جربت شي وخفف الشهية بشدة عندي يابنات

:king:

أنا قرأت وما أدري وين الله يجزاها الخير اللي كتبت
أن زيت الميرمية يخفف الشهية
وصراحة عجبتني الفكرة لأن سبق سمعت أن شاي الميرمية يخفف الشهية بالذات الصباح


المهم رحت العطار وما لقيت الزيت
لقيت شي بس للشعر
ضروري تنتبهون لهاالنقطة
الزيوت اللي للشعر لا تصلح للأكل
وبالتالي تلقون علي العلبة مكتوب للإستعمال الخارجي
المهم ما ابغي أرجع خالية الوفاض
لقيت عنده ماء الميريمية وماء الزعتر وشريتهم
أنا آخذ من ماء الميرمية ملعقة واحدة الصباح أو قبل الغداء
وأحيانا قليل آخذ ماء الزعتر بدالها

المهم يابنات الحلال بانت النتيجة بعد إسبوع وأنا صراحة ما يجيب الشي نتيجة معي بسهولة
يعني غيري ممكن يجيب معه نتيجة من أول يوم
المهم ملعقة واحدة أكل ..وما أحب أكثر أنا من النوع اللي اخاف

المهم ما عدت أشتهي الأكل مثل أول
لكن مافيه غثيان
والشهية خفت بنسبة 50% تقريبا
الآن بين الوجبات لا أشتهي الأكل مطلقا
ولما آكل الوجبة العادية ما صرت أكثر مثل أول
والعشا الآن خفيف جدا وهذا ريحني
وبعدين ما صرت أشتهي الحلا مثل أول
يعني بالعادة أنا آكل في السهرة :2thmup:أربع حبات شوكولا (أموت فيها )

بدون الشوكولاتة أحس نفسي ضايعة :icon810:

الآن غالبا لا آكل إلا حبة من الله كذا ..قولوا ما شاء الله
والآن بعد إسبوعين ونص نزل وزني حوالي 3 كيلو مع مشي خفيف جدا 10 دقايق باليوم وأحيانا ما أمشي
ولما أشتهي الأكل أقرر علي طول أني آخذ ملعقة من الميريمية عقاب ههههه ..وهذا كفيل بأنه يطير فكرة اشتهاء الأكل
مع أن طعمه مقبول لكنه مثل الشاي الأخضر ما تشتهين بعده الأكل

الغريب أن الورقة اللي مع ماء الميريمية كاتبين أنها تفتح الشهية والنا بصراحة شعرت العكس تماما
وكاتبين ماء الزعتر هو اللي ينزل الوزن
المهم حبيت أشارككم تجربتي ودعواتكم الله ييسر أمري وينزل وزني من غير شر

واللي تعرف وين أحصل زيت ميرمية تقول لي