بنات الله يعافيكن مر اسبوع على مشترياتي من زارا و ابغى ابدل قطعه ماتدرون يوافقون ولا لأ لانه مكتوب على الفاتوره ثلاثة ايام ..من اللي حاولت وجربت و وافقوا يبدلون لها
وبعد با سألكم عن خريص مول هل فيه محل شوارينا ..ياليتكم تردون علي ..وبعد متى يفتح زارا الصباح اي ساعه

خريص مافيه شوارينا
بس فيه قريب منه مرررره على شارع خالد بن الوليد
اليوم ليندكس مسوي عرض قطعتين والثالثه مجانا صراحه روعه بالذات ملابس الاولاد التيشيرتات ب 9 و 15 و19 واغلى شي 33 ريال والنسائي بعد حلو
سنتربوينت بعد حلو وسيتي ماكس ماشفت شي كل شي مرمي عالارض
هذا فرع الرياض غاليري واتوقع كل فروع سيتي ماكس كذا

توتي
البيج الفاتح جميل مع التركواز هاينك وبنطلون

شقرديه حيل
زارا استرجاع الفلوس ٣ ايام أما الاستبدال ٧ ايام ..
فـ يمديك ان شاء الله تبدلين :)

مخمليه تسلمين يالشيخه الله يوفقك ويرزقك اللي ببالك
ام سويسه وخالد مشكوره ع الرد
طيب ماتدرون يفتحون اي وقت الصباح

شقردية
واياك ياعمري ..
ماعندي والله علم أكيد متى يفتح ، لكن اتوقع ع الساعة ٩ أو ١٠ ..
مره رحت له الصباح لكن والله مو متذكرة هل هو وسط الأسبوع أو آخره ..

ام سويسه
ياقلبي أنا رحت سيتي ماكس فرع طريق الملك عبدالعزيز ( توه فاتح ) وكان مره مرتب ماشاء الله أبداً ما شفت أشياء ع الأرض يفتح النفس صراحه ، مادري يمكن لأني رايحة الصباح صار كذا :)