أختي ممكن تعطيني إسم السي دي

ومن وين شرييته ؟؟ يمكن ألاقي مثله

وبخصوص سؤالج أكيد بتلاقين فرق بالسعر لما بتخيطين بروحج والله معاج
:26:

يابنات والله العظيم أنا كنت اخيط أغراض بتجنن بس هالحكي من 8 سنين والحين صارت ظروف خالتني ما أستطيع الخياطة وإتعلمت لحالي شوفي حبيبتي فيه مجله إسمها بوردا تصدر كل شهر أنا بصراحة إتعلمت منها الخياطة لإتي كنت أخيط مالباترون فكنت أجيب الأعداد الحالية والقديمة كنت أدورها وكنت أغيربالموديل على راحتي وعلى حسب ذوقي والخياطة هواية جميلة وممتعة،،
وبخصوص البوردا لازم تتعلمين أولاً كيف تطلعين الباترون ومع الوقت طالما عندج الهواية راح تجددين وتبدعين والمجلة تصدر بالعربية وبلغة ثانية فخذي طبعاً النسخة العربية وإعرفي مقاساتج وترى هم مقاساتهم حيل كبيرة يعني يكون 42 بس يلبس 44 لإن المجلة أصلها ألماني والألمان ماشاء الله حيل طوال وعراض.

-- أما بخصوص الأخت اللي تبي تسوي دراعة أو جلابية شوفي خذي أختي أي واحدة قديمةعندج وفكي خياطتها يعني راح يصير عندج4 أجزاء 2 أكمام والوجه والظهر إفرديها وشوفي كيف شكل الأكمام بتكون وكيف تقسيمة الظهر والصدر وهذا بيكون لكي باترون مؤقت وتقديرين تقصيها على ورق جرايد وبيكون لديكي باترون بمقاسج.

-- وبخصوص الماكينة لا تخيط ويطلع لج خيط مفكوك لإن الخياطة بتكون لها 2 خيط الخيط إللي بالإبرة وخيط ثاني جاي من داخل من عند موتور ماكينة الخياطة وبالضبط من تحت الإبرة فحاولي تفتحين من تحت هذا المكان اللي تدش فيه الإبرة راح تجدين مكان فيه شغلها حديد متركب فيه شغله مثل الخاتم ينلف عليها الخيط وممكن تاخذين الماكينة وتروحين بها عند أي خياط يركب لج الخيط الداخلي ويعلمج عليها ..

---- وإذا عندكم أي سؤال أقدر أفيدكم به تفضلوا حبيباتي و إن شاء الله بيردون عليكم البنات حريفات الخياطة

ونصيحة مني خالي عندج إرادة وبالج طويل وعادي لما تخربين مرة فمرة فمرة تتعلمين وخالي أول إستخادمج يكون لخام يابس شوية مثل الأصواف والأقطان بلاش الحرير ولا الأروجنزا لإنهم يضايقون حيل عند القص

وموفقين خواتي بإذن الله ومبارك عليكم الشهر والله يعينكم على طاعته

asmo3 كل شئ فى اولة صعب لكن بالاصرار وقوة الارادة الصعب بيهون :27:وموفقة عزيزتى:42::42:

أنا بديت من أسبوع أخيط

عندي كتاب ماخذته من معرض الكتاب بالشارقه يعلم عمل الباترون (للكبار)

وقصيت الباترون وانتظر الفرصه أني أخيطه وان شاء الله خير

فعلا اختي مجلة البورد حلوه مره اختي اللي تكبرني تحب الخياطه وقالت وش رايكم هذا العيد مانودي الملابس للخياط اجيب البوردا من الجامعه ونطلع موديلا تناسب مقاساتنا قلنا ماعندنا مانع جابتها و وقبل العيد ب3أيام شفينا الباترون وقصينا وخيطنا لبسنا ومااحد مصدق انه من خياطة يدنا الله يحفظنا حتى جلست معايا التنورة إلى الان من 1416هـ إلى يومك هذا اخواتي يأخذونها ويفصلون مقاسها لانه تقريبا ثنتين من اخواتي مقاسنا واحد يعني سمول والثالثه الله يحفظها لارج اطول مننا وحده شافتها علي ماصدقت رجعت البيت انشقت على بس رجعت خيطتها لانها من عمل يدي وقماشها يخدم