السلام عليكم انا اليوم ياحبيباتي مسحت طاولات مجلس الحريم وغلفتها بنايلون (البلاستيك الشفاف) تبقى نظيفه ومايوصل لها الغبار. ونظفت غرفتي تنظيف سطحي يعني بس مسح أثاث وأرضيات وغسلت مفرش السرير. وطبخ وتنظيف سحطي للمطبخ وسلامتكم

يعطيكم العافية يارب ماشاء الله عليكم تسلمون ياغاليات من ذوقكم

مرهقة اليوم بكرة ان شاء الله اكتب لكم انجازي وناوية على ملابسي ودولابي غسيل وترتيب الله ييعين

دجاج بالكاجو صدور دجاج قطع صدور مقطع شرايح طولية صغيرة يغسل وينظف و حطي عليها شوي خل عن الزفرة وغسليها كويس وحطي عليها ملعقتين نشاء وفلفل أسود وحطي في مقلاة عميقة شوي زيت وحمريها

وقبل لطبخة قطعي فلفل أخضر وجزر كلها بالطول شرايح وبصل أخضر شرايح وثوم وزنجبيل طازج نفس مقدار الثوم اللي تحطي حسب الرغبة عشان النكهة تصير احلى
واذا شوحتي الدجاج حطي باقي الخضار وشوحيها شوي وحطي شوي ماي لاتكثري و3 ملاعق صلصة صويا معتدلة

وملح وفلفل اسود وفطر معلب وكاجوا محمر وشوحيه شوي بس وحطي 2 ملعقة نشاء في بادية ذوبيها ببشوي ماي

وحطيها حتى يتماسك وقلبي شوي اذا احتاج اكثر زيدي النشاء مع الماء وبس ويقدم فرا بعد مايتماسك الخضار تصير

مقرمشة شوي يعني لاتنضجينها كثير ويقدم مع رز أبيض

تقدري تحطي الخضار اللي تحبيها ومتوفره عند ك ملفوف او بازلا الخضرا الطويلة وكلها بالطول تقطع
وبالعافية مقدما

السلام عليكم
جدول اليوم تنظيف موكيت الصاله وغسيل الملابس وعملت كيكة وقرأت وردي ورتبت باقي البيت ترتيب سطحي وساعدتني بنتي الله يخليها بترتيب الملابس في الدولاب

سلام بنات انا اليوم رتبت غرفة نومي و المطبخ يومي و عملت لوجهي ماسك بعدين حطيت مكياج خفيف
تغديت برياني و برتقال و الحمد لله
مرهقة اليوم 
ام لولة و فاقدة اختها ماشاء الله عليكم
ام عزوز سلامتك من الارهاق حبيبتي و مشكووورة على الوصفة اممممم

ماشاء الله لاقوة إلا بالله يعطيكم العافية يارب همة وانجازات و حماس

أم وسيم جزاك الله خير وانتي ألف سلامة عليك يبغى لنا راحة ياوخيتي

يومي كان حافل الحمدلله لأن ضيوف جايين لزوجي المغرب
فكان من الصباح الباكر
صلاة الفجر في وقتها
أذكار الصباح
فتح الشبابيك للتهوية
لم الملابس وشغلت الغسالة على ملابسي
تجهيز فطور وفطرنا الحمدلله
رتبت المطبخ وغسيل مواعين
واخذت منظفاتي وعلى المجلس وبدأت بالمدخل مسح وتلميع كل شي فيه وبعده المجلس حسبت الوقت ساعة ونص بس للمسح والتلميع
8 ونص صليت الضحى ونمت ارتحت وبعدها الغدا وعملت كب كيك
كنست المجلس كامل وشفطت الغبار من النافذة وشفطت الكنبات من الغبار والستاير
وبخرت وشغلت الفواحة
ارتحت شوي خذت كاسة شاي
و جهزت الضيافة كلها وعلى المجلس
وبعد ماخرجو الضيوف عارفين المطبخ كيف يصير مايحتاج اقول أكيد عارفين ههههههه

غسلت الأواني ورتبت اللي اقدر علية وبكرة باكمل الترتيب بكرة ان شاء الله وباجل ترتيب دولابي لمن ارتاح

تصبحون على خير وسعادة ولاتنسون الوتر