جدول للنفاس سهل ومدر للحليب

السلام عليكم ورحمة الله وبركاته


هذا جدول سويته يوم شفت كثير من البنات حايسين وش يستخدمون للنفاس وبعد البحث عن فوائد الاعشاب طبيا وهل لها اضرار طبعا اللي لها اضرار استبعدته مثل المراميه تجفف الحليب والحلبه تسمن وتسبب رطوبه ولها بديل الماش طبعا للي ماتحب ريحتها واللي ماتبي تسمن وممكن تستخدمين الماش كوجبه اومع الوجبه وكذلك الزنجبيل مفيد في كل وقت وليس له ضرر


وراعيت انها تفيد في ادرار الحليب للمرضع


اولا لاتشترين اي شي مطحون وخذي اللي يكفيك الاربعين يوم والدوره اللي بعدها

ثانيا المره مالها داعي لانها مضادوالمستشفى بيعطونك والخوف تنزل مع الحليب وهي مالها فايده في انزال الدم بس حنا تعودنا نسمعها لان الحريم الكبار كانو يستخدمونها

واللي مومقتنعه ممكن تنقعا في مويه وتشربها بس الاكثار منها مضر
:26: :26: :26: :26: :26: :26: :26:
اللهوم


>>> محلب و عنزروت و كمون و حبة البركه ورشاد << تخلط وتطحن وتؤخذ كل يوم ملعقه على الريق مع عسل وحليب وهذي جربتها ايام الدوره ونزلت بلاوي :22:


الشاهي بعد الاكل وهذا مهم لادرار الحليب

شمرمع يانسون وزنجبيل وقرفه وسكر حسب الرغبه ولو تشربين منه كاسين او ثلاثه مامنه ضرر


بعد المغرب
قشر قهوه مغلي ويصب في زمزميه فيهاشوي مسمار مطحون وشوي هيل وزعفران ولو بغيتي قرفه
مع تمر بالسمسم تراه مفيد جدا

والدكتور القحطاني ينصح بقشر القهوه والشمر

بين الوجبات وعند الجوع جزر وبقدونس لان البقدونس ينزل الدم ولو سويتيه منقوع افضل والجزر مدر للحليب

واكثري من الورقيات لانها غنيه بالفيتامينات ومدره للحليب

مع الوجبات ضعي فلفل اسود بكميات مناسبه وممكن ماش مطحون اوتصلحينها شوربه ويفضل عدم الاكثار منه للي تخاف السمنه

قبل النوم شاي الزعتر مع شوي دارسين فهو مدر للحليب بس فاتح للشهيه علشان كذا يكون قبل النوم وينظف البطن

زيت السمسم يدهن به البطن مفيد جدا يشده وممكن تدهنين الوجه منه يعطي نضاره

وممكن وضعه مع الاكل ينزل الدم علشان كذا يمنع الحامل من تناوله


بعد العشرين الاولى تزيدين
تمر معبوط برشاد

اذا وقف الدم قشر رمان مطحون مع عسل على الريق اوتصلحينه زي الشاهي مع دارسين علشان يجفف المويات وينشف

التحاميل البوثيل الطبيه احسن من الخرابيط اللي ماتدرين وش مكوناتها وحوستها وياما حريم صار عندهم نزيف والسبب هالخرابيط



اخيرا:09: لاتنسوني من دعائكم :42:

وصلى الله على محمد