الســلام عليـكم ورحمـة الله وبركـآته ..
يـآبنات والله العظيـم اني لي اسبو ع من يوم بديـت بالجدول وبانت النتـايج المشجعه الحمدلله
ومـابي منكم
الا الدعوات بظهر الغيب بالزوج الصالح وانو تصير الصلاه اكبر همي
((مـــآ شـــآء آلله تبـــــآرك آلله
ولا حول ولاقوة آلا باآله ))
اول شيء التغذيه /
يابنات والله اكلنا مررره مهم لبشرتنا وصحتنا بشكل عام
الحمدلله انا ابتعدت عن المشروبات الغازيه والشاهي والقهوه بالله عليكم عطوني
فايده وحده للبيبسي .. ؟ او القهـوه ..؟
انتم حاولو تقللون منها لين ربي يقدركم وتقطعونها
انا صرت اشرب عصير موز بالحليب اسويه بالبيت او عصير برتقال
واذا مو متوفر اجيب عصير نادك بالفراوله او المانجو على حسب ذوقك
ولازم لازم لازم تاكلين صحن او صحنين سلطه يوميا والله يابنات صحتي زانت
واظافري ابيضت من السلطه وانا اكثر فيها الجرجير لانه مرره مفيد للشعر والبشره والاظافر
حطي كل الخضروات اللي عندك كثري اللي تحبينه وقللي اللي ماتحبينه وضيفي له زيت زيتون
مره مفيد للبشره والشعر وممكن تضيفين الصوص الجاهز اذا كنتي ماتحبين طعم السلطه بيحلي طعمها
ولازم كاس حليب او كاس لبن او زبادي يوميا والله مررره مفيد فيه فيتامينات الجمال ابحثو عنها وشفو
حاولو تدخلون بنظام اكلكم البقوليات مثل الحمص (بليله)او العدس (شوربه عدس ,كشري)
وتدخلون البرغل(تبوله) والفول والمكسرات غنيه بااوميغا 3 نوعو بالاكل يعني
ثاني شيء شعري /
استخدم له اكثر من خلطه من ضمنها زيت جوز الهند والزيتون والمايونيز
والثوم والبصل والفلفل والجرجير والعسل والخميره والحلبه
يعني مافيه خلطه معينه انتي استخدمي اللي ترتاحين له بشرط
تسوين لك جدول مثلا .. السبت /زيت الاحد /راحه الاثنين/ خلطه الثلاثاء /راحه وزي كذا
ولما تحطين الزيت على شعرك تسوين له مساج بهاذي الطريقه
http://www.youtube.com/watch?v=kkZIOKB-_cA&feature=fvw
وحــاولي تظفرين شعرك قدر الامكان ظفريه 2 او 4 او قد ماتقدرين المهم خليه اغلب الوقت مظفر
تذكرون يوم كنا صغار شعورنا كيف كانت حلوه وطويله وانا بعد الشامبو احط دابر فاتيكا بالنخاع والعسل
ولما ينشف شعري امسح عليه بزيت الفازلين واظفره
ثـألث شيء البشره /
انا احط ماسكات مختلفه على حسب بشرتك
وانظف بشرتي كل اسبوع بطريقة بنت عذاري الله يجازيها الجنه
(ملعقة قشطه طازجه مثلا ..قشطة المراعي مع ملعقة بيكربونات الصودا)
اخلطيهم على راحة يدك وافركي وجهك بلطف لمدة دقيقه واغسليه
بمويه فاتره بعدين مويه مررره بارده
وقبل النوم اخلط نقطة زيت خروع مع نقطة زيت اللوز وشوية فازلين وادهن وجهي وانام
والصباح اغسلها بغسول(كلين اند كلير المقشر اليومي ) وصابونة البابايا
شفايفي احط عليها فازلين قبل النوم مررره ينعم الشفايف
اظافري انظفهم واغسلهم بصابون وادهنهم قبل النوم بزيت خروع وماشاء الله صارت بيضاء وقويه
وركبي اعاني من السواد افركهم بمويه وبيكربونات الصودا كل اسبوع مره
واستخم لها (فازلين وكركم وليمون وجلسرين)احطهم وافركهم لين
تتشربهم البشره والف عليهم قطعة قماش وانام واذا صحيت اغسلهم بلغسول والبابايا
وارطبها بعد الغسل بزيت اللوز والفازلين
رآبـع شيء /
انا نحيفه علشان كذا حابه ازيد وزني فااستخدم خلطة بسه مكحله الله يجازيها الجنه
http://forum.hawaaworld.com/showthread.php?t=1042494#Scene_1
والحمدلله وزني بادي يزيد واشرب حلبه مع حليب وعسل بالليل قبل النوم
وادهن جسمي بزبدة الكاكاو كل يومين علشان لازاد وزني ماتطلع لي الخطوط البيضاء (السترتش مارك)
واوصيكم بالحلبـه انتم عارفين فوايدها للبشره والشعر والجسم واستخدمو ديودرنت بنت عذاري بمسك روز من اجمل ريحته مررره جنان والله اهلي ازعجوني يبون
اسوي لهم منه ريحته تجنن ويقطع ريحة الحلبه نهائيا
http://forums.3roos.com/showthread.php?t=167547
ويوميا بعد قبل النوم اكل حبوب (سنتيريوم حبوب الزنك )حبه وحده وحبتين من حبوب (الخميره)
((مـــآ شـــآء آلله تبـــــآرك آلله
ولا حول ولاقوة آلا باآله ))
اتمنـى اني افدتكم لو بمعلومه وحده وبليز اللي تستفيد تدعي لي واذا فيه اي اسئله لو توجيهات تفضلو من عيوني برد عليكم ...
هيونته @hyonth
عضوة جديدة
يلزم عليك تسجيل الدخول أولًا لكتابة تعليق.
حياتي كلها لله999
•
مشكوره على حبيبتي
الصفحة الأخيرة