و الله شور الاخت حره على كف صقار عجبني

رأيها و اسلوبها اشوف انك تراجعينهم و ربي يكتب لك الخير والصالح

العيال ما يرضون لامهم الاهانه و كسرة النفس والتعاسه
حتى لو كان علشان مصلحتهم

فهميهم و هم بيستوعبون

السلام عليكم ورحمة الله وبركاته

أختي رعاك الله ووفقك المرأه مالها إلا بيت زوجها فما بالك لك أطفال ومطلقه من رجل ثاني إلا اذا كان سي بمعنى الكلمة.

وانتي قارني بين وضعك الان ووضعك مع زوجك قبل طلاقكم .

البشر روضوا اسوووووود فما بالك بأزواجنا مهما كانت طبيعته نستطيع ان نستحوذ عليه بفكرنا وتحملنا وصبرنا من الواجب ان نتماشى مع افكاره إذا كانت فيما يرضي الله وذا اردتي تغيير شي بصفاته بالكلمه الطيبه والعناق والطلب الودود وليس بالصراخ لنه لو كان على خطاء راح يكابر لكي يحس بشموخه وهو قائد الاسره بفرض رأية .


كوني له أمه يكون لك عبد .عمرك لاتفكرين بالسيطره الا بالطيب والمعامله الحسنه .

اختي انتي تعرفين اسلوبه وتفكيره وكيف يكوون تفكيره بعد رجوعك.

أكثر أسباب الطلاق للأسف .

ماوداني للسوق بخيل اختاه الحق الشرعي يكسيك صيفا وشتاء ومسكن وغذاء فما زاد فكثر خيره لو ننظر لها من الحق الشرعي أكثر النساء فوق الحق الشرعي وزياده لكن للاسف الكثيرات ينظرن لفلانه وفلانه من راقب الناس عاش هما ثم مات هما اختاه لا تنظرين لغيرك وراح تكوني اسعد زوجة . فما بالك لو كانت الماليه وسط وعنده التزامات اخرى مثل ام اخت اخ يصرف عليهم لازم ناخذها بعين الاعتبار. وذا طلبتي السوق ورفض قولي اللي تشوفه يابو فلان وتعالي له بوقت ثاني وعناق وأطلبيه ولا تكثرين الطلبات وياحبذا ما تكون شهريه إلا للحاجة لانه راح يقدر اما الكماليات اسمها كماليات .

من وجهة نظري ريال من زوجي بنفس حلوه ولا الف من أهلي .


مايدويني لأهلي متى ما حبيت : متى ماحبيتي صح ولكن لازم تنظرين لظروفه ووقته ولا تلحين واذا رفض دائما اللي تشوفه
ونصيحة لا تكثرين المسيار لهم لانه راح يحس انهم مشاركينه بزوجته .

للمعلوميه رأي الزوج مقدم على رأي الاب فما بالك بالاشياء الاخرى .


لا ترفعين صوتك على زوجك .


السماع لامك ولأختك او صديقتك افعلي كذا وكذا وماعليك وخليك قوويه لا لا . اول شي اخطيتي بالتكلم عن اسرار بيتكم
واغتبتي زوجك فيه كذا وكذا .


مشاكلكم خليها بيينكم لانه اليوم بينكم سوء تفاهم وبكره متصافين لكن عند اهلك من يمحي الفكره السوده عن زوجك
وممكن امك او اختك تعايرك بأخطاءك وأخطاء زوجك. او انتي راح تكابرين شوفي اختك قوويه كيف سويت فيه.
اسراركم بينكم الا اذا تطور الوضع ولازم من تدخل شوفي اللي تحسين فيه رجاحة عقل وخليه يتدخل واحد وليس العائله كلها والصديقات.


مشاكلك مع اهله حاولي بقدر ماتستطيعين ان لا تدخلينه بامورك معهم وحاولي انك تحلينها معهم بالطيب وعدم المكابره والعناد واطلبي فيها الاجر.

لاتقارنين بينه وبين اي شخص اخر لان هذا الشي يوتره.


وبالنسبة لرجعتك المهر حق شرعي لك ولكن يوجد ناس زوجوا بناتهم بريال .
وصديقتي مهرها عشرة الاف ريال وهي معلمة.


وكما قلتي بيتك لوحدك سواء دور ارضي او علوي او شقه وهنا استوفى المسكن ولا تبعديه لانه راح يكون قريب لبيتك
وبيته الثاني وهذا يساعد على سعادة زوجك والسعاده سوف تعود عكسيه وتسعدك انتي وابناءك.


وبالنسبة لرجعتك لك المقارنه بين.

1. وضعك الحالي مع اهلك ونظراتهم لك ونظرات زوجات أخوانك.
2. مع زوجك وأبناءك .


واذا حصل تضارب بالافكار عندك نصيحه كلمي كذا شيخ في حل المشاكل الاسرية وراح ينورك بأذن الله دين وعلم نفسي.

وبأمكان كشرح له طبيعة زوجك وأسلوبه راح يعطيك الحلول بأذن الله


ولاتنسي صلاة الاستخاره والاستغفار .

وفقكم الله


اختك نوووف الشرقية

الله يجزاكم خير خواتي


هو كان موافق على كل شي وبس وافقت وتكلمت معه فالتفاصيل غير رااايه لما عرف اني وافقت عشان عيالي
وبدى يغير في شروووطي
الظاهر حس انه مسكني من ايدي الي توجعني اللي هم عيالي ومتحسف يخسر نفسه شي

الى الان هو متمسك بكلامه ويقول ان راح اغير اثاث ووراه مصارف مايقدر يدفع مهر كبير بالكثير 5000 الاف ريال وانه قبل كان دافع لي 80000 مهري الاول

وماخذ وحده من قريباته قدوه له ان زوجها رجعها ب500 ريال عن الحلال والحرام الظاهر

وهو بطبعه يحب العناد ومايحب احد يمشي كلامه عليه

المشكله الاساسيه العيال هم اللي مخليني افكر فالمواضوع والتنازلات ولولاهم مافكرت اساسا في الرجعه تعبت من التفكير واستخرت كثير ومدري وش اسوي

انتي راجعه عشان عيالك مو عشانه توكل على الله ولا تفكرين الا بعيالك محد نافعههم الا انتي الله يهون عليك حياتي

الله يعينك يااختي اناحاسة فيك بس لا تتنازلين عن شروطك اذاهو معذبك وانتي زوجه وحدة كيف الحين وهومتزوج الله ييسرلك الي فيه الخير ياررررررررررررب.