جديدة وتايهه وعندى احلام عايزة تفسير

مرحبا بنات انا جديدة معاكم ياريت تتقبلونى بيناتكم ..كنت منضمه علشان اعرف تفسير احلامى الكثيرة ..لكن شفت الموقع حبيته جدا ..المهم بما انى جديدة ومش عارفة اضيف احلامى فى اى قسم فقلت اضيفهم هنا ..انا شيماء من مصر عذباء طالبة ..بدات اتقرب من ربنا وانتظمت فى صلاتى وبقرأ اذكار الصباح والمساء والنوم بانتظام المهم عندى احلام كتيرة بدات من اسابيع قليلة وهى مثل احلام الحلويات واحلام القتل فحلمت انى قتلت شخص دخل بيتى وعايز يقتلنى فقتلته فى غرفة النوم القريبةمن الباب بسكينة وانتصرت على شخصين وبعدها اللى قتلته صحى واجتمعنا اننا هنقتل راجل شرير ماشى برى البيت وفعلا قتلناه ممكن تقولوا اللى قتله هو اللى انا قتلته فى الاول وده حلم مش عارفة تفسيرى وفى احلام ذى السيارات والانتقال مع اهلى لفيلة حلمتها مرتين وفى الفيلة بنت بتبسم لى متعديش التسع سنين وكانت جميلة ثم البنت دى رمت نفسها فى حمام السباحة وكان فى راجل غريب بيغرق فانا نطيت فى الميه حاولت انقذهم البنت كانت بتعرف السباحة والراجل مات فالبنت ساعدتنى فى اننا نسبت بجسمه على حافة الحمام ولما قلت انه مات البنت قعدت تضحك بصوت عالى ...وفى حلم ان خالى ادانى كيس وقلى اديه لراجل صديقة هو اجنبى وكان فى كازينو بس مفيش رقص او اغانى او قمار بس ناس قاعدين على كراسى والوان كتيرة المهم المراة اللى بتدى المشروبات قالتلى ان الراجل اللى عايزاه فى الحمام ومش لابس حذاء فانا طلعت من الكيس حذاء للراجل بعدها قلتلى اهوه وراكى لما بشيت لقيتهم تلاته وحلمت كمان قبلها بتلت عربيات عربية نزلت منها لانها راحت فى طريق الزرع ومحبتهاش وعربية كانت مستنية ولما كنت فى طريقة ععلشان اركبها لقيت عربية تانى وصلت ودول كانوا الثلاثة عربيات ميكروباص ..ودول خلاصة الاحلام مع حلم شراء الحلوى ..واخر حلمين هما انى كنت راجعة من الدرس لقيت بنات عمتى يتامى الاب اسمهم ابتسام ونرمين ماسكين صوانى كبيرة عليها بسكويت لما سالتهم رايحية فين قالولى رايحين ندى البسكويت اللى صنعته امى بامر منها لبيتين من بيوت قرايبنا اول بيت هو خالت ماما ودى ساكنه فى القاهرة واحنا فى الاقصر مش عارفة ايه اللى جابها فى الحلم والبيت الثانى بيت خال بابا فقلتلهم هروح اوديهم معاكم واخر حلم هو انى كنت بفرش اسنانى بالفرشاء وعايزة ادخل الحمام اغسل اسنانى لكن ماما منعتنى لان فى امرأة كانت عايزة تغسل اسنانها وهى امرأة كانت بتاجى ضيفة عندنا لانها من السعودية هى وزوجها المهم ماما اعطتها فرشة اسنان وانا رحت عند بيت صديقتى اغسل اسنانى صحيح البيت اللى قاعدين فيه بالحلم ده فيلة كبيرة جدا كنت قدام الفيلة بعد مرجعت من بيت صديقتى وكنت واقفة وفى راجل بموتسيكل وصل ونادانى بالانسه فقلت له انا ابنت البيت اللى انت شايفة ده قالى انا عايز اوصل الطلبات للمدام المهم دخلنا البيت مع بعض او هو وراى مش فاكرة ونادى بنت الضيوف بالمدام فماما قلتله انا هى المدام وتأسف ليماما وقالها انا جيت اوصل الخضار اللى اشترتيه المهم دخل هو وماما المطبخ وقعد يلافى ماما بطاطس وهى بتحط البطاطس فى التلاجة وانتهى الحلم فى حته انا مش عارفة اذا كانت تبع الحلم او لا وهو ان الراجل ده شخص مهم جدا بحيث ان بابا وجوز الضيفة تفاجوا انه هنا وقلهم امنا عملت حادثة مع راجل التوصيل وهو هنا نيابه عنه مش عارفة الحته دى تبع الحلم او لا او انا اتخيلتها عندما صحيت ولا ايه