انا والده قبل رمضان بمستشفى الحبيب واخذت ابره الظهر




جيتهم والرحم فاتح اربعه سانتي واخذت الابره

من تجربتي لها حسنات وسلبيات لاكن لو كتب الله وولدت ثانيه اتوقع راح اطلبها

سلبياتها تعبت من السدحه على السرير لاني طولت ماولدت بعد الولاده باسبوع جاني الم برقبتي فضيع مااقدر التفت راجعتهم قالو من البنج متركز بالمنطقه اشربي ماء كثير ويروح وفعلن خف بالتريج مع شرب الماء

الجرعه الي عطوني ماخففت الالم نهائي احس بالطلوق قريب من الدوره وطلبت تزويدها ورفضو قالو لي تحملي الوجع احسن من البنج الكثير لاكن الالم الفضيع الي ينسيك اسمك ماحسيت فيه الا قريب الدفع لانهم قللو الجرعه مره حتى اعرف ادفع والحمدلله اربع دفعات وولدت وجاني شد عضلي بين اعلى الفخذ واخر البطن صارخت من شد الوجع ابي احد يضعط على المنطقه قيل لي انه من الابره

جاني غازات ببطني تتجمع كانها حجر انا خفت وش هذا قالي الدكتور من البنج لاكن تروح تجلس ثلاث اربع ايام بس لو اخذتيها وجت لك ماتوسوسين نفسي








حسناتها حلوه ماتحسين بالوجع الفضيع

مايتاثر ويتمزق المهبل لان مافي احسس بالدفع قبل يفتح كامل نفس لو مااخذتيها تحاولي تدفعي حتى تخففي الوجع

ماحسيت بالخياطه نهائي

جاني احساس جميل بعد الولاده ونعاس ولافيه احساس بالخيوط اذا تقلبت نفس ولاداتي السابقه

يكونون مركبين لك قسدره ولا يفكوها الا بعد ثمان ساعات لانه ممنوع تمشين حتى يفك البنج نهائي يجون هم يغيرون الفوطه ويلبسوك كلت

نفس وحده اعرفها
هي ما تخليك تحسين
بس وقت الدفع لازم تحسين بالالم عشان تدفعين
ولا يشفطون لك
احيانا الشفط يجي من وراه شق اكبر العجان و ممكن الرحم يضعف و يسبب لك إجهاضات او نزيف
تناقشي مع دكتورتك عشان ما تزيد لك الجرعة و تتخدر المنطقة
طبعا كلامي مرعب !! لكن جد تعرفين قصص الناس ولا تشوفينها في نفسك
و باذن الله تلقين الدكتور الفاهم اللي يساعدك

الله يطمن قلبك

اخدتها قبل شهرين ونص بالاطباء المتحدون طبعا ماكنت مخططة اخدها بس تعبت من الطلق وقلة النوم
اول شي ماتحسي بالطلق نهائي انا اخدتها ونمت نووووم لاني كنت ميتة تعب وكنت بس على ظهري ممنوع اتقلب وحسيت التخدير برجلي اليمين اخف من اليسار يعني كنت اقدر احرك اليمين وارفعها بس ما احس بالم اما اليسار صارت تقيلة وما اقدر احركها الا لو شلتها بيديني
سالت طبيب التخدير قالي طبيعي طالما ماتحسي باي الم خلاص
وقت الدفع ماحسيت بشي بس صرت احزززززززق وهما يشجعوني طولت شوية لحد طلعت بنتي والحلو انك ماتحسي لما يفكو الموية ولا بالفحص ولا الابر ولا الخياطة يعني لو تكرهي دي الالام فحترتاحي منها ****لله
بعد ولدت الحمدلله خلوني ساعتين ملاحظة وشالو التخدير تبع الابرة ولما جيت طالعة الغرفة شالو الابرة وقسطرة البول
بعدها بدات احس بالم الخياطة وخدر برجلي اليسار بس مع المسكنات الالم يصير محتمل
والم الظهر شر لابد منه اهم شي الاهتمام وانا عندي من ولادتي الاولى
حسيت انه تجارب البنات بتخنلف باختلاف المستشفى وطبيعة كل جسم انصحك بالاستخارة

ماتحسي بشي ابد راحه تجنن زوجي كان معي طلع يقولي امر الولاده سهل اجل😹
واحلى شي تمسكي طفلك وتحضنيه وانتي رايقه مو تعبانه وهلكانه
اذا فتح الرحم اكثر من5 ماتعطيك خلاص
والحين باخذها كمان ان شاءالله