جدول عناية بشرى للعيد ()"

السلام عليكم ورحمة الله يا حلوات ..
اخباركم مع رمضان وحوسة المطبخ ؟
ولله الحمد والفضل والمنه انتصف الشهر ووصلت للنتيجة اللي ابيها ..
ولأنني وصلت للنتيجة اللي أرضتني في بشرتي وفي شعري وفي جسمي بطرح لكم جدول عنايتي .. وبيمدي ان شاء الله تطبقونه في مابقي من الشهر .. وإن ما أمدى تقدرون تطبقونه في عيد الاضحى :)
أول شيء ..
جبت دفتر وكتبت الأشياء اللي أبي أعدلها في شهر رمضان المبارك ..
1- جسمي من ناحية الغذاء والرشاقة
2- شعري من ناحية التغذية والطول والكثافه
3- بشرتي


طبعاً كل وحده لها وقت فراغ مختلف عن الثانيه ..
أنا وقت فراغي من صلاة العشاء الى الساعه 12 .. لان زوجي يروح لغبقات اصدقاءه ..
طبعاً يستثنى الايام اللي اطلع فيها من البيت عشان اتمشى ..
-----------------------------------------
أول شيء نتكلم عن الجسم ..
طبعاً كلنا عارفين ان شهر رمضان ممكن السوائل في جسم الانسان تقل بسبب الصوم ..
فصرت يومياً أشرب 3 لتر من الماء ..
مع رياضه لمدة نص ساعه ومشي لمده ساعه .. طبعاً الرياضه والمشي بعد صلاة التارويح ..
انا من بدا الشهر ولله الحمد والمنه ما استخدمت الزيت بالقلي .. لا لقيمات ولا غيره ..
شريت قلاية فيلبس الهوائيه والحمد لله صار اكلي صحي ميه بالميه ..
والحمد لله نحفت من بداية الشهر كيلوين ونص ( ماشاء الله )
---------------------------------------
ثانياً الشعر ..
اول شيء انا كل شهر في الايام البيض اقص اطراف شعري ..
ومو كل يوم عنايتي بشعري ..
تقريبا كل يومين ..
الخلطة الاولى :/ خلطة السدر نزلتها لكم قبل كم يوم ..
وهي ملعقتين سدر
بصله مقصوصه بالنص
3 فصوص ثوم
4 حبات قرنفل ( مسمار )
ملعقتين زيت
كوب ماء
( نغلي البصل والثوم والقرنفل مع الماء لمده ربع ساعه ثم يصفى ويخلط مع السدر والزيت ويوضع بالشعر من ساعتين الى اربع ساعات )
نتيجة هالخلطة خرافيه طلع لي بيبي هير ولاحظت فرق الطول بشعري .. البصل والثوم مالهم ريحة ابداً ..


الخلطة الثانية :/ الافوكادو ..
تخلطين 3 ملاعق زبادي
حبة افوكادو
زيت جوز هند عضوي
( تخلطين المكونات مع بعض وتحطينها على شعرك ساعتين .. النتيجة نعومه رائعه والنفشه تخف كثير )


^ اعتمدت هالخلطين ..
والزيوت فقط استخدمت زيت الذره ( عافيه ) لانه خفيف ممره على الشعر ويغذيه ..


------------------------------------------
البشرة ..


اول شيء كل يوم لازم اسوي سكراب ( سنفره )
1\ زيت زيتون + سكر ابيض + ليمون ..
2\ سكر بني + زيت زيتون < خخياليييييههه
3\ سنفرة الخوخ المشهوره .. ناسيه وش اسمها ومتعيجزه اروح اشوف ههههههههه اتوقع ان كل وحده تعتني بنفسها اكيد بتكون عندها ..


ثاني شيء الماسكات ..
1\ بودرة التبييض :/
فنجال رز مطحون
فنجال حليب بودره
ملعقتين نشاء
ملعقتين شوفان مطحون
تخلطينهم مع بعض ونحطينهم بعلبه ..
الاستخدام يكون تاخذين على قدر احتياجك وتخلطينها مع حليب مركز مثل بوني او ابو قوس .. او بدال الحليب ماء ورد .. أو زبادي مع زيت لوز ..
انا استخدمتها فقط مع الحليب .. النتيجة ححلوه واعجبتني ..


2\ الحمام المغربي ..
طريقته ططويلة وتحتاج موضوع لحالها وبطرحه لكم قريب بإذن الله ..


3\ زبادي مع شوفان وزيت لوز وزيت فيتامين E ..
تعطي نظارة للبشرة .. وصفاوة ونعومه


4\ لطرد السموم واستخدمها مره بالاسبوع .. ( قرفة مطحونه + عسل ) واوزعها على وجهي لكن ما اقرب من منطقة العين ..


5\ ماسكات من ذا فيس شوب .. بس مفعولها مو طويل بس يستمر لمدة 4 ساعات بالكثير وهذا احطه قبل الميكب ..


-----------------------
هنا انتهينها من جدول العناية البسيط ..
حاولت ابسطه لنفسي لان ماعندي وقت شغل البيت والمطبخ ماخذين كل وقتي ..
اللي تستفيد مابي منها الا دعوه ..