جربتي تعطي طفلك هالوصفة ؟؟

بسم الله الرحمن الرحيم

أخواتي الغاليات

الأمهات الحبيبات

دخلت مرة وحدة هنا من فترة كنت بضيف موضوع

حزنت جداً :(

كل المواضيع

طفلي ما ياكل

بنتي فيها كذا وكذا

ما سألتوا نفسكم ليش أطفالنا تغيروا ؟

صار الطفل يعاني من خمول وما يشتهي الأكل !

تلقونه عصبي ويزعل بسرعة


لأننا نحن تغيرنا

قبل أمهاتنا يتركونا على راحتنا نركض نلعب نطلع طاقتنا

وتشاركنا بفرحة لعبنا

الحين كل همنا

البيت لا يتوسخ , لا تكسروا , لالالا

وجالسين على اللاب توب أو التلفزيون

والطفل

ولا همنا يسولف معنا ويعبر عن مشاعره

ما همنا نلعب معه

المهم ياكل يكبر وما يكسر

ترى الطفل مشاعره أرق من مشاعرنا

تخيلي زوجك ما يقدر مشاعرك ولا يسمع كلامك وش شعورك ؟

تخيليه يطنشك وانتي تبين تكلمينه ؟

طيب وطفلك ليش ما تهتمين تسمعينه ؟

والله إذا تحسنت نفسية الطفل يتحسن أكله وتتحسن أخلاقه

وضعت موضوع ( تربية الطفل من عمر سنتين إلى عشر سنوات ) كان التفاعل فيه قليل جداً بالنسبة لأهمية الموضوع , لأن التربية ما صارت هم عندنا !

ما أبي التفاعل لأن الموضوع لي , لكن عشان أطفالنا , عشان إسلامنا

كل ما اهتمينا بتربية الطفل وغرس القيم بداخله كل ما ارتقى شباب الجيل القادم فيعز الإسلام بإذن الله تعالى

اللي سبب فتح الموضوع هو إني دخلت بضيف موضوع جديد عن حاجة الطفل للحب

لكن شفت القسم مثل ما هو

فقلت أكتب هالكلام لعل وعسى وحدة تنتفع وينتفع أطفالها

والله يهدينا جميعاً لما فيه الخير والفلاح والصلاح