السلام عليكم ورحمة الله وبركاته
بنات انا اسفه لاني تأخرت ومانزلت الجدول ما قدرت اشبك الا الحين
والي مو فاهمه شنو قصدي بموضوع الجدول تدخل علي موضوعي هذا
http://forum.hawaaworld.com/showthread.php?t=891290
يابنات الجدول هذا سهل وكل وحده تقدر تنفذه سواء طالبه او ربه منزل ومشغوله بحوسه العيال او موظفه
فوائد هذا الجدول :نعومه وصفاء وتفتيح البشره وتوحيد لون الجسم واهم شي توحيد لون الجسم
كنت اقدر اكتب لكم خلطات تبيض وتخليكم بياض ثلج بشهر(قصدي كريمات الكرتيزون والزئبق) بس شنوالفايده اذا استخدمتيه شهر وبيضتك الخلطه طيب وبعدين واذا تركتيه راح ترجعين مثل اول :09:
وبعدين!!!!! :angry2: اكيد بترجعين لها وانتم طبعا عارفين مضارها اذا استخدمتيها كثير وطولتي عليها :42: ويمكن تجيك وحده وتقولك والله ماضرتني وهي طبعا صادقه يمكن ناسبتها طيب شنو الي يضمن لك انها تناسبك يمكن تطلع لك حبوب اولاسمح الله بهاق .....او اذا تركتيها تسمرين اكثر...الخ
الجدول الي راح اكتبه كل شي طبيعي وسهل وما اكذب عليكم واقول راح يخليكي بياض نانسي راح يفتح جسمك بالتدريج وبأشياء طبيعيه يعني ماراح تخافين لوتستمرين عليها لفتره طويله اذا الكريمات تبيضك بشهر ونص اوشهرين شلون اجل الطبيعي جدولي ان شألله بشهر راح يوحد اللون ويفتح البشره وراح تخف بأذن الله الحبوب وجسمك راح يصير لون واحد ويفتح والبشرات تختلف فيه وحده راح يبين معها بشهر وفيه الي راح يبين بشهرين اهم شي الاستمرار
الجدول
(تقريبا كل الي راح اكتبه جربته وشفت نتيجه وانا من النوع الكسول استخدم مره مرتين بالاسبوع وشفت نتيجه شلون لو استخدمه بنتظام كتبت الجدول علشان نشجع بعض ونستمر عليه شهر كامل )
اسبوعيا:
الدلكه الي قالت عليها الاخت نور جربتها فضيعه والله العظيم اذا ماكان لي خلق اسوي حمام مغربي اسوي الدلكه وتطلع كل الخلايا واحس بلمعه ونظافه وهذي الدلكه
1كوب ملح خشن (واطحنيه)الناعم مايصلح
1عصير ليمونه (نصف كاس)
1م ك نعناع مجفف ومطحون(ممكن تختارين نوع العشبه اللي تحبين ريحتها او المتوفره عندك)
2 م ك موية ورد
1فنجان زيت زيتون
اخلطيهم سوا وادلكي الجسم وهو مبلول وفركي لمدة ربع ساعه وانتي تدلكين
واتركيه على جسمك لمدة 10دقايق زياده وبعدين اشطفي بماء دافي
وشاور جل وبعدين رطبي باي لوشن تحبين
وهذي مفيده جدا للجسم تشد وتنعم وتفتح البشره وتشيل البقع والكلف والسواد وتخلي ريحة الجسم حلوه واذا عرقتي ما يطلع ريحة عرق
ثلاث مرات بالاسبوع: الحمام المغربي الي قالت عليه توليب وفايدته يبيض وهذي الطريقه ..تخلط زيت لوز حلو مع صابون مغربي...,تخليهم ساعة ع بشرتها بعدها تبدأ التلييف....وذأه سر بياضها ونقائها وصفاء بشرتها...
كل يوم مرتين:ولتبييض الوجه والله يابنات انا جربتها فضيعه ت ع نار هادية...الين ماتاخذ المويا لون القشور....وتحطها بعلبة اسكينول نظيفة ( المغلي فقط)...وبيض والحبوب تخف90بالميه وهي الطريقه الي قالت عليها توليب
.تجيب قشربرتقال+قشر ليمون...( القشور فقط).....وتغليهمتستخدمها لتنظيف وجهها ورقبتها...( وتحتفظ بالقارورة بالتلاجة)....
عاد هذي أنا شفتها وهي تسويها ببيت أهلي...وع طول سويت زيها...والله يابنات بعد اسبوع...اشراق وصفاء ونظافة حتى المساااااااااااام تتقفل بشكل وااااااااضح....
(يابنات ترا توليب قصدها علبه الاسكينول تكون فاضيه يعني عادي اي علبه وتحطين المقلي لان في بنات علي بالهم نضيف المغلي للاسكينول)
يوميا:وكل يوم نحط الخلطه ذي قريتها قبل فتره بالمنتدي بس نسيت من كتبتها الله يوفقها والله تجنن تبيض وهذا وانا اجربها اسبوع او اسبوعين وشلون لواستمريت والله يابنات غيرت ايديني صار لونها واحد وتفتحت كثير كنت استخدمها ليديني بس
بس الحين راح نستخدمها للجسم كله وهي كاتالي:
(الكميه الي راح اقولها تكفي لمده اسبوع لان اذا طولت راح تخيس فااحسن كل اسبوع سوي وحده جديده)
ملعقه من كلا من: جلسوليد _فازلين _نشا انا احط ملعقتين _زيت زيتون_فكس انا استخدم الي علبته بيضه ومكتوب عليه يستخدم للبشره _ماء ورد_6ليمونات ابو زهره (انا استخدم اليمون الاصفر لاني سمعت ان الاخضر مو زين) وانا اضيف من عندي الجلسرين السائل
ولازم يابنات الترطيب بعد كل سبوح
يوميا:سدر مع حليب بودره 2م حليب بودره 3مسدر وشوي ماء حار تصير شبه سائله الخلطه هذي مهمه لتوحيد اللون قبل الاستحمام تتركينها ربع ساعه او نص ساعه
يومياخلطه تفتيح للبشره : اربع ملاعق نشا وليمونه كامله اذا البشره حساسه لاتحطين ليمونه +علبه حليب المراعي +ملعقه شاي كركم جسم تضعين المقادير بجدر وتقلبينهم علي النار لين تصير مثل المهلبيه وتتركينها لين تبرد وتحطينها علي وجهك ورقبتك وخليها ساعه او ساعتين وبعدين راح تجف وقشريها بيدك وغسلي وجهك بماء ورد وبعدين مكعب ثلج مرريه علي وجهك
وياليت يوميا لنتائج اسرع خلطه شسالفه يمكن استخدمها بس بدون صابونه القار
بنات الجدول خفيف وسهل وكل وحده تقدر تنفذه وتكفون بنات الي الي تحس ماجاب معها نتيجه بشهر تستخدمه شهرين مو تدعون علي تكفون:( :(
ويمكن اذا قدرت راح انزل كل اسبوع خلطه نستخدمها لمده اسبوع بس وطبعا لها نتيجه بنات نبي تشجيع وهذا الجدول مثل ماقلت توحيد وتفتيح واذا شفت تشجيع ونفذتو البرنامج راح اسوي جدول لشهر سبعه وكله خلطات تبييض لان جدول شهر سته توحيد وتفتيح
ادعولي بنات تكفون وسامحوني تأخرت عليكم بالجدول اتمني يعجبكم
REEM111 @reem111
محررة
يلزم عليك تسجيل الدخول أولًا لكتابة تعليق.
REEM111
•
الي دخلو ولا ردو مشكورين كلكم ذوق
sarah_uk
•
الله يخليك مشكوره على هذا الجدول بعد ماكمل امتحانات بنص سته برجع وبستخدم الجدول معك ان شاءالله
موفقه حبيبتي مجهود رائع تشكرين عليه الله يعطيك العافية وأتمنى لكم التوفيق ..:) :26:موفقه حبيبتي مجهود رائع تشكرين عليه الله يعطيك العافية وأتمنى لكم التوفيق ..:) :26:
يعطيك العافيه حبيبتي على المجهود الراااائع والله يجزاااك كل خير على التشجيع ونتمنى المزيد:)
الصفحة الأخيرة