يعني من خلال تربيتك ايش كنتي تتوقعي؟ يكون بيرفت بكل الامور ؟ اكيد لا
وانا اقلك ليش لانه الطفل بهالعمر يكون عنده طاااااقه عاليه جداً
ابنك يتغير لو دخل سباحه , كره قدم , نشاطات للاطفال بيطلع الطاقه الي فيه

موضوع البوووسه هاذي كل الاطفال مايحبوها

كب السكر والشاي والملح وهالاشياء يمكن من الفراغ الي عنده يكب و عشان يلفت انتباهك ... من خلاال كلامه حسيته وحيد هل هل اخ اخت؟ او يمكن تفضيل الاخوان عليه

اخذ اشياء الاولاد هذا لعبه هو كذا يلعب مايقصد الاذيــه ولما يروحو يبكي يقولي له لو تعلب معهم بشكل حلو بيضلو معنا اكثرر ....... هذه مجرد افكار مني وان شاءالله تنفعك بس حاولي شوي تكوني اشد في التربيه

انا استغربت من نقطه كيف تقولين انا قريت في كتب التربيه الحديثه وتشربتها وفهمت الطفل وسلوكه والحين عجزتي تفهمين سلوك طفلك ؟؟
اسمحي لي اقول لك انا ثقافتي في هالموضوع اقل منك بكثير حسب ماذكرتي لكني حضرت دورة في التربيه الفعاله ومما سمعته ان الطفل حياته زي الموجه في كل فتره تتغير مره يمر بفتره عناد ومره فتره هدوء مره فتره عصبيه ومزاج ومره مسالم
من الاشياء الي ذكروها ان الطفل في عمر 4 او 5 سنوات يمر بمرحله عناد عشان يثبت ذاته اي شيء تقولينه يسوي ضده فقط يبي يثبت لك انه انسان حر بنفسه وايضا في هذا العمر يصير الطفل اناني ولايحب مشاركة الاطفال في اللعب مو معناته انه يكره الاطفال لا لكن يحب يلعب لحاله قريب منهم
هذا الي اذكره وكله موجود بطفلك يعني هذا سلوك طبيعي يمر فيه الطفل مهما ربيتيه صح هو بيمر بهذي الفترات نفس فترة المراهقة الكل يمر فيها
الحل مع الطفل العنيد انك تخاذين رايه وتشعرينه انه شخص مستقل له كلمته مثلا اذا جا يلبس اساليه تبي هذي البدله والا ذي ودك نطلع السوق او الحديقه
اما حالة الانانيه او اللعب لحاله اتركيه فتره وتعدي بس يكبر بيتغير
وكل شيء زرعتيه فيه ماراح يضيع ابد ابد ابد لاتخافين مثل الزرع ينمو فجاه ويكبر وتجنين حصاد زرعك
اسال الله ان يجعلني مثلك لاني احس بالتقصير

الاطفال من سن 3 ونص الي نهاية الخامس عندهم رغبات لان يكون لهم وضع مستقل مثل ماللكبار
لما يكب ولدك السكر والملح تراه يقلدك وقت الطبخ بس يشوفك تكبي الملح في القدر للغداء لكن لانه توه عقليته صغيره يفكر ان المساله اني اكب الملح للتسليه فيقلدك مش عشانه عنيد ومايسمع الكلام
ثاني شي الاطفال لما يشوفوا الناس الاغراب يبدئوا بالمقارنه بين اشكالهم واشكال اهل بيته فيستغرب ليش هذا خشمه اطول من خشم اهلي ولا ليش هاذي حاطه لون اسود على عيونها فيبدا يخاف خصوصا اذا شاف منهم موقف سلبي صرخوا عليه
يعني باختصااار ولدك مافيه الا العافيه ماشاء الله
لكن سالتك بالله تساعديني بخبرتك في التربيه انا دايما اصرخ على اولادي كيف ابطل العاده السيئة الي مافيها رحمه ولاشفقه

نفس اسلوبي ماحب اضرب واعاملهم بحترام ماعمري
هزاتهم عند احد طبعا دحين في بعضهم متوسط وابتدائي
صراحة احيانا لمى اشوف قريباتي الي يعاملوا اولادهم
بظرب مايتعبوا اهلهم اي امر على طول ينفدوه بدون اي
تردد او سؤال اما انا لازم يسألوا وادا ماعجبهم يحتجوا
ويجادلوا لين بقتنعوا بس بحترام
والي لحظتوه ان الي ينظربوا للاسف شخصيتهم ضعبفة
مرة
الله يخليك ولدك لساته صغير

الغاليه سمسمه
عادي
انا ولدي مر بالفتره هذي في عمر الخمس سنوات
حسيت الدنيا دارت بي
وقلت ليه يصير كذا رغم اهتمامي
الان وصل 7 سنوات
الحمد لله الكل يثني عليه
المدرسه لها دور
والبيت انا وابوه
والتحفيظ
والحمد لله الان اشعر بثمرة جهدي
لا تستعجلين ابدا
كنت غريبه بين الناس بتربيتي
الكل يستغرب تضحياتي
ولكني بديت احس بالثمره
والطريق طويل جدا
لا تستعجلين
المراهقه قادمه والصبا قادم
والشباب قادم
ولكل مقام مقال
ولكل شي صبر وتعب ودعاء وصلاه وسجود
فديتك يالغاليه