جربتي عشبة العوار..عشبة المدينة..تفضلي اطرحي تجربتك..جزاكم الله خير

السلام عليكم ورحمة الله وبركاته

اخواتي كيفكم ان شاء الله كلكم بصحة وعافيه

سمعت كثير عن عشبة العوار انها تنظف الرحم وزينه لأكياس المبايض

والله ثنتين من قريباتي وحده استخدمتها لكيس على المبيض وبفضل الله وحده نزل مع الدورة بدون أي علاج

ويوم راحت تكشف قالت لها الدكتوره الحمدلله نزل

والثانيه حملت لكن بكيس دون جنين وشربتها والحمدلله نزل الكيس بدون عملية تنظيف

المهم يااخواتي انا ودي استخدمها احس بنغزات بسيطه من عند المبيايض واخاف ان عندي اكياس وانا ماادري الله يكفيني الشر لانها قد جانتي وانا بنت قبل الزواج والحمدلله اخذت حبوب وراح

ودي تنظفني بس يعني انا الحمدلله مااحس بشي قوي بس لأني مركبه لولب وهذا الشهر ان شاء الله بشيله و ابي استخدمها بعده عشان تنظفني من التهابات اللولب

وش تنصحوني فيه ربي يجزاكم خير؟؟؟

ومن منكن استخدمها ونفعته بعد الله؟؟؟وهل لها اسباب استخدمها لها ولا أي وحده؟؟؟

اللي ماتعرف ولا عندها اي معلومه ترفع الموضوع بدعوه لقريبتي بالشفاء والله يفرج كربتها ويزيل الضر عنها برحمه منه وفضل سبحانه

والله يجزاكم خير