صباح الخير

بنات وبعد ان تحطم حلمي ولي7 جلسات لاحظت اردافي كلها غمازات وعضودي فيها كسرات او تعرجات 00مرررره ضايق صدري

ليتني مالعب بجسمي ماكان لهدرجه ياربي لاتعاقبني


بسأل وبسأل وببحث لين اعرف هل الحاله تتحسن لو كملت الجلسات

ياليت احد بس يكون مر بنفس الحاله وراحت الحفر

اختي الغاليه قرويه

انا كاتبه مشاركتي في نفس الموضوع من السنه اللي فاتت الحين مر حوالي سنه وسبع شهور ولا شي تغير الحفر بقيت حفر

واساسا الجهاز مو كل الناس ينزل من مقاساتهم بعض الاجسام ما تستجيب وانا جسمي ما استجاب وراحت فلوسي على الفاضي وفوق كذا صار فيني اشياء مثل ما ذكرت بالرد الاول ما كانت موجوده

الله يعين بس

ما ادري انصحك تتركين الجلسات وفلوسك الله يعوض عليكِ او انك بالاصح لازم تخانقيهم وتقولي لهم ويش هذا وخليهم يردونلك على الاقل نص المبلغ لانه حرام والله خانقيهم وقولي لهم بروح بشتكي عليكم لانه هذا المفروض يحسن وخاصه انه صارلك 7 جلسات يعني المفروض يبان التحسن مو العكس تكلمي معهم بعين قويه وخليهم يرجعوا لك لو نص المبلغ

ونصيحتي ابدي ادهني جسمك كريمات اي كريم لوشن بس عشان الترطيب الدائم وسوي مساج بيدك دائري على اماكن السولاليت وسوي رياضه منزليه ومشي وان شاء الله كل الامور بتتحسن

انا الحين بادئه بهالشي بلا مراكز بلا خرابيط تخرب اكثر ما تعدل

هذي نصيحتي لك من مجربه قبلك

وانتظري شوفي اراء باقي البنات اذا حد صار معه نفس هالشي مع اني انا بعد سويت بمركز معروف بالامارات مركز كبيررر جدا وغالي ومختصين

انا فكرت اسوي هالجلسات بس كل من يقول ان لاتركتيهم يرجع الجسم مثل ماكان وممكن تطلعلج زوائد ماكانت موجودة
فهونت قلت خلوني على زوائدي مابي ازيدهم ههههههه

بس يمدحون بالكويت اليزيوم الخبيرة اللي عندهم شغلها مضبوط لانه اذا الخبيرة اي كلام بيصير فيه مطبات وسوالف بالجسم

واعتقد 12 جلسه ب 300 دينار

جاك ديسانج ما اثق فيهم بأي شي

وباقي الاماكن مادري عنهم

اي ونسيت اقولكم

مرة قريت مادري بأي مجله ان هالجهاز ماينفع الا للي مسوين عملية شفط دهون بحيث ينسق الجسم ويعيد توزيع الدهون بعد العملية

اما بدون عملية ماكو فايدة

بس الظاهر اللي عندنا يبون يشفطون فلوسنا بأي طريقة يقصون علينا يقولون مقاسات تصغر وخرابيط

احسن شي تخففون اكل وتسوون رياضة وبس

انا وبنت عمتي دفعنا وداومنا يوم وراء يوم بس بدون اي فائده صراحه ضيعنا وقتنا وبس بصراحه ماتخيلت انه كذا لاوبعد اناكنت اشتكي من الاجناب وبعد الجهاز كبر بطني انا اقول انه جهاز فاشل جدا