جدي يموت في جدتي 50 سنه .. تدرون وش السبب

هلا بنات

يا حليل جدتي ... هي وجدي يا حبني لهم 50 سنه زواج وهم :39: سمن على عسل
وتعالوا شوفوهم اذا قعدوا يتقهون الضحى هات يا سواليف وضحك والا اذا جو يتذكرون الماضي وكل واحد يمزح مع الثاني ويتمسخر عليه هههههههه

وجدي الى اليوم يقول لنا جدتكم ليلة دخلتنا طول الوقت :icon33: قلت لها وش بلاك قالت نسيت رقيه في بيت اهلي ( رقيه هذي عروسه مخيطتها ام جدتي لها هههههه ) مسيكينه جدتي يوم تعرس بزررررر يمكن عمرها 14 مدري 15

المهم انا طولت القصه وهي قصيره

مره سألت جدي وانا وياه في خلوه قلت له : يا جدي انتم لكم 50 سنه متزوجين ولا تزوجت على جدتي ولا فكرت في غيرها .. مع ان الله كان مغنيك في شبابك وش السبب ؟؟

تحسبونه قال لأنها تصبغ شعرها كل يوم لون
والا تلبس لي لانجيري
والا تحط كريمات بنكهات
والا ترقص لي
والا ... والا ...

اابد ما قال شي من هذا ... قال طول عمرها

لسانها حلو معي


وبعد ما قالها لي صرت كل ما شفت رجال يقرب لي أسأله وكلهم يقولون المظهر مهم والنظافه مهمه والدلع زين بسسسسسس مافيه شي يضاهي اللسان الطيب

بس حبيت اعلمكم ...

ّّّ== علمي روحك يا ام لسانين :D