشهري..................
طبعا هالجدل حطية الاعتماد على الحنا لاني ماااااااحب اخلط زيوت ابداااااا ولااحب الثوم
هي اربع خلطات في راح اوزعها على الشهر بحيث تصير الخلطه مره وحده بالشهرومرة في الاسبوع وانا حطيته كل يوم سبت
السبت الاول من الاسبوع الاول........
الحنه بالحلبه :
هذه الوصفه تصلح لذوات الشعر الناعم جدا اذ انها تعطيه شيئا من الصلابه وتمنع تساقطه
الطريقه :
- 2 ملعقه من حبوب الحلبه تسلق في كاسين من الماء حتى يبقى كاس واحد من الماء <
- نصف كاس من الحنه
- تعجن الحنه وتترك لمده نصف ساعه ثم توضع على الشعر
السبت الثاني من الاسبوع الثاني............
الحنه بالحبه السوداء :
تعالج سقوط الشعر
الطريقه :
-3ملاعق حبه سوداء مطحونه
نصف كاس حنه
ثلاثه ارباع كاس ماء دافئ
تخلط وتترك لمده ساعتين ثم توضع على الشعر
السبت الثالث من الاسبوع الثالث.............
الخلطه هي
حزمة جرجير
و2 م حبه سودآء
ومآء يعني تقريبآ يبآلتين كذآ
تآخذين الجرجير وتغسلينه وتنظفييينه زين
وتحطينه بآلخلآط
وتحطين معاه الحبه السودآء وتشغلين الخلآط وتضيفين الماء شوي شوي
صير لك مويآ آخضر تآخذينه تحطينه ع فروة الرآس والشعر كله بس
آهم شئ الفروه تكثرين عليه وتفركينه بحركه دآئريه
ولفي شعرك بقمآش آو اللي يريحك
وخلي سآعه ونصف آو سآعتين
وبعديييييييين غسليه (اخذته برضو من المنتدى الله يجزي صاحبته خير الجزاء)
السبت الرابع من الاسبوع الرابع............
الحنه بالبيض تقوي الشعر وتطوله
الطريقه :
1كاس حناء
-بيضتان
نصف كاس ماء او شاي غير محلى
وبس اللي خلاني اكتب لكم توني كنت سادحه ابي انام ومسكت شعري زي العاده ومانزل شعره وحده قولوا ماشاء الله علما بانه في العاده ينزل اقل شي 20 شعره وانا ماني مصدقه واكرر الخطوه وبقوه ونزلت شعره وحده وربي بغيت اصيح من الفرحه علما باني توني لي 3 ايام على الجدول اليومي ولسا ماقد بديت بالجدول الشهري بكره راح يكون اول سبت لي
بنات ماابغى منكم شي غير الدعااااااااااااااء ان الله يفرح قلبي ويحقق امنيتي يااااااااااارب
كلي رومانسيه @kly_romansyh
محررة برونزية
يلزم عليك تسجيل الدخول أولًا لكتابة تعليق.
كلي رومانسيه
•
افااااااا 14 مشاهده ولارد واحد
الصفحة الأخيرة