السلام عليكم ورحمة الله وبركاته
شخباركم بناااات
مدري إذا كنتو تذكرون وحده العضوات كتبت كيكة الكوكتيل
بس هي سوتها أبيض وأسود عشان ماكنت متوفره الألوان وهذي مقاديرها مع الكريمه.بس إللي إستعملتها كريمه ثانيه.
المقادير:
الكيك الجاهزالأبيض( وممكن أي كيكه)*علبه قشطه*ألوان أحمر وأصفر وكاكاو.
الطريقه:
تخلط عجينة الكيك بإضافة القشطه وتقسم العجينه أربع أقسام قسم أحمر وأصفر وبالكاكاو وساده (وممكن نستعيض الأصفر باللون الأخضر) الأخضرمن عندي لأنه كان موجود
تخبز الطبقه الأولى في فرن حامي لمده 10 دقائق
وبعدين تضاف الطبقه الثانيه ونولع من فوق وننزل رف الفرن لآخر حد.وتكرر العمليه حتى يصبح لدينا كيكه طبقات.
الكريمه:
2علبه حليب السعوديه ( أو أي نوع )*2 علبة كريم كرميل بودرة*3ملاعق كاكاو بودرة*ملعقه صغيرة نسكافيه "حسب الرغبه"
تخلط جميع المقادير على النار حتى تغلي ثم تصب على الكيكه ( وإذا بقى شي من الكريمه ممكن وضعه في صحون صغير ة وتوضع في الثلاجه لتتماسك)
يرش على وجه الكريمه جوز الهند محمص.
الكريمه إللي أنا إستخدمتها عاديه
علبه حليب مركز صغيره ظرف دريم ويب وظرف كريم كاميل ونص علبة حليب السعوديه أخلطه زييين لين يصير ثقيل ....
شكلها طلع جنان بس سويتها 3طبقات أول طبقه ابيض وبعدين أحمر وبعدين أخضر
وياليت أعرف أنزل صور كان نزلتها :(
مشكورة مشكورة
مشكورة مشكورة مشكورة
مشكورة مشكورة مشكورة مشكورة
مشكورة مشكورة مشكورة
مشكورة مشكورة
مشكورة
وتسلمين ويعطيك العافية وان شاء الله راح اجربه عزيزتي هنادي .