جدول للاهتمام بوقت الحيض والنفاس وغيره من أمي ماابي غير دعواتكم لي ولها

السلام عليكم ورحمة الله وبركاته
كيفكم خواتي إن شاءالله بخير
بطلب وحده من الأخوات اني اسئل أمي عن خرابيط الحريم
هذا كلامهااااا نصأأأأأ






مالي دخل هي طلبت وانا نفذت
ماابي غير دعواتكم الله يحقق اللي ببالي
اتزوج اللي ابيه ويجملن في عينه
وتتسسهل اموري في كل شئ اتمناها
ويكفينا شر من به شششر
بسسسسسسسسسسسسسسسسسسسسسسسسسسسسسسس

:p


وسئلت امي وانا مستحيه ومغمضه عيوني ههههههههههه اول مره اسئلها
تقولي وش عندك قلت صديقاتي يقولون مدامك قصيميه اكيد امك تعرف للاشياء هذي
وعادددد مااقصرت اميمتي وعلمتن
اهم شئ جيبوا ورقه وقلم ودعواتكم لنا جميعآآآآآآآآآآآآآآآآآآآآآآ








اولأ
اسباب الخراب
1-الجوع والرجيم القاسي لازم تاكليييييييين اكل مفيييد
2-اكلات ماتنفع اوقات الدوره ووكثير يحذرون عن الباميا
والاشياء الحامضه حيييل
والبارردددد ابتعدي عنه من غازات وايسكريمات امتنعي عنها
وحتى اللبن خففي خصوصا اول ايام الدوره
3-المشي حفيانه بالبلاط هذا اخطر شئ
4-والاستحمام وقت الدوررره لاتعرفييين المااء وقته الدوررره
ولاتغسسلين المنطقه ذيك بالماء ولاشعرك ليييين تخلصين دوره
عفننننننننننننني ولاتخربين اما النفاس ممكن كل اسبوع تغسسل من تحت الوجه لين السسره فقط
بس تنتبه ماتجي للتحت ابدااا لين تطهر
والمنطقه ذيك بمناديل تنظفي لايجيه مويه
5- حاولواااا ماتشيلوا الثقيل بايام الدوره وفي غيرهااا يعني اششتغلي بسس مو تسسحبين
شئ ثقيل مرررررررره مب زييين ابداا
---------------

ثانيآ
العنايه تكون بوقت الحيض والنفاس الاهتمام
(بسسس فييييييه فرق بين متزوجه وغير متزوجه انتبهواا مو اذ خربتوا تدعون على لان بذكر اشياء ماتناسب إلا للمتزوجات)



:26:
نبدا بالغير المتزوجات والمتزوجات يكون الأهتمام بوقت الدوره الثلاث الايام الأولى وتنفع للنفاس الايام العشرين الاولى :::
الصباح
على الريق كوب شاهي أو حليب مع ملعقتين من الخلطه اللي تكوني مجهزتها قبل الدوره مكونه من
(كوب حلب+نص كوب حبه سوداء+ملعقه كبيره قرنفل + فنجان قهوه حبه حلوه ) كلهم مطحونيييييين وفي علبه

الثلاث الأيام الاخيره من الدورة للغير متزوجات والمتزوجات و تنفع للعشرين الاخيره من النفاس ::::::::
الصباح
على الريق ملعقتين كبيره مع شاهي
(كوب حبة سمراء+ ملعقه كبيره من القرنفل والدارسين +ملعقه صغيره من الفلفل الاسود
+ملعقه صغيره محلب وكمون + ملعقه كبيره من النونخه +فنجان قهوه صغير حبه حلوه)
وكلهم طبعآآآآآآآآ مطحونين طحن وفي علبه

:26:


نبدا بالنفاس الأن

للنفاس العشرين الأيام الأولى ::::::::
كيلو حلب + فنجال مره + فنجال عنزروت +
فنجال فلفل +فنجال سميرا (حبه سوداء)+
فنجال محلب +فنجال سكر (عشان الهضم)+ فنجال كمون
=
تحطنينهم جميعهم لكن الحلب اجرشيه جرش يعني لاتخلينه ناعم مرره ولاهو حب
هذا لمدة عشرين يوم كل صباح و مساء الهمي ملعقتين من هالخلطه كبر ملعقة حليب الاطفال
مع حليب السعوديه أو اللي تحبينه بس ابتعدي عن الماء قدر الامكان
ليش ماادري استحيت اسئل امي ههههههه



العشرين الأخيره::
كيلو رشاد + حبة سوداء
= الرشاد لايطحن ابدااااا لانه حار
والحبه السوداء طحن خفيف يعني جرش
ملعقتين صباحا ومساء كبر ملعقة حليب الاطفال







اما باقي اليوم للحائض والنفاس

1-كولوا تمر مع رشاد لانه ينظف الرحم
2-اشربوا منقوعه ( عنزروت+ مره+ شوي محلب) طبعا بفنجال القهوه تحطينه واستمري عليها يوميا
أو ممكن قهوتك تكون
مره + عنزروت + محلب + مقله (اسئلي العطار يعرفها )
=
اطحنيهم واشربيهم مع القهوه على طول باي وقت تشتهينه
وتقول امي لاتشربون القهوه ساده يويلكم
راح تطلع سسوائل بكثره خصوصا الخربانه
بسس عادي تستمرووون مع كل دورررة على هالنظام
استمروااا وراح تشوفون نتائج إن شاءالله ترضيكم
3-الطبيخه تشترينها من العطار وتشربينها طول الاربعين يوم للنفاس على حسب الرغبه
في اي وقت تشتهينه في الصباح او
الظهر او العصر او العشاء
4- وفي تحميلات فقط للمتزوجات
ارجع اقول للمتزوجااااات فققطططط (تحميلات المهبل )
اطحني
( ملعقه كبيره مره + شوي محلب + ملح خشن )
ونعجنه بعسسسل طبيعي وخلي شكلووه مثل التحميله صغير شوي ( حجمه مثل نوى التمر)
وسوي مجموعة تحاميل على عدد ايام دورتك مثلا او نفاسك
وكل ليله ضعي تحميله

5-عند العطار بخور اسمه الكبو
فيه نوعين للهواء ولشمم
ااطلبي اللي حق الهواء وتبخيري فيييه وقت النوم
للمتزوجات فقط
6-
الفطور
يليت يكون الفطور مو معلبات خصوصا وقت العلاج
الغداء
اذ حسيتي انك قبل الغداء جوعانه او شئ
تقهوي عادي او اشربي شاهي اعشاب اللي فيه مرميه وشيح وكمون وحبه سوداء وينسون و دارسين )
وتغدي رز للحائض
ولو كان مطازيز ولحم احسسسن خصوصا للنفاسس
وبعد الغداء اشربي المنقوع اللي ذكرت طريقته سابقا
العصر
ممكن تاكلين خبز اسسمر او شابوررر مع شاهي الاعششاب اللي ذكرته سسابقا
كولي اي شئ غير الاشياء الممنوعه
العششاء
مثل الغداءءء بالضبط
وانتبهوا من الممنوعات


-----------------------------------------
اذ كانت الوحده حيييييييل خربانه
فتسوي نفسسها كنهااااااااااا نفاسسس
وتتبع نظام النفاسسس 40 يوووم


------------------------------------
النظام اللي ذكرته سابقا
للحائض والنفاس
اما اللي فيها ميلان تروح للطبيبه شعبيه تمرخها لان الاعشاب ماتنفعها


ملاحظه

امي الله يحفظها تقول
ممنوع انك تزيدي يوووم واحد مثلا باسستخدام الادويه حقات الثلاث الايام الاولى للدورة او للعشرين يوم للنفاسس
ولو كان يوم واحد
لان لو تلاحظوون الحلبه كانت بالايام الأولى فقط لازم نكون دقيقين بالاستخدام عشان مانخرب على انفسسنا اللي سويناه
خصوصا الحلبه اذ مااستخدميتها زين ممكن تكون نتائج عكسيه
وايضا اللي تتعود على هالنظام لازم ماتخليه خصوصا النفاس
:o
حبيت اذكر تجربه من تجاربي
مرره يوم سسمعت عن هالاشياء فترة اول جامعه
خصوصا كنت مع بنات متزوجات وغير متزوجات
فدائما نكون بنقاشش
وسوسست اني خربانه ههههههه
المهم جابت لي صديقتي اعششاب في علبه
قلت لااازم اخلي امي تششوفها
وووووعرفت نص الاعششاب طبيخه
وفيه منها نهائيا ماتصصلح تخرب قالت لي اسمائها ونسيت
وبعضها مجهوووله الاعشششاب
قعدت تهاوشن امي وكبته بزباله قالت بعض العطارين يزيدوااا اشياء مالها فايده
واشياء تخرببب
ونصيحه مني لكم :
فيه كتاب لوحده بالمكتبات تتكلم حتى عن سرطان الرحم
لان صديقتها اصيبت بهذا المرض وتوفت وقررت هي انها تدور علاج له
بس مااني فاكره الكتاب
بس اسسمها هي فيافي
حتى تعتبردكتوره شعبيه
ويسمونه نظام فيافي
الكتاب جدا رائع
نصائح منها تقريبا نفس نصائح أمي ماشاءالله
لأني شريته وقريته لأمي وتنصح فيه امي اعجبها حييل
واسئله واجوبه




---------------------------------------------------


موضوع المواليد والاهتام فيهم (الجبهه- الراس-الاذان)
اسفه لاني تاخرت بالرد فيه
بس كل مااحط موضوع يطير عجزت اعتمده في قسمه المخصص
وماينفع غير للمواليد فقط للكبار ماينفع
:angry2:







1-
الجبهه تربط بقبوع تعرفون القبوعات القديمه اللي فيها ورد هذيك نفسها بالنسبه للراس والجبهه ضروري القبوعه هذي
تلم الجبهه والراس
2- الراس وهيئته
تحاولين ماتخلينه ينام على يمينه او يساره
عشان مايكون شكله قبيح وغريب اذ كبر الطفل
لاني اشوف صديقة للزوجة اخوي عيالها روسهم للك الحمد فضيعه
من قبحها مشوهتهم حيل مساكين هم

3-والاذان مثلا لو طايره دخليها في القيوع نصها
بس مو تخنقينه يعني الاذن توسينها وتلمينها مع القبوع



فيه حريم هنا يبيعون للمواليد
وسائد تخليه مايصير لا يمين ولايسار
وريته امي تقول اي حلووو جدااااا انصحكم فيها


خشمك واقف واسنانك راجعه من دون عمليات تجميل مع كولايا وبس والله ماتندمون

http://forum.hawaaworld.com/showthread.php?t=2513641


اللي استخدم حبوب اغادير للتسمين الخدود تجي هنا تحذير منها

http://forum.hawaaworld.com/showthread.php?t=2458538


خلطه طبيعيه لتفتيح واعطاء الوجه جمال وصفاء , ونصائح جماليه مني~


http://forum.hawaaworld.com/showthread.php?t=2753452



ملاحظه /
جدتي توفت قبل كم شهر الله يرحمها يارب
كانت تداوي الصغار طبيبه شعبيه للصغار
الله يجعل قبرها روضه من رياض الجنه
دعواتك لها فقدناها حيل
ولي ولامي وابوي تحفظهم وتخليهم لي
واتزوج اللي ابيه ويوفقن الله بدراستي
ويحقق جميع امنياتي
لاتبخلون على بدعواتكم بظهر الغيب