جديد موضُوعي ؛ برسل بنتهم ✋🏻

مساء الخير ياجميلات ،
مبطيه عنكم وحشتوني 😭♥️ ..
ابو بنتي كلم ابوي قبل اسبوعين تقريباً وقال برجع روان ومدري ايش قال ابوي بكيفكم وجاني ابوي يقول فكي البلوك عن فلان بالواتس بيكلمك .
فكيته وعلى كلامه انه بيرجعني ومدري ايش ، قلت تمام عادي ( انا كل همي بنتي ) .. وكنت من داخلي ما ابيه لكن قلت يمكن ارجع احبه مع الوقت ..
عموماً صار بعد اسبوع قال انا قلت لامي اني برجعك وامي رفضت وقلت له ليش ترفض ؟
قال مدري ومن هالكلام وامس قال حلفت علي يمين ما ارجعك .. قلت بقلبي ماعليه خييره يابنت الحلال ذا دلوع ماما سمع كلامها شتبين فيه رجال طول بعرض وماعنده شخصيه ومايعرف يوزن بين بنته وبيته وزوجته وبين امه .. قلت له (حسبي الله ونعم الوكيل الله لا يحللك لا انت ولا امك والله يقتص لي منكم بأغلى ماعندكم ) ..


وبداية المُشكلة قبل شهرين ونص لما كلمت امي وقلت لها فلان بيطلقني قالت حطي بنتك عند امه خليه يتحمل مسوؤلية اختياراته وحنا ارسلناك مامعك بزارين خليه ياخذ بزرانه معه .. وقلت له خذ البنت وقال من يقابلها امي كبيره بالسن وخواتي كل وحده لاهيه في بزرانها ومن هالكلام ومحد بيحبها وبيحن عليها كثرك .. الجمني بكلامه ،.
عموماً بعد اللي صار امس .. والله بعد استشاره ٧ نساء من بينهم امي طبعاً وبعضهم منفصلات .. اقترحوا علي ارسل بنتي ل اهلها وبالبداية رفضت وبديت اتنافض وجتني البكيه 😭.. وقلت لامي ابيها لين قالت لي الوي ذراعهم وخلي العجوز اللي سعت بكل شيء تتكفل فيها وتربيها .. هم وش يحسبونك يوم يتحكمون بزوجك ويحلفون عليه بعد ويبونك تربين لهم بنتهم اللي اصلا مستقبلاً بياخذونها منك! طال الزمن ولا قصر ابوها اذا اعرس بياخذها بس بتجيه على طبق من ذهب لا شقا فيها بصغرها ولا شيء اكلف ماعليه يرسلك مصروف وانتي تراكضين فيها بالمستشفيات والصيدليات وغيره ..
هذا كلام امي ، ^

وكلمت ٢ منفصلات
وقالو قسم بالله وديها دامها صغيره البنت اولاً مالها الا اهلها ثانياً ترا محد بيشقى غيرك انتي لاتسوقين ولا معك شهاده تتوظفين وتطقين لك سيارك وتعزين عمرك .. اذا بتتعب بنتك مالك الا اوبر وطقتها .. والله رجالنا اكلف ماعليهم يرسلون المصروف وحنا اللي شقينا وربينا وسهرنا وهم طال عمرهم مبسوطين لا شقا ولا هم يدرون اننا بنخاف على عيالنا ، وحنا خلصت اعمارنا وحنا نراكض بهم لا زواج ولا دراسه وكل وحده كانت تلوم نفسها ليه اخذتهم وربيتهم ونسيت نفسي ..
وكلنا نعرف ثمرة التربيه وانها بتطلع لنا ناس صاحين ان شاء الله لكن المسوؤليه فوق انها تتحملها بنت بالكامل من شراء حليب وحفايظ الى المستشفى الى ابسط الاشياء يعني .. وبالاخير اهلهم بياخذون ولدهم بس ينتظرونه يكبر وفعلاً الثنتين اللي كلمتهم وحده اهلها اخذوها لما تزوجت والثانيه لا باقي بس عيالها كبروا ومايبون يعيشيون عند ابوهم متعودين عليها ..
وانا اقول لابوي اذا ماجاء اخذ بنته هالاسبوع نروح انا وياك لمحافظتهم ونعطيهم اياها .. انا قلبي معورني قسم بايات الله محد يتخيل الم قللبي بس العجوز اللي سعت في خراب بيتي للمره الثانيه بخليها تتحمل مسوؤلية البنت عشان تتعلم كيف تعاون على خراب البيوت ..


رايكم ياجميلات ؟
اعتبروني اختكم الصغيره واتمنى تنصحوني من قلبكم والمنفصلات وش سويتوا ؟ ..
والله شيء فوق طاقتي لكن لاااازم اسويه لان لو تزوج ابوها بياخذها ف كذا ولا كذا رايحه رايحه من عندي