DAINH 2007
اللي ماعجبها كيفها

lavande
تسلمين على الدعوة الحلوة

رؤى الأصيل
فوف
احلى شمرية
البدويه
الرساوية
SIMPLICITY
طموحه بزياده
خوية أمها
من بنات الريح
عبرة الايام
شوكولاته جالكسي
ام البنيه المزيونه
مشكورات وتسلمون على المرور

شيوخ العز
ياليت تفيدينا على العام عشان الكل يستفيد ومشكورة

ابغى انبسط
شكلك لك من اسمك نصيب تحبين الفرفشة أفكارك حلوة

ام بسمله
شذى الدوسي
نهر الوجود
تسلمون على المرور

سوسو-2
مشكورة وكل وحدة أدرى برغبة زوجها وأصابع ايدك ماهي زي سوا

أم الركني
%~ ورد جوري ~%
المعتزة بحجابها
بنت الامارات المتحده
دمعة سفر
خليصية
ستيلا
مخلصه لزوجها
][
مشكورات على المرور

فكره كتير كووول بس اعرف زوجي ما يعجبه العجب. بس اعجبتني بجربها.

.

.

ماادري ليه يوم قريت ردود البنـــــات تذكرت قصيدة طلال السعيد حنــا بدو ..

يسلمـــو اختي وفعلاً الواحد بحاجة لتغيير الروتين والحـلو بهاليلة الضحك اللي بتضحكونه

على بعض وانتـــم تتبيدوون حتى لو كنتوا بدو بالاصل بس خبرك كلامنا هالحين

ماهوب مثل كلام جدانــّـــا ..

بالعكس والله حلــوة ..

مو لازم اليله تكون اغراء في اغراء عشــــان تنبسطون بالعكس حلو الواحد يغير

وبالعكس كثيير ناس تشوف شكل المرأة بالجلابيه مغـــري !!

خصوصاً لو كانت مخصرة وحلوة وشيــك ..

وحطي لك ذيك الكحلة السودا اللي كنها سواد الليل وانتي ادرى بعينك وش يصلحلها

وروج حلووو عليك وقضينـــــا .. تبين تبرقعي واذا ماتبين خليها بس خمس دقايق ..

وافصخيه .. خلي شعرك مفتوح وحبذا لو كان ناااعم بيعطي جو عشان يقدر

رجلك المبجــــل يشعر فيــــك ..

البسي خلخال بصوت برجلك وانتي تمشين ارفعي خل يبين ==> يقالكم بسوي لكم حركة ..

ولو عندكم حوش والله بتنبسطون اكثر تفرشين ذيك السجادة

وتحطين مسندين ولا اربع ..

وتجيبين المنقل وتشبين ضوّو وتحطين فوقه الدلة وجنبه التمـــر ..

وانتي وذوقك في الترتيب

وعشان ماتتعبين واذا ماتعرفين تطبخين شعبي ..

اطلبيلك من القرية الشعبية ولا ماضينـــا

هريس ولا مطازيز ولا جريش وضبطي الوضع ورتبيه والله تطلع وناااسه ..

ولو عندك سيف والا اشياء تراثية اكسسوارات حطيهـــا بعد ..

حطي المبخر وبخري المكان ==> ادري انه حوش بس مشوها

وحطي جنبك مرش فيه ماي ورد والخرابيط ذيك اللي بعد العشا ==> مالها في هالاشياء

تقدرون تلعبون لعبة اخر حرف اللي هي تقولين بيت شعر واخر حرف من

البيت يبدا هو فيه بيت شعر ثاني وهكذا ..

والله فيه كثير افكـــــار بس تعتمد على الذوق والا بتكون ليلة والله حلوووة ..

ليه لازم عشان نسوي ليله رومانسيه لازم يكون العشا عالطاولة وشموع ولبسك مغري ..

احس ملينــا ورجالنا من هالشي الواحد وده يغير ويكسر الروتين ..

عجبتني الليلة مره مره .. يوم فكرت فيهـــا ..

مو كليلة رومانسية قد ماهي ترفيه وتغييير وضحك ووساعة صدر ..

يسلمــو ولاهنتي وسامحيني عالقطة بس مدري اول مره اتحمس ارد على موضوع زي كذا ..

ودام اني تذكرت قصيدة طلال السعيد بحطها لكـــم ..

قالت بدو....
صدت وقالتها بقرف....بنت الاكابر والترف ..
متكبرة متعاليه...! ....يعني بدوي يقعد طرف ..
قالت بدو ..
والمعني دون المستوى.....ماكنا وياها سوى ..
حنا بنظرها من نكون..؟....ريشه يطيرها الهوى ..
بمفهومها حنا عدد.....رقم ولا أكثر بعد ..
يعني مجرد تكمله.!....ولاهي أصل البلد ..
قالت بدو ..
تعني صفر على الشمال....هذا على أحسن أحتمال ..
تصدررر حكم مااااااتلتفت....تحكم ولا تترك مجاااااال ..
قالت بدو ..
متصورتني بأستحي....وأترك مكاني وأنتحي ..
تغيرت .. تفاجئت .. تلعثمت ..
ماتدري أني أبفتخر .. لي الفخر ..
حنا بدو حنا عمى عين العدو ...
حنا البداوة وضعنا .. وأهل الوفاء هم ربعنا ..
حنا نتفاخر بأصلنا .. يابنت هذا طبعنااا ..
ماهي بداوة تلفزيون ... ولا مسلسل أردني ..
بس بدوي بالميكرفون ... ولا هد سيفه ينثني ..
حنا بدو بيت السدو ..
حنا البدو ..
حنا بداوتنا الاصل ... بالقمة حنا مو أقل ..
حنا بداوتنا تراث ... من جيل الى جيل انتقل ..
حنا معاني سامية .. نروي السيوف الظامية ..
نرد المنايا مانهااب .. لو هي سعاير حامية ..
حنا البدو ..
حنا البدواة عيدنا .. ماناكل الا صيدنا ..
مانعيش عالة مجتمع ..نموت مانمد ايدنا ..
حنا بدو ..
حنا البداوة بدمنا ... مانسمي أحد عمنا ..
حتى ولو منهو يكون ... لو هو زعل ماهمنا ..
حنا البدو ..
حنا البداوة بعمرنا ... محد بيصبر صبرنا ..
لأنها مصنع رجاال ... نمشي وتمشي بأمرنا ..
حنا البدو ..
حنا البداوة أصلنا ... وحنا البداوة فصلنا ..
حنا بدو متماسكين ... وهذي نتيجه وصلنا ..
يابنت ياللي تضحكين ... قلتي بدو تستهزئين ..
غرك لباسك الأجنبي ... المشكلة ماتعرفيـــــن ..
إن البدو أصل العرب ... تبغين هالكلمة طرب ..
صارت نسب ..
ياآنسه .. ياعانسه .. ياضايعه ومستانسه ..
ياتارسه وجهك صبغ ... ياماليه عينك شدو ..
حنا البدو ..
ولو كان قلتيها قرف .. لنا الشرف إنا بدو ..
حنا بدو ..
حنا بداوتنا شيم .. دين وقيم ..
طيب وظفر .. معنى كبير ..
ماأضن مثلك يعرفه .. لو تدعين المعرفه ..
شي عسير ..
ماأظن مثلك ياصله .. صعبه ولا هي حاصله ..
كلمة بدو ..
يعني التمسك بالجذور ... ماهو التخلف والجهل ..
ولا بعد حب الظهور ... ولا التنكر للأهل ..
كلمة بدو ..
تعني الشيم .. فعل وكرم .. مبدأ حضارات الأمم ..
حنا القمم .. نار على راس العلم .. يشهد لنا سيف وقلم ..
وأن كان ماعندك خبر .. لنا الفخر .. لو عشنا ببيوت شعر ..
عيشة ألم .. عيشة فقر .. عيشة تعلمنا الصبر ..
مانقترض لأجل السفر ... ونحسب أيام الشهر ..
وما نقترض ونعيش واقعنا بحذر ... وبالضيق نرخص بالعمر ..
نشرب من الماي الهماج .. ونكحل نواظرنا بعجاج ..
وغسيلنا حفنة رمل .... هي الدواء وهي العلاج ..
عيشة رضا .. ماهي نكد .. مافيها تعقيد أبد ..
ساعات مافيها ذرى ... يكفي نتلحف بالنجووم ... وفراشنا رمل الثرى ..
وسراجنا نور القمر .. وننام من عقب العشاء ...
ونصحى قبل وقت الفجر .. نؤمن بالقضاء والقدر ..
ماهو كسل .. ومانعيش بلا أمل .. نملك طموح علم وأمل ..
نرعى الإبل ونرعى الغنم ..... ونعزف من الونة نغم ....
ونتابع أخبار المطر ... وندور الروض الخضر ...
ونسري ورى برق سرى ... ولا نتراجع للورى ...
نبحث عن المرعى العشيب ... ومن شعيب الى شعيب .. مانستقر ..
عنواننا كل الديار .. تجوالنا ليل ونهار ..
نعيش عيشة هادئة ... وهذي حياة البادية ..
سنة الربيع .. سنة الدهر .. ورغم الفقر ...
نخاف من قولة افاا .....ونتعب على قولة نعم ...
ونعيش عالين الهمم ... من فضل ربي مانخون .. نرعى الذمم ..
نركض ونتعب مانمل .. ماحنا مثالك لاشغل .. ولا عمل ...
ماغير بس اكل ونوووم .... ومن الشحم ضاقت عباتك والهدوم ..
ياأسمن أنواع الحريم .... ياعايشه على الرجيم ...
ياآنسه .. ياعانسه ... ياضايعه ومستانسه ....
ياتارسه وجهك صبغ ياماليه عينك شدو ...
حنا البدو ..
ياللي تقولين بدوي ... أنا بدوي ولي الفخر ... إني بدوي ...
ماأخون ماأبوق الخوي ... يبدأ نهاري بالصلاة .. وأصارع أمواج الحياة ..
ماضاقت الدنيا أبد .... ولاني من أصحاب الحسد ..
أرفع يديني لسمااء ... وأطلب من الله وأستخير ..
ماأقول يمكن ربماا ... ولا يصير وما يصير ..
محافظ على الخمس الفروض .... واضح ولا أحب الغموض ..
ولا أتلون وألتوي..لأني بدوي..متمسك بأصالتي ... ولا أغير لهجتي ..
أنا بدوي في فزعتي .. وفي قومتي .. وبقعدتي .. وفي مشيتي .. وبجلستي .. وفي كلمتي .. وبنخوتي .. حتى عقالي .. ولبستي ..
ولو قلت عني فوضوي .. ماضرني .. بالحيل يابنت بدوي ..
ويسرني .. أعرف من أنتي ومن انا ... ويكفينا نعرف بعضنا ..
أنتي مثل عمر الزهور ... ومالك عمر ومالك سنين ..
شهرين ويجيك الجفاف وتذبلين ..
وتصبح ألوانك باهته .. وأنا جذوري ثابته ..
ماخذ من الصحراء الهدوء ..
وأن كان هذا يسعدك ... حطي عل راسك يدك ...
هالمرة لا قلتي بدو ..!!

وسلامتكــــــم ..

.

.

.

تسلمين فكره خطيره الله يعطيك العافيه