بالصدفه ترى صرت خطابه هههههههههه
اتصلت علي وحده تقول انتي خطابه قلت لا انا الباشيه خخخخخخخخ
قالت اها شفت رقمك في النت وكتبته وحسبتك خطابه..قلت حصل خير
عاد مع السواليف ارتاحت لي
وقالت طيب ماتعرفين احد كذا وكذا وكذا قصدها بنت للزواجقلت والله انا الحين مافي مخي احد وفاجأتيني بطلبك..>>>كأنها تبي تخطبني خخخخخ
قالت عادي اذا تعرفين احد ياليت تقولين لي ولو بعدين. قلت باذن الله
المهم مع الايام والزواجات وشوفة العالم جت الحرمه على بالي وارسلت لها كم رقم
بعدها جاني كم اتصال>>اظن علمت معارفها برقمي
الغريب في الموضوع ان الشباب اللي يطلبون بنات يطلبون حلوات وطويلات وشعورهم طويله>>>عاد هي تبي تخليه طويل !!تقصه من اول شهر زواج..ضمنت الزوج هههههههه
واللي مهيب طويله وش فيها كل الانوثه فيها
والبنات كانت طلباتهم ابيه غني ابيه يحب السفر ابيه ماهو معقد>>>عزا الله ماهمب صاحيات ذالبنات..اذا ابوك ماسفرك لا تغثين ولد الناس..اهم شي انه بيأكلك ويشبعك ويكسيك وتجيبين منه عيال توسعين صدرك فيهم
الغريب في الموضوع ان الطلبات كانت سطحيه فتره وتزول .. والخافي يظهر.مافيه احد يطلب شي مهم ومفيد وش هالعالم
تتوقعون وش السبب؟؟
هل هو الفضائيات خلت الشباب يبون جمال؟
والبنات من المسلسلات التركيه والرومانسيات اللي فيها؟؟
نصيحه...
يابناتي
...ارضوا بالزوج الصالح ولا تهمكم لا فلوس ولا سفريات ..الحياة الزوجيه اكبر من كذاالله خلق الذكر للانثى وتكاثر وتناسل وموده وألفه
خليكم عاقلات واتزوجوا بدون شروط ماصله