الحبيبة ام فرح
تسلمين يالغالية ... وهذا من ذوقك :)
الصفحة الأخيرة
اشكرك عزيزتي على كلماتك المشجعة
واشكركم على وسام التميز :)
الحبيبة ام عزيزان
اولا احب اشكرك على مرورك عالموضوع
وبالنسبة لاستفساراتك .. الاستنسل انا لقيته بجرير والزامل وتلقينه بمحلات الاشغال اليدوية
انا لمن اغطي جزء من الاستنسل اشتغل بلون واحد الين اخلص منه تماما بعدين اغطي الجزء الثاني واشتغل باللون الثاني وبكذا يكون الشغل الاول نشف... ترا هو ما ياخذ حتى 5 دقايق عشان ينشف لان الرسمات صغيرة والالوان احط منها طبقة خفيفة فقط
وبالنسبة للاسفنجة... شفتي اللي بالصورة ؟
اقطعها 3 اقسام ولكل لون استخدم قسم .. لقيت اسفنج خاص بجرير للطباعة بس غالي ب 16 ريال على ما اتذكر وهذا الاسفنج ارخص ويعطي نفس النتايج
وماكنت البس قفاز لاني كسلانة والوان الاكريليك تراها سائلة وبحط لك صورتها انشاء الله ... وتروح بسرعة من اليد يعني ما توسخ
هذي صورة الالوان ... انا استخدمت النوع اللي عاليسار
والعمل ما خذت له مقاسات لان الاستنسل فيه مثلثات صغيرة بالزوايا .. حطيت فيهم علامة بالقلم الرصاص وكنت امشي على هذي العلامات والجدار الاخضر طبعا ما يحتاج مقاسات ولا شي
اتمنى اني اكون افدتك
واي استفسار انا حاضرة :)
تحياتي