جدول عنايتي للشعر..

السلام عليكم ورحمة الله وبركاته ..

اليوم بكتب لكم الجدول بالتفاصيل الممل ان شاء الله ..

التغذية الداخلية :

اليوم الاول ( حبتين سنترم او حبة )
اليوم الثاني ( كالسيوم و فيتامين باء )
اليوم الثالث ( حديد وفيتامين ج )
الرابع والخامس . ( اي خضار او فواكه متقبلتها سوي سلطه فيها و بالعافية ، البيض حبيتين على الاقل على مدار اليوم )

التغذية اليومية

التغذية الخارجية للشعر :
( قبل الشاور )

حمام زيت زيتون يوم ايوا ويوم لا

حنه مره في الاسبوع او الاسبوعين ( اذا صادفت الحنة يوم الحمام الزيت

سدر مره في الشهر ( بعد الغسل منها الله يكرمكم خليها آخر شطفه لشعرك وجسمك )

( وقت الشاور )



موية الشاي بدون سكر ، خليها على جنب وبعد الحمام خليه آخر شطفة لشعرك لانه يثقل الشعر ويغمق لونها وكمان مطهر طبيعي ..



الشامبو اخففه مع مويه ( شيء اختياري بس مفضل انك تجربينه واذا لاحظتي انه زين مع شعرك استمري )



( بعد الشاور )



مسحه خفيفه خروع مع زيت اللوز في الفروة و تدليك على الخفيف وامسحي على الشعر نفسه كمان من البواقي في يدك ..

التمشيط بشكل خفيف و معامله لطيفة ( شعرك كأنه طفلك عامليه بشويش و لطف على شان ما يتكسر ولا يتقطع )

واحب اقول لكم في فقرة إضافية التضفير ( الجديلة ) على الخفيف ، لا تشدين شعرك بقوه لا خليه مرتاح بس مجموع مع بعض في ضفيرة ( جديلة ) على شان لا يتكسر او يتقصف مع الهواء او يتشابك ...



ملاحظات مهمة :



• النقطة الاولى :
كثيرين يقصون شعرهم على اساس انه متقصف ، وفي نوعين من اطراف الشعر ( متقصف ) و ( جاف او غير متغذي )الغير متغذي يخدعك على انه تقصف ..



* طيب كيف افرق بينها ؟



امسكي شعرك او امسكي خصلة ، خليها بين يدك او قبضتك وارفعي يدك شويه بحيث يكون شعرك لفوق ..



اذا انحنى الشعر للأسفل يعني مافي تقصف ، وراح تنزلين الشعر وتقلصين منطقة الشعر الي تختبرينها اكثر وتشوفين اذا الشعر ينحني على اي جهة فهو غير متقصف ..



ولكن اذا كان واقف مو راضي ينحني من نفسه هنا اقول لكم متقصف..




• النقطة الثانية:



يمديكم تبدلون زيت الزيتون بأي زيت يناسبكم وافضل الزيوت الي تبى تستبدل انها تحط زيت نارجين او جوز الهند ..



( طريقة الحنة و السدر )



الحنة ( حطي حنة مع مويه الشاي بدون سكر و اخلطيه ولا يكون حار ) الكمية على حسب شعرك بس يكون المزيج ما بين السائل و المتماسك


السدر ( سدر و مويه شرب ، اخلطيه وخليه على جنب بعد الحمام كليه على شعرك و جسمك وخليه شويه قبل ما تشطفينه ) الكمية على حسب شعرك بس يكون المزيج ما بين السائل و المتماسك

بالنسبة الى الفتات او فتاتيت الحنة و السدر راح تروح بس اغسلي شعرك واذا في بواقي طبيعي تروح مع التمشيط و بعدها غذي شعرك بزيت وترطيب زين للنهاية الشعر خاصتًا ..

وكذا الحمدلله خلصت ..



تكلمت في موضوع سابق عن تجربتي الشخصية و الان الجدول حقها ..



اتمنى انه كان مرتب وحاولت اني ارتب المعلومات قدر المستطاع اذا في شيء مو واضح اسألوني عنه بإذن الله اجيب عليكم ❤️



الله يرزقكم من حيث لا تحتسبون و حاولوا تمشون على السنه في الشعر و الجسم راح تلاحظون العجائب في نفسكم ..