بسم الله الرحمن الرحيم
والصلاه والسلام على خير المرسلين سيدنا محمد وعلى
اله وصحبه اجمعين اما بعد
اهنئ كل عروس بقرب زواجها وجعلها الله من السعداء
في الدنيا والاخره
راح انزل لكم جدول خاص لمشتريات العروس الضروريه وكيفيه تقسيم مهرها وان شاء الله يعجبكم
ومابي غير دعوه ان الله ييسر زواجي وزاوج كل بنت في عالم حواء وكل بنت تتمنى الزواج والدعوه لاخيك المسلم في ظهر الغيب مستجابه واللي حابه تنقل الموضوع بالعافيه عليها لكن لاتنسى تذكر انه منقول وتذكر اسمي ابغاهم يدعون لي ^_^
نبدا ع بركه الله
********************************************
تنقسم التجهيزات الى عده اقسام :
القسم الاول :
الملابس الداخليه وقمصان النوم والبجايم
هذي طال عمرك اهم حاجه الملابس الداخليه كثري منها بحدود 15 قطعه (طبعا اقصد كلوت +برا) قمصان النوم حاولو قد ماتقدرون تبحثون عن الحراير لانها المفضله للرجال^_* مثلا 7 حراير منوعه من قصير وطويل حسب اللي يعجبك وباقي القمصان ع كيفك ويفضل يكون مجموع قمصان النوم 15 ولاتكثرون يمديكم ان شاء الله تشترون بعد الزواج ولاتنسين بجايم قطنيه يكون عددها 7 <<خاصه بايام الدوره
القسم الثاني:
ملابس الطلعات
وهي تنقسم ايضا الى قسمين:
ملابس كاجوال : للطلعات والخرجات العاديه /25 قطعه ع حسب ذوقك واحتياجك
ملابس رسميه :للعزايم والمناسبات / 10 قطع تكفي
القسم الثالث:
الجزم والشنط
تكون :ابيض .اسود.بني.بيج.فوشي<<اللون الاخير ينفع للالوان الربيعيه
وطبعا منسقه مع الجزم ولاتنسين جزمه سبور شيك مع شنطه تسمى
Bnana تنفع في السفر ولاننسى جزمه فضي وذهبي وشنطهم كلوتش للحفلات الاعراس والمناسبات الكبيره والاعياد كل وحده وذوقها
القسم الرابع:
الاكسسوارات
يفضل يكون عندك تعليقتين ذهب اصفر وابيض بخواتمهم واساورهم ولاتنسين باقي الاكسسواريز المفضله لك من اي محل تحبينه
القسم الخامس:
المكياج
قبل ماتشترين مكياج اهم حاجه اهم حاجه تشترين شنطه مكياج ويفضل تكون ع شكل كلوتش واللي فيها جيوب شفافه وتشترين فرش المكياج لان الكلوتش سهله حملها في الشنط وخاصه السفر وطبعا لاتنسين تشترين مزيل المكياج اما باقي ادوات المكياج فاختاري ماتحبين
القسم السادس :
الذهب والساعه
هذي المفروض اول شي تشترينه وترتاحين ولاتشترين بقيمه كبيره دوري مايناسبك وع حسب ميزانيتك وذوقك وراح تجيك هدايا تقدرين تبيعينهم وتستفيدين
القسم السابع :
العطور والبخور
انتبهي لاتكثرين العطر يعتبر توقيع يدل ع صاحبته اشتري مجموعه خاصه بالعروس يشمل الخمريه ودهن العود وتوابعه
ومجموعه خاصه لفتره الصباح ومجموعه خاصه بفتره المساء وعطرين لك وعطرين لابو الشباب وعلبه عود فاخره مع المبخره ^_^ طبعا مجموعات الصباح والمساء اقصد بها عطور الجسم والشاور وانصح وبقوه نكتار افضل من بودي شوب واقوى وخاصه عطر روزيتا او زوزيتا <<واحد منهم صح الاسم هذا بعد حمام الصباح ومس نكتاار انوثه مررره
القسم السابع :
فستان العروس
يرجع لك حبيبتي ع حسب ميزانيتك تاخذين ايجار او تشترين او تفصلين *_^
القسم الثامن :
اغراض من الصيدليه وضروريات
عاد هذي ترجع لكل وحده منكم بعضكم محتاج كريم اساس يخفي عيوب الجسم وبعضكم يبي ليزر او حقن
كل وحده وماتبيه
القسم التاسع:
مكياج العروس والتصوير والكوشه
ضروري تفكرين فيها كويس بدايه الامر علشان ماتتوهقين
انتهى
اتمنى ان الجدول حاز ع رضاكم ^_^ ولاتنسون تقسمون الايام لكل قسم (2 يوم) من البحث والتحري ولكل (يوم) خصصي مبلغ قيمته 2000 ريال
ادعولي اختكم (سما باريس)
سما باريس @sma_barys
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
جَزَاكِ الله خيرًا.
سبحان الله . سبحان الله . سبحان الله
الحمدلله . الحمدلله . الحمدلله
لا إله إلا الله . لا إله إلا الله . لا إله إلا الله
الله أكبر . الله أكبر . الله أكبر