جربت .. رحت .. ادور على احسن من عجينتي ما لقيت

السلام بنات



محسوبتكم من النوع اللي يحب يجرب وتميت اجرب كل العجاين اللي بالمنتدى وغير اللي بالمنتدى عشان اوصل لعجينة هاي موصفاتها :


:55: قطنة

:21: تبقى طرية حتى عقب فترة

:23: لذيذة

:cook: سهلة التشكيل


:42: بيضاء

المهم طحت على عجينة لوحدة من المنتدى الله يجزاها خير بس مب متذكره اسمها وكانت مسمستها العجينة الملكية وهي فعلا ملكية


جربت غيرها قلت يمكن تكون احسن بس اروح اروح وارجع لها


طبعا تبونها اللحين ؟؟؟


:32:

من عيوني

ملاحظة استخدمي كوب الجبن كرافت كقياس
كوب ماء دافي
3 ملاعق كبيرة سكر
1 ملعقة كبيرة خميرة
3 ملاعق كبيرة حليب بودر
1\4 كوب زيت
ذرة ملح
اخلطي جميع هذه المقادير بالخلاط الكاس
وانتظري تقريبا 5 دقائق ثم اخلطي السائل مع 2 ونصف كاس طحين المطاحن الكويتية

بالضبط لا تنقصين ولا تزيدين :23:

واعجني واعجني واعجني

هي ما يبيلها عجان وايد بسرعة تلاقينها جهزت ..

وبتلاحظين انها شحلاتها تصير



وحطيها في فرن مسكر ( اذا كنت مستعجلة عليها اولع الفرن قبل لا استغل وقبلها بشوي اطفيه واحطها نص ساعةة وهي جاهزة )



بس واحلى ما فيها انها تتشكل بسهولة لا هي يابسة ولا لينه


ولما تخلصين وتخبزينها حطيها في كيس مسكر 5 دقايق وبعدين اكليها بالعافية لو خليتيها يومين بتبين كنها توها مستوية


عاد جربوها مب بس جيه .. وان شاء الله بتعتمد منكم



اي سؤال انا حاضرة