السلام عليكم

هلا بالاخت جذابه وانشاءالله ياعمري يتم على طول شعرك مثل ماتبين واحسن . وحلو من كل بنت

بالمنتدى انها تكتب عن اللي تعرفه وبأمانه الايجابيات والسلبيات واختي كانت تستخدمه بعد السشوار

مسحه بسيطه على شعرها وتقريبا بالاسبوع مرتين وبصراحه انا مجربته بدون سشوار بس

ماكملت لانه يخلي الشعر نااااااعم لدرجة ان الملفع( الطرحه) ماتثبت على الراس .

عفوا لاأدري لماذا تذكر لي هذه الاية الكريمة دائما وزاد عليها مايليها هل حدث وأن كتبت شىء يغضب الله أو غير صحيح أفيدوني جزاكم الله

لاأتذكر أني كتبت غير مرة عن حديث للرسول عليه أفضل السلام وهو حديث صحيح
عن أبي هريرة رضي الله عنه عن النبي صلى الله عليه وسلم قال :
"لو كنت آمرا أحد أن يسجد لأمرت المرأة أن تسجد لزوجها "رواه الترمذي وقال حديث حسن صحيح



عفوا عزيزاتي دخلت واشتركت في هذا الموضوع خطأ سمحوني وكان المقصود بالرسالة لادارة الموقع .

يا حلوه يا قشنكي واسمك لازم تعلمينا وش معناه؟؟
المهم اذا كانت اختك تستخدم السيروم فطريقتها خاطئه.. لانه هو لازم يوضع على شعر مبلل تماماَ وبعدين اما تستشورينه او تخليه ينشف طبيعي مثل ما انتي تسوين..
وانا والله ما ابالغ اذا اقول كان شعري حريييييييير.. بس هذا يوم انا عند اهلي مدلعيني الله يطول بعمرهم.. وعقب زواجي انعدم شعري من النفسيه الله لا يوريكم.. المهم اني الان مستمره على المحلب والحلبه مع الزيت والحناء وانا وعدت البنات اعلمهم اول باول اذا نفعت طريقتي..


مسلمه2002 حياك الله يا اختي.. بس ما فهمنا عليك؟؟

السلام عليكم

هلا والله بالاخت الجذابه/ جذابه ثقي تماما اني اقرأ الايه المكتوبه فوق دايم عند كتابة اي رد وانا

من فتره طويله اشوف المنتدى ومافكرت اشارك فيه الا بعد ماحسيت انه في مواضيع تستحق التعليق

عليها ويمكن لاحظت اني لحد الان ماكتبت مواضيع خاصه باسمي اكثر كتاباتي مجرد تعليق بسيط

على بعض المواضيع اللي احس اني اقدراقدم شي مفيد فيها لاني اذا بكتب اي موضوع لازم يكون

مفيد وعن تجربه قريبه مني او من ناس ثقه ماعترف بوكالة يقولون الا حق الضحك والمزح بس

وشكرا على توضيحك طريقة استخدام السيروم الصحيحه مع اني ماخذه الطريقه من خبيرة تجميل

ومن كوافيره ايرانيه عاشت فتره طويله بكندا وكانت تجيب بضاعة من هناك ويمكن رد الفعل يختلف

من شخص لاخر مثل مايقولون بالنسبه للمستحضرات يمكن تستغربين لو اقولك ان كمادات البابونج

اللي احبه وفوايده كثيره تخلي وجهي كني داشه مصارعه او ملاكمه بقع زرقا وبنفسجيه تصلح

للتمثيل وحاولي تعودين نفسك على تبسيط المشاكل وان الدنيا ماتسوى لحظة زعل عشان مايتأثر

شعرك ولابشرتك لان الضغوط النفسيه( stress) تعدم الشعر وتسوي بلاوي بالجسم واسمي

سألتني عنه وحده من الاخوات وجاوبت وعلشان عيونك الحلوه اهي كلمه فارسيه معناها حلوه


وانشاءالله ماصدعت راسك بسوالفي ياعمري.:24: :24: :24:

لا يا عسل يا قشنكي ما صدعتي راسي ولا شي.. الساعه المباركه يوم اقرا ردودك..
بالنسبه للي قالت لكم عن طريقته مع احترامي لها ولخبرتها الا انها غير صحيحه والدليل ان طريقته مكتوبه عليه وهم يحذروووون وبشده من وضعه على شعر ناشف او حتى مبلل قليلا.. لازم يكون نعصور باليد فقط..
اما بالنسبه للسترس فخليها على الله سبحانه اللي ما يضيع من توكل عليه..
وهاذي عربون محبه لك يا خيلي قشنكي:26: