اخاف اقولك كلام يطلع كلامي مو صواب واكسب إثم

الله يكون في عونك ويفرج همومك ويفرحك بأولادك ويسعدك في دنياكي واخرتكي

انفصل النت وانقهرت لاني مارديت عليتس بنصيحه
شوفي يالغاليه بقول لتس كلام من قلب اخت لتس


اذا ودتس ترجعين ارجعي وخففي من الشروط ........ بس عشان عيالتس ........وان رجعتي ببيت لحالتس وبكرامتس ....ادبيه
وخليه يتمنى رضاتس ويتمنى يكلمتس كلمه ويتمنى يسمع صوتس خليه يجري وراى رضاتس جري
اي ارجعي بشرع الله وعلشان خاطر الاطفال ولاتبينين لهم شي ابد

انا مااقول لتس صيري جافه او تهاوشي معه لا لا لا بس البسي واكشخي وتعطري وعيشي حياتس عاديه اطبخي بس هو لاتكلمينه وان كلمك ردي عليه واسكتي خليه بس يتمنى يكلمتس ترى الرجال يحب يجري وراء المره بس مايحب المره تجري وراه

اشتري احلى لبس واحلى عطور علشان ينبهر
طبعا ارجعي ببيت لحالتس وتمسكي بهالشرط
لكن قولي له وربي اني رجعت بس علشان اربي عيالي مب علشانك
واحفطي كرامتس خليه هو الي يتمنى رضاتس ويجري وراتس مب انتي

يعني استخدمي كيد الحريم ومكرهن وخصوصا انه يحبتس ويموت عليتس


او الحل الثاني وهو

ابوتس او اخوتس يملي عليه الشروط الي انتي تبينها لان مايربي الرجال الا الرجال واذا هو شاريتس بيوافق غصب .

انا اتمنى ترجعين وتحضنين اطفالتس لانهم هم الي بحاجتس والا الرجال لازم تاديبه بشروط تعجيزيه تهد حيله بس وربي علشان الاطفال كل شي يهون

عسى الله يجمع شملتس بعيالتس ويقر عينتس فيهم بحظنتس

لاتنسين طمنينا اذا ربي وفق ورجعتيلهم










اي صح نسيت اقولتس ترى لازم زواج من جديد وعقد ومهر من جديد هذا شرع الله علشان الرجال يتادب

والله شوفي دامك عند اهلك تشوفين الويل يعني زوجك بيكون اريح حتى لو مهوب كويس مرة بقولك جلستك عند اهلك مالك فيها مكسب
ورجعتك لزوجك حتى لو مانفذ كل شروطك فيها مكاسب واجد اولها تلمين عيالك مع ابوهم وثانيا تفتكين من تسلط اهلك وتاخذين حرية شوي ثالثا بيكون لك دور لحالك شوي شوي يكبرون عيالك ويصير واحد فيهم يسوق ويمكن يطلعك زوجك ببيت لحالك
بس دامك عند اهلك وضعك مهوب متطور ابد

الله يهديه كيف يبغى تعيشون اسرة سعيدة وهو يبغاكي تعيشين في نفس البيت
حتى لو دور لك ودور له اسمه بيت واحد

والله ان قلبي علييييك ياعمري يااارب يفرجلك من كل ضيق فررررج اي احس بمعاناتك بس احس انك لو رجعتي ربي افضل لعيالك لانه مو واحد اكثر ربي يخليك لهم وبي من كلامه عنك انه لك معزززه خاااصه وفي قلبه حب لك حييل وانتي ادعي ليل ونهار انه يوجهلك الخير لانه يحبكارجعي بس فهميه انك رجعتي عشان عيالك وانهم بحاجتك حيل وان شاااء الله ربي يسعدك ويخرجك من اللي انتي فييه يارب