السلام عليكم ورحمة الله وبركاته
زميل زوجي ارسل لنا من الشرقيه سمك وربيان وقباقب ربي يجزاه خير
ومن الليل نظفت الربيان وتبلته بليمون وملح وشوي دبس الرمان وكمون وفلفل وخل وثوم وخليته بالثلاجه يوم كامل
بعدين جبت شبك الشوي ولبسته قصدير من تحت وفوق ومن ورى وقدام علشان ما يطيح الربيان اذا قمت اقلبه وخرمت القصدير بس شوي عشان النار تدخله وينشوي زين معليش ماصورته لاني ماكنت اظن ان هالطريقه بتنجح معي بس طلع جنااااااان المهم صفيت الربيان بالشوايه وشويته عالفحم وهذا بعد التقديم
اما السمك فأيضا تبلته من الليل بملح وليمون وكمون وفلفل وثوم ومن بكره جبت صينية الفرن وفرشتها قصدير وحطيت السمك عليها وقطعت بصل اخضر وطماط وبصل وثوم وكزبرة خضراء بعدين اغلقت القصدير عليها باحكام علشان ما يطلع منها شي وتطبخ داخل الفرن على نار وسط من نص ساعة الى ساعه الا ربع وهذا بعد التقديم
اما القباقب
بعد ما نظفتها سلقتها بمويه وشوي ملح وبهارات ناعمه بعد ما تطبخ تقريبا من ربع الى نصف ساعه احط عليها مغلف من مغلفات شوربة الفطر او اي شوربه تعجبك وهنا بعد ما قدمتها ايضا
وهنا صوره جماعيه مع الارز
واتمنى ان اكون قد وفقت في تقديم الموضوع كما وفقت في طبخه :27:
واي سؤال انا في انتظاركم حبيباتي :26:
324489
324490