جديدة - وابحث عن حل

السلام عليكم ورحمة الله وبركاته،،،




انا لي فترة ابحث في المواضيع ولقيت هذا المنتدى، تقريبا قريت فوق ٢٠٠ موضوع عن الطلاق والزواج. المهم انا بدخل في الموضوع ع طول.


انا عندي اخ الله يحفظه ويخليه عمره تقريبا حول الثلاثين وله عايش خارج السعودية تقريبا من كان عمره ١٨ وتوه جا قبل سنتين. المهم الرجال جا واتوظف وقلنا له نزوجك قال تمام، وخطبنا له وحدة عمرها ١٩ ورفض حتى انه يشوفها نظرة شرعية علما بانه عاش في دولة متفتحة جدا وهو كذلك متفتح ولاكن رفض النظرة الشرعية وتزوج من البنت وسوا زواج وشهر عسل وووو. الغريب انه زوجته مدلعته وتسوي له اي شي يبيه فعليا اي شي ماتقصر معاه وهو كذلك مايقصر معاها لا بالفلوس ولا باحترامه لها ولاكنه مبتعد عنها يعني اللي فهمته من زوجته انه يجي يسولف ويتغدى ويتفرج تلفيزيون وينام وبينهم علاقة زوجية كثير لاكن مابينهم علاقة حب ابدا. يعني يعاملها كصديقة وزوجة عادية مع انها تقول انه بارد جدا وهادئ وتجيه حالات وهم جالسين يناظر فيها ويسرح وفجأة يحزن ويطلع واحيانا يجي لها مبسوط جدا ويطبخ لها عشا ومدللها. فيه مرة من المرات كان عندنا بالبيت وكان يكلم وحدة اجنبية بلغتهم وكان فيه معاها ولد صغير في الفيديو ووراه امي وقال لولد كلمة مافهمناها وقام الولذ الصغير يصفق ويضحك وامس استغربت لان الاجنبية اللي كان يكلمها كان معاها صوت رجال يعني امي استبعدت انه يكون هالولد الصغير ابن اخونا، وكذلك كلنا قلنا ماراح نقول لزوجته عن الموضوع هذا ولاكن في الفترة الاخيرة اخوي صار مبتعد كثير عن الكل، والمشكلة كلنا ننحرج نكلمه لانه ابتعد عننا فترة اكثر من ١٠ سنين وماكان يكلمنا كثير. اخوي ناجح في عمله كثير ودخله حلو ويبعثر علينا وعلى غيرنا يعني ماكنا نتوقع انه ناجح بالشكل هذا ولاكن على نفسه تلاقين ملابسه عادية، اكله عادي، ينام ع الارض او ع الكنب اذا جا زيارة، يعني اللي ابي اقوله صهل اني اتكلم معاه واساله عن شي، وودي اناديه واجلس معه واساله ان كان متزوج من اول، وليه علاقته مع زوجته باردة جدا ومين الولد اللي كان بالفيديو ؟ وش رايكم وتعليقاتكم وآسفة على الاطالة.