وبالاخص بقسم الديكور لاني من زمان عنكم:)
موضوعي عن اسقف جديدة توها نازلة بالسوق خبرتني عنها اختي لانها تأثث بيتها فسويت لها بحث ولقيت لها صور
فحبيت تستفيدون مثل ما استفادت اختي..
الاسقف هذي مصنوعة من مادة اسمها البي في سي وهي مادة تستخدم في البناء عادة وقابله للشد والطي
مميزاتها رائعة منها
- تصمم على الشكل اللي ترغبين فيها سواء بانحناء او بتموج او غيره..
- ضد تسرب الماء يعني لو كنتي في شقة لا تحاتين حمام جيرانك الله يعزك اللي فوقك يسرب عليكم:)
- تقدرين تركبينه بعد ما تاثثين لانه لا يوسخ ولا شئ ولا يحتاج منك تشيلين اثاث الغرفة
- والميزة الحلوة اللي فيه واللي ابهرتني بجد هي تقدرين تنقلين من بيتك وهو معك يعني ينقل مثله مثل باقي الاثاث
- تركيبه يستغرق من 3 الى 5 ايام حسب تعقيد الشكل
- له ضمان عشر سنوات من الشركة المصنعة
وبعد ما عرفنا عالمعلومات تعالوا شوفوا الصور اللي لقيتها اثناء البحث
على فكرة الانوار تركب قبل لا يتركب السقف ولما تشتغل الانوار يبان السقف كله منور
شرايكم مو رووووعة
اشوفكم في مواضيع ثانية بإذن الله :icon35: