ازيكوا ياأحلي بنات وحشتوني
وهاتوحشوني اكتر لأني ها أغيب عنكوا شويه اليومين دول
عشان الامتحانات ربنا يوفق الجميع
فحبيت اعملكوا موضوع تفضلوا فاكرني بيه لغاية ما ارجعلكوا
تاني ان شاء الله تعالي ان كان ف العمر بقيه
بس اوعوا تنسوني
لأنكم في قلبي دائماً
فكرة النهاردة لذيذة وجديدة ورائعة
وكمان من اختراعاتي مش عارفه هي طرأت في دماغي
قلت اما اجربها ياصابت يا خابت
والحمد لله كانت صائبه جداً وجميلة جداً جداً
وخاصة بعد ما عجبكوا موضوعي الخاص بالقراقيش
ودا الرابط الخاص بيه
http://forum.hawaaworld.com/showthread.php?t=3500768&referrerid=812161
الدونات المالح ألذ شي تاكليه مع الشاي
لدرجة نسيت معاها الدونات الحلو
وعجبت الأولاد جداً والحمد لله
خلينا نقول المقادير
( الدونات المالح)
3 كوب دقيق
3 م ك زبدة
1/4 كوب سكر بودر
1/2 م ص ملح
1/2 1 كوب حليب
3 م ص خميرة فوريه
بيضه
الطريقه
ندفي الحليب السائل مع الزبدة علي النار ولو سخن منك سبيه لغاية ما يبقي فاتر
وضعي ف العجانه او ف الإناء الخاص بالعجن كل المكونات الجافه
( الدقيق+ السكر+ الملح+ الخميرة)
ثم ضيفي البيضه وقلبي ثم خليط الحليب مع الزبدة واعجني لغايه ماتبقي العجينه ناعمه وملساء
وهي بتكون طريه شويه يعني مش يابسه
ودا شكلها
واتركيها حتي تختمر
وافرديها بالنشابه وقطعيها عادي مثل الدونات الحلو
أنا قطعت شويه وخليتها مجوفة م الداخل
وجزء خليته دائري
وجزء قطعته شرايح طوليه ولفيته ع السلاكات
وجزء عملته أصابع
وكمان في دوائر صغيرة
والصور توضح
واهم اهم نقطه خليها تختمر بعد التشكيل
عشان تكون هشه وخفيفه
ثم تحمر ف الزيت
ثم نضعها ع ورق مطبخ لتمتص الزيت الزائد
وتبدأ عملية التزيين او الحشو
وهو سهل جداً وبسيط
الكور الصغيرة وضعتها في طبق زجاجي
ورشيت عليها زعتر وسماق وحبة البركه
يمي يمي
رجاءً عدم الرد حتي اكتمال الموضوع
وباقي حشوات اخري مختلفه
يتبع
ودا شكل الأصابع
ودي الدونات الدائريه غطستها بالجبنه السايله
علي غرار صوص السكر
من الداخل رهيييييبه وخفيفه وفاضيه من جوه
وهنا حشيتها من النص لبنه ورشيت ع الوجه حبة البركه
أتمني تجربوها لانها فعلاً لذيذة
وما تشبعيش منها
وقدميها للأولاد وهما بيذاكروا مع عصير برتقال فريش
استودعكم الله
والحمد لله الذي أطعمنا وسقانا وكفانا فكم ممن لا كافي له ولا مأوي