جربتي القرمز ؟؟طيب تفضلي ....

لومه حجر اخضر
وينخلط مع الحنا والزبادي
وجربته ثلاث مرات وصبغ بالشعر شوي بالمره
لكن
صبغ بالمنشفه وبملابسي وبدوره المياه وباديني مع اني لابسه قلفز
وبهذلني رغم حرصي الشديد وكل ما اتحمم يطلع بالمنشفه وبالحمام وبيديني
وبعد اسبوع راااااااح
بصراحا مايستاهل العنوه
حبيت افيدك بتجربتي

ثااااااااانكس الله يعطيكم العافيه

اذا كان اخضر وحطيتيه مع مويه ولا شي وطلع كحلي نصيحه لاتستخدمينه اذا طلع غجري اوكي

غلا تعالي لا تروحين

اسمعي سالفتي معاه

سمعت وحده تقول ان مغربيه تصبغ للعالم بــ 1500 ريال صبغه حمرا وطبيعيه

المهم تحصلنا على انه القرمز

واروح للعطار طبعا سمعت من المنتدى انه ينحط بعلبة زبادي

هو فعلا مثل ما تفضلتي حجر ولونه اخضر معدني يجنننن اللون هذا بصراحه

المهم اخذت علبه حديد بــ 25 ريال يعني حق عشر سنوات قدام دافعه 1000 ريال عند سواريه عشان تخصله عنابي

المهم رحت للبيت وهاتك يا طحن بيد النجر وخلطته وسويته انا شعري كان فيه خصل بيج فاتحه طلع عليها اللون رووووووعه خيال خيال خيال مو عنابي ولا على لون الكرز ما ادري وشو بس من جد روووعه لكن

ولكن


ولكن


اللي مو روعه الحوسه اللي حستها في البيت جسمي طبع روجولي دورة المياه وانتي بكرامه البانيو بعدين ما يروح الا بكلوركس

غير كذا ملابسك والمنشفه حوووووووووووووووووووووووووووسته وش كثرها


شافوه اهلي علي انهبلو واعبجهم رغم اني حذرتهم من الحوسه اللي تروشت بالحوش باللي حق الزرع وجلس الحوش اسبوع عنابي هههههههههه

في وحده كبيره في السن حطته مع حنا والله ولا شي ولا سوالها اي لون او اثر فيها رغم ان راسها شيب

فانتي حطيه مع علبة زبادي بس وش نصيحتي شفتي المشاغل اشلون اول شي جيبي سفره واربطي رقبتك فيها ثاني شي جيبي قفازات ثالث شي افردي الارض كلها سفره رابع شي لا تتروشين وهو عليك ابد سوي مثل المشغل خلي احد يغسله بالمغسله لك وانتي بس حطي راسك من ورا يعني مو تدخلين وجهك الا وجهك احمر لا خليه من ورا اغسليه زين زين واعصريه زين زين قبل ما تحطين المنشفه وبعدين يا طويلة العمر طول الشهر هذاك خليك مثلي لبس ما طلع عن اللون الاحمر بكل درجاته لانك لو لبستي ابيض راح عليك ولو غيرتي اللون قالو وش ذا الوصخه احسن شي خليك على درجات الاحمر والعنابي ولو تسوينه بالصيف احسن عشان تلبسين بدي وتريحين نفسك بس الشتا صعبه الا ما تلبسي ياقه طويله وينحاس عليك اللبس


فيه وحده تقول عشان يطلع حلووو تجيب المشقر كنت وتسوي مثل الخصل في مقدمة الشعر وبين الشعر وبعدين تحط على راسها القرمز وتقول لها سنين معاه وزابط معاها


بس عني انا والله اني اهديت العلبه قلت بلاش منه بصراحه غثى


وغير كذا العطار يقولي ان الاولين الحريم كانو باخذون القرمز ويحطونه مع الكحل فيصير الشدو الدخاني اللي هبينا فيه من فتره طلعو يعرفونه يصير دخاني على عنابي

وحنا يا حظي تونا نعرف الدخاني والمخاني هههههههههههههه


يالله لك حرية الاختيار بس من جد ما يستاهل العنوه عليك بصبغه وربك يسهل

هلا بك
انا اغليه مع الماء
قرمز كبر حبة الهيل واطبخه بالمويه ومن ثم اعجنه بالحناء واحط علبة زبادي وعسل على كثر وطول شعرك تقدرين تحطين اللي تبين
واحط بعد ملعقتين سدر مع الخلطه اخليه شوي واستخدمه للشعر ومن ثم اتركه ان تحنيت مدة اربع او ست ساعات ومن بعدها اغسله وعادي اللون خيال والله والكل يسألني عن لون شعري

ان شاءالله تستفيدين
تحية ورد