بداية اشكر كل بنات عالم حوا لاني استفدت كثييير كثيير وما احدد قسم كل قسم احلى من الثاني والي لفت انتباهي اكثر التعاون الا محدود بين الاخوات لذلك كل اخت ساعدت وعاونت على رفع هذا المنتدى الله يجزاها خير ويسعدها
والشكر موصول لكل القائمين عليه:27:
اليوم جبت لكم فطيره لذيذه وسريعه وتفك زنقات وتصلح عشا بالذات حق المدارس
غير الفيتامينات الي فيها
شوفوا شكلها اول
نجي للمكونات
حبه طماطم مقطعه صغير+بقدونس مفروم+رشه كمون+ذرة ملح
3حبه بيض مسلوق ومقطع صغير
3ملاعق جبنه سايله
وهنا خلطت كل المكونات الي فوق تصير كذا
جهزي العجينه الي ترتاحين لها
انا هنا حطيت كوبين دقيق ورشة ملح وملعقة سكر وملعقة خميره وملعقتين حليب بودره وثلث الكوب زيت زيتون وعجنتها بمويه دافيه وخليتها تخمر زي كذا
يتبع
الحين حطي ثلاث ارباع العجينه وافرديها في الصينيه
ونحط الحشوه الي جهزناها عليها
ونمدها ونترك مسافه بسيطه على الحواف
بعد كذا نا خذ الباقي من العجين ونقطعه على شكل شرايط ونحطها عليها ونظغط على الحواف
وندهنا بالبن السايل ونرش شوية حبه بركه على راحتك بس للفايده احطها
ادخلها الفرن تحمر من الجهتين
هنا قطعه شوفوا شكلها مرتب
وهنا من الجنب
صوره اخرى