السلام عليكم ورحمة الله وبركاته
طبعا كل وحده فينا تحب تهتم فبشرتها وجسمها وشعرها وكل شيء يخصها
زمان كان روتين عنايتي عادي جدا وبسيط فقررت اني اكثف عنايتي اكتر عشان اتخلص من مشاكل جسمي مرة وحده
وتعرفون بني آدم يطفش :p جلست اسبوع وانا اسوي الجدول ادور على الشيء اللي يضر واللي يفيد واللي مايدي نتيجه
وان شاءالله اكون توصلت لشيء المناسب وانتم اذا عندكم اضافات او ملاحضات قولولي
يلا نقول بسم الله..
1- غسول ومقشر ومرطب للوجه والشفايف * انا استخدم كلير&كلير ولين دحين ماشفت منو اي ضرر وللشفايف استخدم لابيلو*
2- زيت * زيت نارجين وزيت خروع وزيت الثوم وزيت الجرجير*
3- خلطة للوجه * قناع الشوفان:ملعقتين زبادي وملعقتين شوفان مطحون , تخلطينهم وتحطيهم بوجهك وتخليه لين تحسي انو بشرتك انشدت وان القناع نشف , بعد ماينشف تغسليه بموية دافيه بعدين تجيبي قطن وتغمسيه بموية الورد ولازم تكون بارده وامسحي بيها وجهك.
4- خلطة للشعر * فنجان قهوه سمسم محمص على النار وعلبة زبادي وملعقتين مايونيز , تخلطينهم مع بعض وتحطيهم بعدين على شعرك ساعتين وتحممي عادي
5- حمام مغربي * لين دين مو لاقيه الطريقه المناسبه :(
6- خلطة للجسم * 3ملاعق ونص رز مطحون + 3ملاعق ونص نشا + 5ملاعق موية ورد , تحطين النشا والرز وبعدين موية الورد * بالنسبة للرز اطحنيه خليه زي البودرة , وخليه على جسمك ربع ساعه تقريبا او اقل وبعدين بالليفه المغربيه.
7- خلطة للركب والاكوع * ليمون وزيت زيتون افضل شيء
8- العناية بالاضافر *جيبي فص ثومه وادعكبها اضافري كلها بعدين جيبي نص ليمونه وادعكبها كمان ويوم ينشف الليمون حطي زيت زيتون وبعدين غسليهاا ورطبيها.
9- العناية بالقدمين * قشريها بعدين جيبي جلسرين وحبه ليمونه اعصري الليمونه على الجلسرين واخلطيهم وحطيها على جولك والبسي بعدين شراب.
10- العناية بالشفايف * ملعقتين سكر وملعقة زيت زيتون و3ملاعق موية ورد ونص ليمونه , اخلطيهم مع بعض وحطيهم على شفايفك وجيبي الفرشه وادعكي شفايفك بعدين غسليه وحطي فازلين ونامي.
11- العناية بالرموش * علبة مسكرا فاضيه غسليها زيين وحطي زيت خروع وكل ماحسيتي نفسك فاضيه جيبي دي المسكرا وحطي منها*
12- تقشير اليد* اقشرها بالسكر وزيت الزيتون*
13- تقشير الجسم * استخدم مقشر بالنعناع , بنات لازم بعد التقشير ترطبين المكان اللي قشرتيه لانك لو مارطبتي بترجع المنطقه دي زي ماهيا سودا وما كانك يابو زيد غزيت
14- مرطب للقدم * استخدم زبدة الشيا الخام
يمديك تغيري الخلطات لو انتي حابه بس اهم شي الفكرة تكون نفسها مو لازم تلتزمي باللي انا كاتبتو .
طبعا بنات لا تقولو كل دا نسويه كل يوم ههههههههههههههههههههههههههههه لا اانا موزعه الارقام على الايام كلها
السبت : 1 , 2 , 7 , 11 , 14 , 10
الاحد : 1 , 3 , 6 , 7 , 8 , 11 , 13 ,14
الاثنين : 1 , 4 , 7 , 11 , 14 , 12 , 10
الثلاثاء : 1 , 3 , 6 , 7 , 11 , 14 , 13 , 10
الاربعاء : 1 , 2 , 7 , 8 , 11 , 14
الخميس : 1 , 3 , 5 , 7 , 11 , 14 , 9 , 10
الجمعه : 1 , 4 , 7 , 11 , 14
اللي مافهم الجدول والارقام بقلكم دحين * مثلا احنا اليوم خميس الارقام حتكون دي 1 و 3 و 5 .. الخ الزبدة انكم تطلعو فوق وتشوفو ايش هوا رقم واحد وايش رقم 3وايش هووا رقم خمسه
والخلطات ما منها خوف كلنا نعرف فوائد الشوفان للوجه والمايونيز للشعر والسكر للجسم , جاولت قد ما اقدر اني اجيب خلطات طبيعيه وموجودة بكل بيت عشان ما نخسر فلوس ونحطها فكلام فاضي وعندنا بدديل احسن من اللي بنشتريه < قحروطيه خخخخخخخخخخخخخخخخخخخخخخخخ :biggrin:
يعني بدل ماتروحي وتشتري منتج وعندك اشياء في البيت تحل مكان المنتج اللي تبييه وتسوي نفس عمل المنتج , احب اقتصد الفلوس:icon810:
فهمتو دحين ايش قاعده اقول ؟؟؟؟
وأي سؤال انا حاظرة
الهاشميه ... @alhashmyh_22
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
جدولك رائع ومميز عجبني كتييييير وان شالله بمشي عليه واشوف النتيجة لاني مو كتير اعتني بنفسي عندي كسل
بس هالجدول شجعني .....