كل عام وانتم بخير
بمناسبه عيد الاضحي المبارك
بقدم اليوم فطارنا بعد صلاه العيد
الفتة المصريه اللذيذه علي طريقتي
المكونات
انا مش هقول مقادير محدده
ضعي المقادير اللي تناسب عدد أسرتك
لحمه مسلوقه في مياه مغليه مع قرتفل وحبهان وورق لورا ومستكه
ارز ابيض مستوي
عيش مقطع نضع عليه سمنه فلاحي بسيط وزيت ونحمصه في الفرن بيبقي خفيف وصحي عن قليه في زيت علي عين البوتاجاز
ثوميه عباره عن(ثوم مفروم,زيت ,وخل) نضع الثوم مع الزيت علي النار حتي يشقر لونه ثم نهدئ النار ونضع الخل
صلصه ثوم عباره عن(ثوم , عصيرطماطم , سمنه وزيت ,ملح ,كمون,فلفل,شطه) نضع الثوم مع السمنه والزيت حتي يصبح لونه ذهبي ثم نضيف الطماطم والتوابل
***الطريقه***
الطريقه واحده بالنسبه لميني فته و فته حجم عائلي
بس هتشوفوا الاختلاف في طريقه التقديم
ان شاء الله تنال اعجابكم
اولا *ميني فتة*
بصراحه فكرتها جت وانا بحضر مكونات الفته
وقولت والله فكره حلوه هنفذها
والحمد لله عجبتهم** كبار** و*صغار*
انا عملتها في قوالب مدوره
وعملت كل واحده من طبقتين
حطيت عيش محمص ثم ملعقه ثوميه ثم شوربه اللحمه ثم ارز ابيض ثم صلصه ثوميه ودا شكل اول طبقه
عملت بنفس الطريقه طبقه تانيه فوق الاولي
شوفوا شكلها روووووووعه
ودا شكل الطبق النهائي
ثانيا ** فته حجم عائلي**
نضع علي العيش المحمص الثوميه (بفكركم عباره عن ثوم مفروم ,زيت,خل) وبعدين شوربه اللحمه
وبعد كده الارز الابيض
وبعد الارز نضع صلصه الثوم
شوفوا ما أحلاها
وبعد كدا حطيت اللحمه في وسط الصينيه وقدمتها فورااااااااا
مره تانيه كل عام وانتم بخير
اتمني لكن عيد مبارك وسعيد
في رعايه الله
شكلها يشهي فعلا
بالعافيه عليكم
وكل عام وانت بخير
:26: