جديده في عالم الزواج ..الاحساء ../ضعي طلبك بقسم الاستفسارات الجماليه.

السلام عليكم ورحمة الله وبركاته
كيف حال الكل ...ياربي اول مره ادخل هالقسم من سنوات الحمدلله على كل حال
حاليا انتقلت من وضع عازبه الى وضع مملكه ..وربي اشتقت للعزوبيه ماعلينا
انا جديده على كل شيء ومن اهل الاحساء استلمت المهر وقسمته قليل خلصت الذهب الحين الحمدلله انه كان نازل وزواجي او سفرتي بشهر سبعه يعني برجب ان شاء الله امم موظفه حسيت اني اعرف على نفسي
بالنسبه للتجهيز انا عدم ولا اعرف حاجه والوالده الله يطول بعمرها مع الوالد مثلي مايعرفون اشياء كثيره وصحتهم على قدهم
حاليا باقي لي 25 الف من مهري امم بحب الستايل الناعم الفخم والكلاسيكي في نفس الوقت
فكرت اشتري من الدمام والخبر والرياض بس برضوا اهلي وانا مانعرف شيء حاليا باذن الله هبدأ اشتري الجزم كم تقريبا اشتري بين كعب وصنادل وفلات وايش المحلات اللي اقدر اشتري منها من الحسا وكمان الشنط الماركه ..
بالنسبة لفساتين السهرات وفساتين الطلعات وكذا والبلايز من وين اخذ فخم ولعرايس خصوصا ان الانظار علي طبعا هل اروح الدمام والرياض وايش المحلات لاني لو بدور اراعي اهلي وكمان قميص اول ليله من وين اخذه او ايش احلى المحلات
اللانجري والميني جلابيه والبنطلونات وهذول هل اكتفي بالاحساء وايش المحلات الماركه فيها
اسفه لو ثقلت لكن وضعي مايسمح كل يوم ادخل السوق
كمان باقي لي فستان الزواج واللي معه احس محتاره وقولوني ضارب وشايله هموم الدنيا كلها ومو عارفه اجهز وايش الاشياء اللي لازمتني وكذا يارب الاقي حد فيكم من الحسا والشرقيه يساعدني وجزاه ربي عني كل خير وربي يوفقكم ويستر عليكم ويبعد عنكم كل حرام وينصر كل مظلوم ويخلي لكم اهلكم واحبابكم ويطول باعماركم ويكفيكم كل شر