جربت اجهزة ليزر للشعر ... بس هذا افضلهم

بسم الله الرحمن الرحيم
السلام عليكم ورحمة الله وبركاته

من خلال معاناتي مع أجهزة الليزر لإزالة الشعر وبعد 10 جلسات الحمد لله رب العالمين الذي شفاني وعافاني ... بس مشكلتي إني أتنقل من جهاز للثاني وما ثبت على جهاز معين والسبب... يرجع لنوع الجهاز لان فيه أجهزة تسبب تصبغات للجلد وبعضها يسبب حروق وبعضها ما له فعالية يطلع الشعر بعد أسبوعين تقريبا وما كنك سويتي ليزر كأنك شايله بالحلاوة....

ولذلك جبت لكم بعض أسماء أجهزة الليزر اللي اشتغلت عليها وخصائصها وانتم كيفكم اختاروا..
الجهاز الأول اسمه ( fotona) هو جهاز قديم شوي لكن مشكلته اليوم الثاني بعد الجلسة يطلع في وجهك بقع بنية مثل الحروق تزول بعد أسبوع من استخدام المراهم العلاجية ... وجهاز يشبه له تقريبا وهو ( alexandrea) أنا ما جربته لكن وحده اعرفها استخدمته وما مدحته
والجهاز الآخر اسمه ( TPL) وهذا الجهاز يعمل بالطاقة الحرارية وليس الليزر وما منه أي فايدة لأني يوم سويت عليه جلسة ما كملت أسبوعين لين طلع الشعر مرة ثانية بعكس الأجهزة الأخرى يطلع بعد شهر أو أكثر حسب كثافة الشعر والمصيبة انه مؤلم جدااا جدااا ... واللي تبغى تعرف في أي مركز موجود تقولي وأرسلها على الخاص ( ما نبغى نقطع رزق الناس)!!!

وفيه جهاز ثاني سبب لي نفس المشاكل لكن الاخصائية رفضت تقولي اسمه والجهاز مغطى ما يمديك تقري اسمه...

واخيييييييييييييييييييرا....
حصلت جهاز جدا ممتاز اسمه ( NEW GENTLE LASER PLUS) أولا ماله مضاعفات بعد الجلسة ولا آثار والألم جدا خفيف لأنه يعمل بطاقة تبريد لتخفيف الألم عند الإزالة وهذا الجهاز حصلته في ( عيادات ديرما – ومركز المداواة الطبي ) في الرياض لكن الفرق الوحيد بينهم هو السعر.

المهم... إذا رحت مركز حاولي تسألي عن نوع الجهاز وخلي الأخصائية تسوي لك منطقة صغيرة كاختبار (test) للبشرة إذا ما طلع له آثار اليوم الثاني ارجعي عندها وكملي معها باقي الجلسات .... ولا تسوووا مثلي تتنقلوا من مركز للثاني ترى ما يفيدكم.

بنات لا تفهموني غلط وتحسبوني أسوي دعاية ... لا والله لكن من كثر ما عانيت من هالاجهزة حبيت أساعدكم وأفيدكم ... وعسى الله يعينكم.